Yokana 3:16 - Ebaibuli

¹⁶ Naarai komina Edeke akwapin kwanata, abu koinak Okokuke loteluna, tetere ŋinituŋanan yeniyuuni ŋes kinye aolior, konye kojaas kaijar naka ikar kere.

AKITUTUKET NAKITETET (NEPEPEKA ISABULIN KA AWARAGASIA)

¹⁶ Amina Akuju akwap noi, akitodol nama alemuna nesi Okoku keng' lotelit tetere ng'in itwan kere ni iyuuni nesi emam ketwaani konye kodumu akijar na emam kedaun.

Yokana 3:16 Iomraidhean Croise

Ageun 22:12

Kotema atiar, “Sirikidokok akan otelepat, kwabo sirikisubak idiobore: naarai ajeni kwana kwape iyonitor Edeke, naarai mam kimikit ikokukon, ikonikoku iteluna.”

Ageun 22:2

Kotema atiar, “Koya kwape kwana ikokukon, ikonikoku iteluna yenimina, ŋes Isaak, kolot akwap nako Moria; koinak kaŋina araun ainakinet naicweio kotoma ediopet koronan lokalimokini.”

Isaia 9:6

Naarai kiwurikinitai oni ikoku, Kiinakinitai oni ikoku yenisapat: Ejaenena rwaru airum okeperike: Ekekiror da enyarao “Lokaumokin, Ekapetan akiro, Edeke Lokagogoŋ, Papa lomam edaun, Ekapolon loka Ainapakin.”

Matayo 9:13

Konye koloto yesi kisisiata apolou naka akiro nu ebe, ‘Akoto aitim, kwabo mere asuban.’ Naarai mam abunit anyarit ikadolitok, dimarai ikadiakanarak.”

Mariko 12:6

Aso kesalit bobo ediopet, okoku lominat: kiyakia ŋol da kawasia, kobala ebe, ‘Eyoŋete okokuka.’

Luka 2:14

“Kojai aibuses mama ejai Edeke kokuju kakuj, Ka ainapakin da kakwapin mama ejaas ituŋa luitoiokit.”

Yokana 1:14

Koraun akirot akuan, kiboiororoi kamawok, (kaanyut oni da akeibuses, aibuses naka eteluna lokebuni kama ka Papa,) ileleba asianut ka abeit.

Yokana 1:18

Emamei ituŋanan yeneanyunit Edeke kapakio kere; Okoku loteluna, loejai atorob naka Papa, ŋol ŋes etejenuni.

Yokana 1:29

Kapaaran naatupakini koany Yesu ebunit mamake, kotema atiar, “Koany Imerekek yenika Edeke, yenelemari adiakar naka akwapin!

Yokana 10:28

ainakini kes aijar naka ikar kere, mam cut eoliorete, kwabo emamei ituŋanan yeneurupoori kes kakanika.

Yokana 3:15

tetere ŋinituŋanan yeniyuuni ŋes kojaas kaijar naka ikar kere.”

Yokana 3:18

Ŋin yeniyuuni ŋes mam itelekarete akiro; yenimam iyuuni ŋes adaut akiro aitelekar, naarai mam abu kiyuu ekiror loka Okoku loteluna loka Edeke,

Yokana 3:36

Yeniyuuni Okoku ejaas kaijar naka ikar kere; konye yenimam erima Okoku mam eanyuni aijar, konye esalakini ŋes anyunyura naka Edeke.

Yokana 6:40

Naarai nuekot Papaka kes nu ebe, Yeneanyuni Okoku ka aiyuun ŋes kojaut kaijar naka ikar kere; etajaruni eoŋ ŋes kapaaran nakawasia.”

Iromayon 5:10

Naarai arai nakiraar kolo lukasurup kitupucitoi kEdeke kanuka atwanare naka Okokuke, aitelekarit noi kiidau aitupucio, kitajario kotoma aijarake.

Iromayon 5:8

Konye iturit Edeke akemin mamawok, naarai nakirokor kirai ikadiakanarak abu Kristo kotwanik oni.

Iromayon 8:32

Ŋol lomam abu kimik Okokuke elopet, konye koinak ŋes kanuwok kere, mam kereka kikorakini iboro kere da nepepe kaŋes?

Ipeson 2:4

Konye Edeke loebarit aitim, kanuka akemin naepol nakiminaar oni,

2 Itesalonikan 2:16

Konye Ejakaitiwok Yesu Kristo elopet, ka Edeke Papawok, lokimina oni, loabu koinak da aitalakar naka ikar kere, ka amun naejok kotoma asianut,

Tito 3:4

konye naketakanunia asianut ka amin naka Eketajaraniwok Edeke,

Iburayon 2:9

Konye kiseseni Yesu loaponi kosubai nepetai airianakin ka imalaikan adaun apak naedit, kanuka aiticanio naka atwanare, aponi kitanapai aboko naka aibuses ka ayoŋio, tetere kanuka asianut naka Edeke, iiri atwanare kanuka ŋinituŋanan.

1 Yoana 3:1

Koanyut amin naetia nen nakiinakinit Papa oni, tetere kinyaritai idwe luka Edeke, kirai da. Kanuka ŋun ŋes mam akwapin kijeniata oni, naarai mam apotu kojenut ŋes.

1 Yoana 4:19

Kimina oni, naarai ŋes kigei amin oni.

Apukokinio 1:5

ido kama ejai Yesu Kristo, ekajenan lomunot, ekiyai loka ikatwak, ekayaiton da loka ikabakan luka akwapin. Mama ejai ŋol lokimina oni, lokilacuni da kotoma adiakanaretawok kanuka aokotoke,