Yokana 19:6 - Ebaibuli

⁶ Kosodete keanyutu isasedotin lupeti ka ikapolokitok, kiworoto ebe, “Kibubuk, kibubuk ba!” Kotema Pilato kes atiar, “Koyaŋaasi yesi, kibubukis, naarai mam eoŋ aanyunit adioronis kamakeŋ.”

AKITUTUKET NAKITETET (NEPEPEKA ISABULIN KA AWARAGASIA)

⁶ Nape keanyunata lukapolok ka isaseredootin kiton lukedarak nesi, kocelunete ebalasi ebe, “Kibubukisi nesi omusalaba, kibubukisi nesi omusalaba!” Kolimokini Pilato kesi ebe, “Koyaasi osi ikulopek nesi, kibubukisi omusalaba, konye eong' mam kadumuut aronus apede kama keng'.”

Yokana 19:6 Iomraidhean Croise

Matayo 26:58

Kotupa Petero kama elwana, kiton alaro naka losasedoti lopeti, koloma toma, kiboikin nepepe ka ikedarak aanyun nuebeikinete.

Matayo 27:22

Kotema Pilato kes atiar, “Aso do ekonakini ai Yesu loenyaritai Kristo?” Kobalas kere ebe, “Kibubukinoi.”

Matayo 27:24

Kosodi keanyu Pilato ebe mam nuepedori, konye iyata ecelet, kolem akipi, kilot akekanin kakonyen nuka ekodet, kobala ebe, “Emamei eoŋ akirot kotoma aokot nuka etuŋanan kalo loedolit: nukus bo ŋun.”

Luka 23:4

Kobala Pilato isasedotin lupeti ka ikodeta ebe, “Mam aanyunit akirot naerono kotuŋanan kalo.”

Yokana 18:3

Kosodi kedau Yuda ainakinio erioŋet loka iserikalei, ka ikejaanakinak kama kisasedotin lupeti ka Iparisayon, kolot ŋina katalai ka akalasia ka lujiis,

Yokana 18:31

Kotema Pilato kes atiar, “Aso koyaŋaasi yesi, kotubokis kokisilikus.” Kotemasi Iyudayan ŋes atiar, “Emamei sio apedor aiar ituŋanan.”

Yokana 18:38

Kotema Pilato atiar, “Inyo bo abeit?” Kedau einer ŋun, koloma bobo mama ejaas Iyudayan, kotema kes atiar, “Mam eoŋ aanyunit adioronis kamakeŋ.

Yokana 19:15

Kanuka ŋun kiworoto ŋul ebe, “Kolema, kolema, kibubuk!” Pilato kotema kes atiar, “Ebubukini kereka Ekabakakus?” Koboŋokis isasedotin lupeti ebe, “Emamei sio ekabaka ece dimarai Kaisar.”

Yokana 19:4

Kosodi kolom bobo Pilato kiŋa, kotema kes atiar, “Koany ayaŋauni ŋes kiŋa mama ijaas, tetere ijenunete ebe mam eoŋ aanyunit adioronis kamakeŋ.”

Aswamisio 2:23

Yesu ŋol, lokijaikinio kanuka ainerun ka aijen naka Edeke ameun apeŋo, ipotu yesi kibubukis, koarata kakanin nuka ituŋa lukaronok.

Aswamisio 7:52

Enabi ali lomam lukapapaakus areito? Apotu koarata lukedwarete akiro nuka abunore naka Ekadoliton; lokwana ibilakis yesi ebotet, koarata da,