Yokana 17:2 - Ebaibuli

² Kwape ibu koinakinia apedor kama kaluejaas awat kere, tetere einakini kere lukiinakini ŋes aijar namam edaun.

AKITUTUKET NAKITETET (NEPEPEKA ISABULIN KA AWARAGASIA)

² Naarai ibu ijo koinaki nesi apedor kuju ka itung'a kere, tetere einakini nesi de akijar na emam kedaun ng'ulu kere lu kibuu ijo koinaki nesi.

Yokana 17:2 Iomraidhean Croise

Isabulin 110:1

Abu EJAKAIT kotema ekaiakait ehe, “Kiboikin akanika nakoteten, Aitodol naebwaikinia lukasurupokon kwap kakeienekon.”

Daniel 7:14

Aponi koinakinai ŋes ayait, ka aibuses, ka ajakanut, tetere ijaanakinete ŋes ituŋa kere, ka atekerin, ka aŋajepa. Ayaitike erai ayait namam enaŋi, namam etubor, akejakanut da namam emudiario.

Matayo 11:27

Kainak Papaka iboro kere; ido emamei yenejeni Okoku dimarai Papa, kwabo emamei yenejeni Papa dimarai Okoku, ka ŋin da yenekot Okoku apukokin ŋes,

Matayo 25:46

Elosete ŋul alomar toma aiticanio naka ikar kere, konye luedolito elosete toma aijar naka ikar kere.”

Matayo 28:18

Kobu Yesu neejaas kinera kakes, kotema atiar, “Kainakin eoŋ apedor kere kokuju kakwapin da.

Yokana 17:24

Papa, akoto kes lukiinakinit ajaut nenipe keoŋ kere neajai; koanyutu akaibuses nakiinakinit; naarai ibu komina eoŋ eriŋa epesikina apetetait naka akwapin.

Yokana 17:6

“Etodia ekonikiror mama ejaas ituŋa lukiinakinit kakwapin; araas lukon kosodi ainakin eoŋ: aricata da akonikirot.

Yokana 17:9

Elipakini eoŋ ŋul: mam elipakini akwapin, konye ŋul lukiinak; naarai eraas lukon.

Yokana 3:35

Emina Papa Okoku, ititiŋit iboro kere.

Yokana 4:14

konye yenemasi akipi nuainakini eoŋ, mam ejaki akur ikar kere; konye akipi nuainakini eoŋ eraunete kotomake atan naka akipi nuibulubulitos kiton aijar namam edaun.”

Yokana 6:27

Siritaaritos kanuka inyamat luedaunos, konye kanuka inyamat luikuniasi kiton aijar naka ikar kere, lukiinakini Okoku loka etuŋanan; naarai ŋol ŋes loepucakinit Papa.”

Yokana 6:37

Kere lukainakini Papa epote mama ajai; ŋin da yenebuni mamakaŋ mam cut ereŋeari,

Yokana 6:39

Nuekot lokejukuni kes nu ebe, Kotoma kaŋul kere lukainakini siriketoolio idiopet da, konye ketajar kapaaran nakawasia.

Iromayon 6:23

Naarai eropit loka adiakar ŋes atwanare, konye ainakinet naka Edeke erai aijar naka ikar kere kotoma Kristo Yesu Ejakaitiwok.

1 Ikorinton 15:25

Naarai ibusakinit ŋes airumit aitodol naicakakinia lukasurupoke kere kwap kakejeneke.

Ipeson 1:20

nakiswamak Kristo nakitajarunia ŋes kokatwak, kisiboik da kakekan nakoteten kotoma aiboisio nuka akuj,

Ipilipin 2:10

tetere ekukonokini ŋinikuŋ ekiror loka Yesu, nuka akuj, ka nuka akwap, ka nukokwap kakwap da;

1 Timoti 1:16

Konye kanuka na ŋes ketimere, tetere itodiari Yesu Kristo kotoma eoŋ losodit aketitiŋikin kere, araun aanyunet mama kaŋul luepote aiyuun ŋes kiton aijar naka ikar kere.

Iburayon 1:2

konye kapaarasia kanu nukawasia ener kaoni kotoma Okoku, loabu kodakak araun ekeruman loka kere, kanukeŋ da abu kosub akwapisinei.

1 Petero 3:22

ejai akan nakoteten naka Edeke, kedau adokar toma akuj; imalaikan, ka lukapolou, ka lukapedor da kononokikis ŋes.

1 Yoana 1:2

kotakan da aijar, ido kipou kaanyut, kitejenuni da, kilimonokin yes aijar ŋin naka ikar kere, nakejai neejai Papa, nakitakanikinio sio,—

1 Yoana 2:25

Na ŋes aisumunet naisumunit ŋesi oni, aijar naka ikar kere.

1 Yoana 5:20

Konye kijeni ebe abu Okoku loka Edeke, abu koinak oni ajenun tetere kijeni ŋol loerai abeit, kija oni toma ŋol loerai abeit, toma Okokuke Yesu Kristo. Ŋol ŋes Edeke lokabeit, aijar da naka ikar kere.

Yuda 1:21

kidaras bonik toma amin naka Edeke; kidareut aitim naka Ejakaitiwok Yesu Kristo kiton aijar naka ikar kere.