Yokana 13:8 - Ebaibuli

⁸ Kotema Petero atiar, “Mam jo ilosi akakeje cut kiton ikar kere.” Koboŋok Yesu ebe, “Arai mam kelosi jo, mam imorikikina keoŋ.”

AKITUTUKET NAKITETET (NEPEPEKA ISABULIN KA AWARAGASIA)

⁸ Kotemari Petero ebe, “Mam ijo kilosi akejen kang'.” Kinyakakini Yesu nesi ebe, “Kemam eong' kelosi ijo, mam bobo ijo kirait lokesisian kang'.”

Yokana 13:8 Iomraidhean Croise

Ageun 42:38

Kobala ebe, “Mam ikakoku elosi nepepe kayes; naarai abu onaceke kotwana, ŋes da asalaki bon; kedoiki aronis korot kaloitorete, itolomarete akakorwo toma okatwak kanuka aiturur.”

2 Samuel 20:1

Kojaun kanen etuŋanan loka Belial, ekekiror Seba, okoku loka Bikiri, Ebenyamit: kokut ŋesi arupepe, kotema atiar, “Emamei oni akorakinet kama kaDaudi, ido emamei oni airumet kotoma okoku loka Yese: koboŋo ŋinituŋanan owemake, wu Isirael.”

1 Ikabakan 12:16

Keanyu Isirael kere ebe mam abu ekabaka kopup kes, kobonokis ituŋa ekabaka ebe, “Anyoin akorakinetekosi kama ka Daudi? Ido emamei sio airumet kotoma okoku loka Yese: Ape ma owemanakus, wu Isirael: Daudi, koanyanar do ekonikek.” Koloto do luka Isirael owemanakee.

Isabulin 51:2

Kiloŋarai eoŋ cut numam adoliteka, Kitesegarai da akadiakar.

Isabulin 51:7

Kidetarai kesop, alauni eoŋ da: Kiloŋai, kakwaŋu aitelekarit akile.

Isaia 4:4

naedaunia EJAKAIT ailotar amodokok kere naka apesur nuka Sion, aitesegar da aokot nuka Yerusalem kokidiŋike, kanuka emoyo loka etube, ido kanuka emoyo loka aicwe.

Esekiel 36:25

Ido kabwasi yes akipi nuelaete, ilaunete: kedetarete kotoma amodokokus kere ka aputosiakus da kere.

Sekaria 13:1

“Kapaaran kaŋin epukorio atan inama ejai ekek loka Daudi, ka luibojete ko Yerusalem, aitalaunia kes karonis ka amamus aila.

Matayo 16:22

Koyaŋa Petero Yesu, kogeu aitoron ŋes, kobala ebe, “Madi akuj, Ejakait! Mam kiponikinete jo ŋun.”

Matayo 21:29

Koboŋok ebe, ‘Alosi Ipapa,’ konye mam eloto.

Matayo 26:33

Koboŋok Petero kotema ŋes atiar, “Karaida kiguikinos kere kanukon, konye eoŋ mam keguikini cut.”

Matayo 26:35

Kotema Petero atiar, “Karaida kebusakinit atwanare kajo, mam kaŋeri jo cut.” Kinerata ikesisiak kere da kwape kwaŋin.

Yokana 13:6

Kodolok do Simon Petero. Kotema Petero ŋes atiar, “Ejakait, ilosi ijo akakeje?”

Yokana 13:9

Kotema Simon Petero ŋes atiar, “Ejakait, mere akakeje bon, konye akakanin ka akakou da.”

Yokana 3:5

Koboŋok Yesu ebe, “Abeit, abeit, katemari jo atiar, Arai mam ituŋanan eurio kakipi ka Emoyo, mam epedori alomun ajakanut naka Edeke.

Aswamisio 22:16

Aso kwana idaret inyo? Konyou, kibatisai, kilota akonidiakanareta, kiwonete ekekiror.’

1 Ikorinton 6:11

Ice kayesi da ipotu koraas kwaŋin; konye aponi kilotar, konye aponi kitalaun, konye aponi kitojoki araut luidolito, kokiror loka Ejakait Yesu Kristo, kotoma Emoyo da loka Edekewok.

Ipeson 5:26

tetere italauni ŋes, kedau aitesegaar kailotar kakipi toma akirot,

Ikisila 12:12

Kolakanaros kakonyen nuka EJAKAIT Ekusideke, yes ka ikusidwe lusap ka lupesur, ka ikusikejaanakinak, ka akusikejaanakinak ka Elebit loejai orekon, naarai emamei ŋes akorakinet karaida airumet kamakus.

Ikolosain 2:18

Kinyek idio ademar ainakinetekus, yenekoto aitisilikin, ka aima imalaikan, kitogogoŋooro kaitapoeta, iturokina atai kanuka aomisioke nuka akuan,

Ikolosain 2:23

Akiro ŋun kere ejai aput naka acoa kotoma aima naepwakunete ituŋa bonik, ka aitisilikin, ka aitican akuan; emamei ŋun ajokis nepetai da aitikokinia aiŋobel naka akuan.

Tito 3:5

abu kitajar oni, mere kanuka aswamisio nukiswamat kadolit, dimarai kwape ejaar akeitim, kanuka ailotario naka aurio nakiareit ka aisiteteunio naka Emoyo Lokalaunan,

Iburayon 10:22

kekunyakis ketau lokabeit, ka aiyuun naedoliorit cut, kobwatai itauonowok da ainyein aomisio nueroko, kiloŋai da awatewok kakipi nuelaete.

Apukokinio 1:5

ido kama ejai Yesu Kristo, ekajenan lomunot, ekiyai loka ikatwak, ekayaiton da loka ikabakan luka akwapin. Mama ejai ŋol lokimina oni, lokilacuni da kotoma adiakanaretawok kanuka aokotoke,

Apukokinio 7:14

Katema ŋes atiar, “Ekajakait, ijo ijeni.” Kabala ebe, “Lu kes lukepote kotoma aiticanio naepol, elota inapenekec, etwakaŋata kes kotoma aokot nuka Imerekek.