Yokana 15:12 - Ebaibuli

¹² “Na ŋes akaicorakinet ebe Kominanaros, kwape abu kaminar yes,

AKITUTUKET NAKITETET (NEPEPEKA ISABULIN KA AWARAGASIA)

¹² “Ekisil kang' nes lo: Kominasi kwape aminuna eong' osi.

Yokana 15:12 Iomraidhean Croise

Malaki 1:2

Ebala EJAKAIT ebe, “Kamina yes.” Konye ibalas yesi ebe, “Kimina ijo sio biai?” Ebala EJAKAIT ebe, “Mam kereka Esau arai onaee loka Yakob? Konye amina Yakob;

Yokana 13:34

Kainakini yes aicorakinet nakitetet ebe, Kominanaros; kwape abu kaminar yes, kominanaros yesi da kwape kwaŋin.

Yokana 15:17

Kecorakini yes ŋun tetere iminanaros.

Iromayon 12:10

Kotoma amin naka einacane, kominanaros bonik ka bonik; kotoma aibuses kitopoloorite ŋinituŋanan aupake.

Ipeson 5:2

Kolosenenete da kotoma amin, kwape Kristo da kiminar yes koinakin elopet kanuwok, ainakinet ka asubanit da naeuru maa mama ejai Edeke.

1 Itesalonikan 3:12

Ejakait da koinak yes aiyatanakin ka aidilakin aminanar bonik, ka ituŋa kere, kwape sio da kiminar yes,

1 Itesalonikan 4:9

Konye nuka amin iinacan mam ipudasi eoŋ aiwadikakin yes, naarai kisisianakinit Edeke yes aminanara;

2 Itesalonikan 1:3

Iinacan, kiburao sio aimalaenen Edeke apaarasia kere kanukus, kwape kibusakinitor, naarai iyata noi akusiiyuun, idila da akusiminanar ŋinituŋanan kayesi kere mama kayenice.

1 Petero 1:22

Naarai idaut aitalaun aijarakus kotoma arimarite abeit, kiton amin iinacan namam esoswai, kodunyakis noi aminanara kotoma otauon,

1 Petero 3:8

Nakawasia, koraas kere luicamanara, luitimonoros, luiminanara kwape iinacan, luisiaka, luitasonos da.

1 Petero 4:8

Aitelekarit kere kodunyakis noi aminanara, naarai erapari amin adiakanareta nukepuak.

1 Yoana 3:23

Na ŋes aicorakineteke, oni aiyuun ekiror loka Okokuke Yesu Kristo, kaminanaros da kwape kiinakinitor oni aicorakinet.

1 Yoana 4:21

Ejai da oni aicorakinet na kamakeŋ, ebe yenemina Edeke, komina da onaceke.

2 Yoana 1:5

Ido kwana ajakait, kelipi jo, mere bala kewadikakini jo aicorakinet nakitetet, konye ŋin nakijaatar ameun kageunet, kaminanaros bonik ka bonik.