Yokana 16:2 - Ebaibuli

² Kireŋeanario katukosia; eebo, ebunit esawa loeomitor ŋinituŋanan yenikiari yes ebe iiaanakini Edeke.

AKITUTUKET NAKITETET (NEPEPEKA ISABULIN KA AWARAGASIA)

² Ebunete itung'a akireng'iar osi ko otogoi luka alipasia ka Iyaudin. Bobo ebuuti akolong' na anyuna itwan kere nikiari osi ituni ebe kokipone kaloka asoma nu, ijaanakini nesi Akuju.

Yokana 16:2 Iomraidhean Croise

Isaia 65:5

Luebalas ebe, “Kobwo bon, Sirikikuny mama ajai, naarai agitara kamakon.” Eraas ŋun apuru okumesika, akim naenoki apaaran kere.

Isaia 66:5

Kiirasi akirot naka EJAKAIT, yes luimaranete kakekirot: Ebe, “Apotu ikusiinacan lukilaito, Lukireŋearete kanuka ekakiror kotemasi atiar, ‘Kitopolooroi EJAKAIT, tetere kianyuni akusiiyalama’; Konye isurumio kes ileic.

Daniel 11:33

Lukacoa da lukotoma otuŋa ituutoorete luipu: konye ibirokinos okileŋ, ka akim, ka aijoreorio, ka anatario, apaarasia nuipu.

Matayo 10:28

Sirikikuriakaros ŋul luearete akuan komam epedorete aiar aijar; konye gwai kokuriaka ŋol loepedori amudiar akuan ka aijar da kotoma oGeena.

Matayo 24:9

“Kapak kaŋin kijaikinete yes aiticanio, kiarete; kiŋarunete yes atekerin kanuka ekakiror.

Luka 6:22

“Isirereŋitoi yes, nakiŋaruniata ituŋa, kigitarete yes, kimoromoroete, ecakarete ekusikiror bala ibore yenerono, kanuka Okoku loka etuŋanan,

Yokana 12:42

Konye kiton ikayaitok da kiyuut ŋes luipu; konye kanuka Iparisayon mam apotu kolimosi, kinyeis aireŋeario katukos:

Yokana 16:25

“Enera eoŋ ŋun kayes kawaragasia; konye ebunit esawa lomam kinerar bobo kayes kawaragasia, konye kalimokinete kaitebeikin nuka Papa.

Yokana 16:32

Koany, ebunit esawa, eebo, adau adolun, naisiarakinotor ŋolituŋanan oreke, ka ajalakin eoŋ kasilikinit, Konye mam eoŋ kasilikini, naarai ejai Papa keoŋ.

Yokana 4:21

Kotema Yesu ŋes atiar, “Toto, kiyuunai, ebunit esawa lomam imaiata bobo Papa koroŋat kalo karaida Yerusalem,

Yokana 4:23

Konye ebunit esawa, ejai da kwana, loemaiata ikamaak lukabeit Papa, kotoma omoyo ka abeit, naarai emoot Papa ituŋa luikote nen aima ŋes.

Yokana 9:22

Enerasi ikekauriak kwaŋin naarai akuriaka Iyudayan; naarai enerunitos Iyudayan ebe arai elimori ituŋanan ŋes araut Kristo, ireŋeario katukos.

Yokana 9:34

Koboŋokis kotemasi ŋes atiar, “Kiwuritai cut jo kotoma adiakar, kisisianakini kereka ijo da sio?” Kireŋeasi ŋes kiŋa,

Aswamisio 5:33

Nakiirariata ŋun, konomos noi ikecetauon, kinerut aiar kes.

Aswamisio 7:56

kotema atiar, “Koany, aanyuni akuj eŋaara, ka Okoku loka etuŋanan ebwoi kakan nakoteten naka Edeke.”

1 Ikorinton 4:13

nakisabanakinere, kiŋaiŋai; kitusubi bala asusuj nuka akwap, ediirit da loka iboro kere, kiton kwana.

Ipilipin 3:6

kakiro nuka adunyanut, kareite ekanisa, kakiro nuka adolit naejai toma okisila, mam abu kajai kaitoronet.

Apukokinio 6:9

Naapukoria ŋesi aipucet nakikanyet, kaany kokwap ketem, imoyon luka ŋul kalukeario kanuka akirot naka Edeke, kanuka ajenanut da nakejaatar.

Ikatubok 6:30

Kosodete ituŋa lukore atemar Yoas atiar, “Kitolom okokukon, kotwana: naarai atiyaiki etem loka Baal, naarai aiep da Asera loedunyas kaŋes.”