Yokana 15:2 - Ebaibuli

² Ŋinitenu kotomakaŋ namam erai araito, elemari ŋesi, ka ŋinitenu da naerai araito igweri, tetere iyatakini aira araito.

AKITUTUKET NAKITETET (NEPEPEKA ISABULIN KA AWARAGASIA)

² Ng'ini ateni kang' na emam kirai araito, ebuni nesi alemari. Ng'ini ateni na irai araito, igwerari nesi tetere iyatakini araito.

Yokana 15:2 Iomraidhean Croise

Eitabo Loka Yob 17:9

Konye ederenenei ikadoliton ekerot, Ŋin da yeneiaas akanin nuelaete iyatanakini agogoŋor.

Isabulin 92:14

Eraenenete araito kemoionata; Ileleba kes akip elibilibete da.

Awaragasia 4:18

Konye esubit esokot loka ikadolitok bala aica nakaiwalar, Naeyatanakin aeaun aitodol apaaran naedoliorit.

Isaia 27:9

Kanuka ŋun, ŋes elucere numam adolit nuka Yakob, Nu da kes araito nuka alemar akeronis; Arai kitupusi amor kere nuka etem kwape enon loidecideeitai, Tetere mam bobo Aserim ka aputosia nuka akoloŋ esipokina.

Isaia 29:19

Iyatanakinete da luitasonos ailelekec kotoma EJAKAIT, Lukican ‘kotuŋa da iyalamikinete Lokalaunan loka Isirael.

Daniel 11:35

Ibiroros da ice kakesi lukacoa, aililiaun kes, aitesegaar, aitalaun kes aitodol apak nakawasia: naarai eroko ejai apak naeseunitai.

Kosea 6:3

Kajenutu, kenyikokis ajenun EJAKAIT: Icasit akelomar kwape katupuruc: Ebuni mamawok kwape kakiru, Kwape kakiru nakiloboet nairwairwai akwap.”

Malaki 3:3

iboie rwaru kwape ekeliliaunan, eketesegaaran da loka epuesa, itesegaari odwe luka Lebi, egelemari da kwape esabu ka epuesa; ijaanakinete asuban neejai EJAKAIT kotoma adolit,

Matayo 13:12

Naarai yenejai ibore, einakinio luiyatakina luipu; konye yenemamei ibore, ŋin da yenejaas kaŋes edemario.

Matayo 13:33

Kolimok kes awaragan ace ebe, “Eputos ajakanut naka akuj bala aitubuunet nakelemari aberu kibwa kotoma aitemisio auni nuka akiria, kiton neabuunioto kere.”

Matayo 15:13

Koboŋok kobala ebe, “Ŋinikiraa yenimam irait Papaka lokotoma akuj erutunio,

Matayo 21:19

Koany etini kariri kerot, kolot neejai, mam eanyuna ibore kokujuke dimarai akui bon. Kolimok ŋes ebe, “Mam bobo iraenenei araito ikar kere!” Atipet korinyo etini.

Matayo 25:29

Naarai yenejai ibore einakinio, ido edumuni luipu noi; konye yenemamei ibore, ŋin da yenejaas kaŋes edemario.

Matayo 3:10

Nati kwape kwana da ibwaikinitai aep atoromin nuka ikito: aso ŋolikitoi lomam erai araito nuejok ejepario, ka acakakin akim.

Matayo 3:12

Ejai ekeritei akanike, epiari cut ekepejal; etukonokini akimake odula, konye icwei agugu kakim namam itudeŋio.”

Matayo 7:19

Ŋolikitoi lomam erai araito nuejok ejepario, kocakakinai akim.

Mariko 4:20

Ka ŋul da lukeyeikinio alup nuejok kes lukiirarete akirot, kocamut, koraata araito, akaisauni, ka akaisakanykape kiton akwatat da.”

Luka 8:13

Kwi da lukaŋaŋam kes lukiirarete kocamut akirot kailel; konye komameete alias, iyuunete nediokasilon, kosodete kapak naka acodunio etiakaros,

Yokana 15:1

“Arai eoŋ emusabibu lokabeit, Papaka da ŋes lokeswaman.

Yokana 15:16

Mere yes kiseunete eoŋ, dimarai eoŋ kaseu yes, kadakak yes tetere ilosete koraata araito, araitokus da kosalito; tetere nuilipete Papa kere kokirorika, kiinakini.

Yokana 15:3

Idaut yesi araut luilaete kanuka akirot nakalimokinit.

Yokana 15:6

Ituŋanan arai mam esali tomakaŋ, ecakario kiŋa kwape katenu, erinyori; etukokinio atenuna, ecakakinio akim, kidoposi.

Yokana 15:8

Itopolooritai Papaka kotoma nu arai iraete yesi araito nuipu, iraunos da ikakesisiak,

Yokana 17:12

Naariŋar ajai kakes, abu kedar kes kotoma okirorikon lokiinakinit; kegalikinite kes, kwabo emamei ediopet kakesi loeoliorit dimarai okoku loka aolior; tetere edoli nakiwadikatai.

Iromayon 11:17

Konye arai epakanaritai ace katenieik, ijo da, eseitun loka ais kiraikinitai kidiŋikec, korau ikamoran yenika ajokis naka aliasit,

Iromayon 11:22

Aso koany ajokis ka adedeŋ naka Edeke; adedeŋ mama ejaas luibiroros, konye aiokis naka Edeke mamakon, arai kisalak ajokis ŋin; arai mere kwaŋin jo da kijepario.

Iromayon 8:28

Kijeni ebe iswamaete iboro kere nepepe kanuka ajokis mama ejaas ŋul lueminasi Edeke, ŋes atemar ŋul lukenyaraunio kanuka alosikiniteke.

1 Ikorinton 13:1

Arai kener kaŋajepa nuka ituŋa ka nuka imalaikan, kwabo emamei eoŋ amin, arai ibore yeneruo arai aisinin nueruos tai.

Tito 2:14

loabu koinakin bon kanuwok, tetere kilakuni oni kama kepali kere, ka aitalaun kanukeŋ ituŋake obe, luekokakinito aswamisio nuejok.

Iburayon 12:15

Koanyanasi ebe emamei yeneolikinit asianut naka Edeke; kinyek “Aliasit naka adwaris” alibun ka aitican yes, kosodete luipu amunaar;

1 Yoana 2:19

Apotu konyout kamawok, konye mam keraas luwok; naarai arai keraas luwok, tikesalata kaoni, konye konyout tetere itakanunio ebe mam keraas kere luwok.

Apukokinio 3:19

Etoroni eoŋ ŋul kere luamina, alecori da; aso kodunyak, kitoronikin da.