Yokana 16:3 - Ebaibuli

³ Iswamaete ŋun da naarai mam ejenunito Papa, karaida eoŋ.

AKITUTUKET NAKITETET (NEPEPEKA ISABULIN KA AWARAGASIA)

³ Ebunete kesi akisomakin osi nu naarai mam kesi kejenete Papa, bobo mam kesi kajenete eong'.

Yokana 16:3 Iomraidhean Croise

Luka 10:22

Kainak Papaka iboro kere; ido emamei yenejeni Okoku dimarai Papa, kwabo emamei yenejeni Papa dimarai Okoku, ka ŋin da yenekot Okoku apukokin ŋes.”

Yokana 15:21

Konye kiswamakinete yes ŋun kere kanuka ekakiror, naarai mam ejenete lokejukunit,

Yokana 15:23

Yenikaŋara eoŋ eŋara Papaka da.

Yokana 17:25

Wu Papa Ekadoliton, mam akwapin kijenete, konye kajeni jo; ejenete lu ebe ijo ŋes kijukunit.

Yokana 17:3

Aijar namam edaun ŋes na ebe, kojenutu jo Edeke ediopet lokabeit, ka Yesu Kristo Iokijukuni.

Yokana 8:19

Kosodi kotemasi atiar, “Ejai bo ai Papakon?” Koboŋok Yesu ebe, “Mam kijenete eoŋ karaida Papaka; arai kiijenete eoŋ, tikijenut Papaka da.”

Yokana 8:55

kwabo mam ipotu kojenut ŋes; konye eoŋ ajeni ŋes; arai kener ebe, ‘Mam ajeni ŋes,’ tikaraun ekeŋalan kwape kayesi; konye ajeni ŋes, aricit da akekirot.

Aswamisio 3:17

“Kwana da iinacan, ajeni ebe iswamato ŋun kanu mam ijeniata, kwape eswamaata ikayaitokokus da.

1 Ikorinton 2:8

Mam ikayaitok luka ikar kalu apotu kojenut ŋin; naarai arai kejenete timam kibubukis Ejakait lokaibuses.

2 Itesalonikan 1:8

inyaŋi kama kaŋul lumam ejenete Edeke, ka ŋul da lumam erimarito Akiro Nukajokak nuka Ejakaitiwok Yesu.

1 Timoti 1:13

karaida abu kainyanakini ŋes kolo, kareite, ka amoromor da; konye aponi ketimi naarai abu keswama kamamus aijen kotoma amamus aiyuun,

1 Yoana 2:23

Ŋin kere yeneŋeri Okoku, emamei ŋin Papa. Ŋin yenelimori Okoku ejai ŋes Papa da.

1 Yoana 3:1

Koanyut amin naetia nen nakiinakinit Papa oni, tetere kinyaritai idwe luka Edeke, kirai da. Kanuka ŋun ŋes mam akwapin kijeniata oni, naarai mam apotu kojenut ŋes.

1 Yoana 4:8

Yenimam emin mam ejeni Edeke, naarai erai Edeke amin.

1 Yoana 5:20

Konye kijeni ebe abu Okoku loka Edeke, abu koinak oni ajenun tetere kijeni ŋol loerai abeit, kija oni toma ŋol loerai abeit, toma Okokuke Yesu Kristo. Ŋol ŋes Edeke lokabeit, aijar da naka ikar kere.