Yokana 13:13 - Ebaibuli

¹³ Kinyarito eoŋ Ekesisianakinan ka Ejakait da; inerasi yesi kotenan, naarai arai eoŋ kwaŋin.

AKITUTUKET NAKITETET (NEPEPEKA ISABULIN KA AWARAGASIA)

¹³ Kinyarito osi eong' Lokesisianakinan ka Lokapolon; ideerete osi naarai kwang'in nes arait eong'.

Yokana 13:13 Iomraidhean Croise

Yeremia 1:12

Kosodi EJAKAIT atemar eoŋ atiar, “Iany ejok: naarai edarenenei akakirot aitodolikin.”

Matayo 20:28

kwape mam ebunitor Okoku loka etuŋanan aijaanakinio dimarai aijaanakin, ka ainakin da akeijar alakunia ikepuak.”

Luka 10:28

Kotema ŋes atiar, “Iboŋok kotenan; kikonaki nen, iiari.”

Luka 6:46

Kanukinyo kinyaritotor eoŋ ebe, ‘Ejakait, Ejakait,’ kwabo mam iswamaete nuabala eoŋ?

Luka 7:43

Koboŋok Simon ebe, “Aomit ebe je lokisionio nuipu.” Kotema ŋes atiar, “Itub kotenan.”

Yokana 11:2

Ŋes Mariam nakinyonyoanakini Ejakait akinyet, konina akekeje kitimake, ŋipeŋin nakedeka onaceke Lasaro.

Yokana 11:28

Nakedaunia einer ŋun, kolot, konyarau kinacike Mariam kaiyeiyea, kobala ebe, “Ejai Ekesisianakinan ne, kinyarit jo.”

Yokana 11:3

Aso kiyakiasi ainacan ŋun mama ejai Yesu ebe, “Ejakait, edeka ŋol loimina ijo.”

1 Ikorinton 12:3

Kanuka ŋun ketejenuni yes ebe emamei ituŋanan yeninera kOmoyo loka Edeke ebe, “Kikenoi Yesu!” kwabo mam epedori ituŋanan atemar ebe, “Yesu ŋes Ejakait,” dimarai kOmoyo Lokalaunan.

1 Ikorinton 8:6

konye kamawok ejai Edeke ediopet bon, ŋes Papa, loeponiata iboro kere kamakeŋ, oni da kirai lukeŋ, ejai da Ejakait ediopet, Yesu Kristo, lokejauniata iboro kere, oni da kirai kanukeŋ.

Ipeson 6:9

Yes da ijaka, kiswamanakinete kes kwape kwaŋin, kinyeis aitukurian, naarai ijenete ebe ejai Ejakaitikec ka lokus toma akuj, kwabo emamei atiakit ituŋa kamakeŋ.

Ipilipin 2:11

ido kolimonori ŋiniŋajep ebe Yesu Kristo ŋes Ejakait, kitopolooritete Edeke Papa.

Ipilipin 3:8

Konye abu kaomite cut iboro kere araut atwaniar kanuka ajokis naepol noi naka ajenun Kristo Yesu Ejakaitika, Abu katwania iboro kere kanukeŋ, kaomite da araut acin, tetere adumuni Kristo,

Yakobo 2:19

Iyuunit ijo ebe erai Edeke ediopet; iswamai ejok. Iyuunete ajokin da, komaranete.