Yokana 14:2 - Ebaibuli

² Togo loka Papaka ejaas aiboisio nuipu; arai mere kwaŋin tikalimokis kereka yes ebe alosi aitemokin yes aibois?

AKITUTUKET NAKITETET (NEPEPEKA ISABULIN KA AWARAGASIA)

² Ipuaka agoloi kotoma ko otogo ka Papa kang'; kere kemam kerait kong'in, tin eong' kalimoki osi ebe alosi eong' akitemonokin osi alarosinei?

Yokana 14:2 Iomraidhean Croise

Luka 14:22

Kotema ebulesit atiar, ‘Ejakait, ŋun nukicorak eswamasi, konye ca eriŋa aibois ejai.’ ”

Yokana 13:33

Yes idwe ludidik, eroko apak naedit ajai nepepe kayes. Kimoete eoŋ; kwape abu kalimokinitor Iyudayan ebe, ‘Nealosi eoŋ, mam yes ipedorete abunore’; kwana da kalimokini yes kwape kwaŋin,

Yokana 13:36

Kotema Simon Petero ŋes atiar, “Ejakait, ilosi bo ai?” Koboŋok Yesu ebe, “Nealosi eoŋ, mam kipedori atupun kwana; konye kitupuni kokau.”

Yokana 14:28

Ipuput eoŋ abala ebe, Alosi eoŋ, abuni da bobo mama ijaas. Arai kiiminasi eoŋ, tikilakaros, naarai alosi mama ejai Papa; naarai Papa ŋes lokapolon adepar eoŋ.

Yokana 16:4

Konye abu kalimok yes ŋun tetere naedolio esawakec, kiitunete ebe abu kalimokinite yes.

Yokana 17:24

Papa, akoto kes lukiinakinit ajaut nenipe keoŋ kere neajai; koanyutu akaibuses nakiinakinit; naarai ibu komina eoŋ eriŋa epesikina apetetait naka akwapin.

Aswamisio 9:16

naarai etodikini ŋes nuipu nuibusakinit ŋes aiticanio kanuka ekakiror.”

2 Ikorinton 5:1

Naarai kijeni ebe arai emunauna iswamuwok yenika akwap kana yenikiboiororor, kija kaduket naebuni kama ejai Edeke, ŋes etogo lomam iswamatai kakanin, loka ikar kere kotoma akuj,

1 Itesalonikan 5:9

Naarai mam Edeke kibwaikinit oni kanuka anyunyura, dimarai adumun aitajario kanuka Ejakaitiwok Yesu Kristo,

Tito 1:2

kotoma amun naka aijar naka ikar kere, naabu Edeke, lomam iŋalai, kisumun eriŋa apakio nuka ikar,

Iburayon 11:10

Naarai abu kidareunite ere loejaas apeteta, loapwakun Edeke loaduki da.

Iburayon 13:14

Naarai emamei oni ere loeperonori kane, konye kimoot je loekot ajaun.

Iburayon 6:20

neabu Yesu koloma kwape ekeŋarenon kanuwok, abu koraun esasedoti lopeti ikar kere kwape ejaar epone loka Melukisadek

Iburayon 9:8

Isideleleuni Emoyo Lokalaunan ebe mam ber erot etakanuna alomar aiboisio nukalaunak, naeriŋar ewema losodit ebwoi.

Apukokinio 1:5

ido kama ejai Yesu Kristo, ekajenan lomunot, ekiyai loka ikatwak, ekayaiton da loka ikabakan luka akwapin. Mama ejai ŋol lokimina oni, lokilacuni da kotoma adiakanaretawok kanuka aokotoke,

Apukokinio 21:2

Kaany da ere lokalaunan, Yerusalem lokitetet, ijesun kotoma akuj, kama ka Edeke, itemokino kwape ateran naisirokinitai okilenike,

Apukokinio 3:12

Ŋin yenipikori, etarauni ŋes epir kotoma oyekalu loka Edekeka; kwabo mam cut elomari kiŋa; eoŋ da ewadikakini ŋes ekiror loka Edekeka, ekiror da loka ere loka Edekeka, ŋes Yerusalem lokitetet loijesuni abunore kotoma akuj; kama ka Edekeka, ekirorika da lokitetet.

Apukokinio 3:21

Ŋin yenipikori, ainakini ŋes aiboi nepepe keoŋ oicoloŋoka, kwape abu kepikoria keboikin nepepe ka Papaka oicoloŋoke.