Yokana 19:11 - Ebaibuli

¹¹ Koboŋok Yesu ebe, “Ti mam jo ijaas kapedor kere mamakaŋ, arai mam kidumunit abunore kokuju; kanuka ŋun ŋol lokejaikini eoŋ akaninikon ŋes erono adepar.”

AKITUTUKET NAKITETET (NEPEPEKA ISABULIN KA AWARAGASIA)

¹¹ Kinyakakini Yesu nesi ebe, “Ti mam ijo ijaasi kapedor kokuju kang' kere kemam kiinakiite ijo alomun kokuju; kanuka ng'un nesi lokayauni eong' akanin kon nes ejaasi ka aronus kana epolo noi adepar kere.”

Yokana 19:11 Iomraidhean Croise

Iromayon 13:1

Kononokikinite ŋinituŋanan ikapolok lueyaito, naarai emamei apolou dimarai naebuni kama ejai Edeke, ka ŋin da naejai icorakinit Edeke.

Yokana 3:27

Koboŋok Yokana ebe, “Mam epedori ituŋanan adumun akirot kere dimikito einakinitai abunore kotoma akuj.

Aswamisio 2:23

Yesu ŋol, lokijaikinio kanuka ainerun ka aijen naka Edeke ameun apeŋo, ipotu yesi kibubukis, koarata kakanin nuka ituŋa lukaronok.

Daniel 4:17

Erai akirot kokisil loka ikedarak, aicorakinet da kakirot naka ikalaunak: tetere ejenunete lukajarak ebe irumit ŋol loejai kuju kakuj ajakanut naka ituŋa, einakini nin yenekoto, edakakini yenitasono kotuna.’

Aswamisio 3:13

Edeke loka Aburaam, ka loka Isaak, ka loka Yakob, Edeke loka lukapapaawok etopoloo Eketelepat Yesu; loipotu yesi kijaikis, ka aiŋer kakonyen nuka Pilato, nakekotor aosikin ŋes.

Yokana 7:30

Kosodete komootos aikamun ŋes; konye mam etuŋanan abu korio akekanin aikamunia, naarai ariŋa edoluno ekesawa,

Yakobo 1:17

Ŋiniinakinet naejok, ka ŋiniijaikina naedolit ebuni kokuju, ijesuni kama ejai Papa loka luecaete, emamei ailoconokin kamakeŋ, karaida etoribe loka aibelonokin.

Daniel 4:25

ebe, kireŋeario jo anyoun kotuna, ibojenenete ijo kitian luka ais, inyami anya kwape imoŋin, ipalalar kakopyo nuka akuj, etuboros apakio akanykaarei kamakon; aitodol naijenunia ijo ebe irumit ŋol loejai kuju kakuj ajakanut naka iruna, einakini da nin yenekoto ŋesi.

Matayo 6:13

Sirikiya sio toma acodunio, Konye koyuunai kama ejai lokaronon. [Naarai ajakanut, ka apedor, ka apolou, eraas nukon, ikar kere, Amen.]

Yakobo 4:17

Aso yenejeni aswam nuejok, komam iswamai, erai adiakar kamakeŋ.

Iromayon 11:36

Naarai epote iboro kere kamakeŋ, ejaas da kanukeŋ, ido eboŋorete mamakeŋ. Kojai aibuses mamakeŋ ikar kere. Amen.

Aswamisio 4:28

tetere iswamaete kere nuelosikinit akonikan, ka nuinerunit ŋol ajaun.

Matayo 27:2

koenata ŋes, koyaŋaasi, kijaikis Pilato lokerai ekayaiton.

Isabulin 62:11

Ener Edeke irwan atipet, Apup eoŋ da nu irwan aarei; Ebe Edeke ŋes elopet apedor:

Mariko 14:44

Koinakinite kes lokebilakini ŋes ebotet aanyunet, kobala ebe, “Loanui eoŋ, ŋes ŋol; kikamutu ŋes, koyaŋaasi ikokito.”

Daniel 5:21

kirenearai kodwe luka ituŋa; korau eketau kwape kitian, kiboienenei kitukoi; kitanyamai anya kwape imoŋin, kopalal akekuan kakopyo nuka akuj: aitodol naajenunia ebe irumit Edeke loejai kuju kakuj ajakanut naka ituŋa, ido edakakini ŋin yenekoto ŋesi,

Daniel 4:32

Kirenear kotuna, ibojenenete ijo kitian luka ais; inyami anya kwape imoŋin, etuboros apakio akanykaarei kamakon; aitodol naijenunia ijo ebe irumit ŋol loejai kuiu kaku; ajakanut naka ituŋa, einakini da ŋin yenekoto ŋesi.”

Yokana 18:3

Kosodi kedau Yuda ainakinio erioŋet loka iserikalei, ka ikejaanakinak kama kisasedotin lupeti ka Iparisayon, kolot ŋina katalai ka akalasia ka lujiis,

Yokana 9:41

Kotema Yesu kes atiar, “Arai kiraas imudukiok, timam ijaas kadiakar; konye kwana ibalasi ebe ‘Kikwenyi,’ aso esalit adiakarikus.”

Luka 22:53

Apaarasia kere ajaenena eoŋ nenipe kayes toma oyekalu, konye mam ipotu kikamut eoŋ. Konye lo erai ekusisawa, ka apedor naka amuton.”

Daniel 4:35

Luibojete kakwap da kere mam imarakinitai araut ibore: Iswamai ŋesi kwape ekotor kajore naka akuj, Ido mama ejaas luibojete kakwap: Emamei da yenepedori aitikokin akekan, Karaida atemar ŋes atiar, “Anyoika bo nuiswamai?”

Akuudian 3:37

Iŋai bo ŋol loinera kitodolikinoi, Arai mam EJAKAIT icorakinit?

Matayo 26:65

Kosodi kocil losasedoti lopeti ikenapen, kobala ebe, “Ainyanaki, Anyoika bobo kipudar ikajenak? Koany, iirasi kwana akeinyanakin,

Isabulin 39:9

Abu kebaŋubaŋun, mam abu kaooŋa akaituk; Naarai ibu kosub.

1 Aisiitonokin 29:11

Wu EJAKAIT, apolou, ka apedor, ka aibuses, ka aipikor, ka aiyoŋ eraas nukon: naarai luejaas akuj ka akwap kere eraas lukon; wu EJAKAIT, ajakanut erai nakon, kitopoloorio aitelekar kere.

Yokana 18:13

Koyaŋaasi ber mama ejai Anas; naarai kerai ekamuran loka Kaiapa lokerai esasedoti lopeti okaru ŋol.

Yokana 19:10

Kanuka ŋun kotema Pilato ŋes atiar, “Mam inera keoŋ? Mam ijeni ebe ejai eoŋ apedor aosikin jo, ejai da apedor aibubukin?”