Yokana 1:14 - Ebaibuli

¹⁴ Koraun akirot akuan, kiboiororoi kamawok, (kaanyut oni da akeibuses, aibuses naka eteluna lokebuni kama ka Papa,) ileleba asianut ka abeit.

AKITUTUKET NAKITETET (NEPEPEKA ISABULIN KA AWARAGASIA)

¹⁴ Korauni Akirot etung'anan, kosodi ajaikin kiding' wok, ileleba asianut ka abeite. Anyutu siong' akibusesu keng', akibusesu naka Okoku lotelit alomun kamaka Papa.

Yokana 1:14 Iomraidhean Croise

Isabulin 2:7

Alimokini nuka ekisil: Abu EJAKAIT katema eoŋ atiar, “uoŋ Okokuka; Lolo kauru jo

Isabulin 45:2

Itemelel ijo aitelekarit idwe luka ituŋa; Ebukokinitai asianut aitukukon: ŋes kisirereŋio Edeke jo ikar kere.

Isabulin 85:9

Abeit eapie aitajarake kanul kalueyonito ŋes; Tetere iboienenei aibuses kakwapuwok.

Isaia 40:5

Epukorio rwaru aibuses naka EJAKAIT, Erataikinete ituŋasinei kere aanyun: Naarai ener aituk naka EJAKAIT.”

Isaia 53:2

Naarai kopoloor kakonyeneke kwape yenikiraa yenitosokok, Kwape aliasit naelomuni kaneeonit: Emamei asubunet karaida aliogotot, tetere kiseseni ŋes, Emamei atemelel nakisiŋobelei.

Isaia 7:14

Kanuka ŋun ŋes kiinakinia EJAKAIT elopet aanyunet; koany, epotuuni abekot, idouni ikoku yenisapat, emaikini ekekiror Imanuel.

Esekiel 37:27

Eiaenena da ekawema kakes: eoŋ da araun Ekecedeke, kes da eraunos ikatuŋa.

Matayo 1:16

Yakob kouri Yosep ekile loka Mariam, naauriei Yesu loenyaritai Kristo.

Luka 2:11

naarai auruun lolo kanukus Eketaiaran, ŋes Kristo Ejakait kotoma ore loka Daudi,

Luka 2:7

Kidou yenikiyaike yenisapat; kimuko kigoen lukimukeru, kiperik atuba nakenyamenenata ibaren, naarai mam adumunito apak kotogo loka ipejok.

Luka 9:32

Kilurunito Petero ka lukejaas kaŋes ajo; konye nakekwenyuniata koanyutu aibusesuke, ka kwi da iarei lukebwoete kaŋes,

Yokana 1:1

Kageunet ajai Akirot, ajai Akirot mama ejai Edeke, korai Akirot Edeke,

Yokana 11:40

Kotema Yesu ŋes atiar, “Mam kereka kalimokinit jo ebe arai iyuunit, ianyuni aibuses naka Edeke?”

Yokana 14:6

Kotema Yesu atiar, “Arai eoŋ erot, ka abeit, ka aijar da; emamei yenebuni mama ejai Papa, dimikito itorit tomakaŋ.

Yokana 14:9

Kotema Yesu atiar, “Ajai lem eoŋ kayes apak naetia nen kere, mam jo da kijeni eoŋ, Pilip? Yenikaanyunit eoŋ, eanyunit Papa; aso biai bo ibalar ijo ebe, ‘Kitodikinai Papa’?

Yokana 17:22

Eoŋ da ainak kes aibuses nakiinakinit eoŋ; tetere eraunete ipe, kwape kiraar oni ipe:

Yokana 17:24

Papa, akoto kes lukiinakinit ajaut nenipe keoŋ kere neajai; koanyutu akaibuses nakiinakinit; naarai ibu komina eoŋ eriŋa epesikina apetetait naka akwapin.

Yokana 18:37

Kotema Pilato ŋes atiar, “Irai kereka ijo ekabaka?” Koboŋok Yesu ebe, “Ijo ibala ebe arai eoŋ ekabaka. Kauritai eoŋ kanuka ŋun, kanuka ŋun da abu kabu akwapin, tetere etejenuni abeit. Yenerai yenikabeit iirari ekaporoto.”

Yokana 2:11

Abu Yesu kiswama aanyunet na nasodit koKana loko Galilaya, kitodia da akeibuses; kiyuutu ikekesisiak ŋes.

Yokana 3:16

Naarai komina Edeke akwapin kwanata, abu koinak Okokuke loteluna, tetere ŋinituŋanan yeniyuuni ŋes kinye aolior, konye kojaas kaijar naka ikar kere.

Yokana 3:18

Ŋin yeniyuuni ŋes mam itelekarete akiro; yenimam iyuuni ŋes adaut akiro aitelekar, naarai mam abu kiyuu ekiror loka Okoku loteluna loka Edeke,

Yokana 6:51

Arai eoŋ inyamat lukajarak lukijesunos kotoma akuj; arai kenyam ituŋanan inyamat lu, ebusi ikar kere; inyamat da luainakini eoŋ kanuka aijar naka akwapisinei ŋes akakuan.”

Yokana 8:32

ijenunete da abeit, abeit da kiwosikini yes.”

Aswamisio 13:33

ebe etodolik Edeke oni ikecedwe aisumunet ŋin, kanuka aitajarun Yesu; kwape iwadikatere kotoma osabuli lokiareit ebe, ‘Irai ijo Okokuka, Lolo kawuru jo.’

Iromayon 8:3

Naarai ŋun numam apedorito ikisila, kanuka akalanyanut naka akuan, abu Edeke, naejukunia Okokuke elopet kaput naka akuan nakadiakaran ido kanuka adiakar, kotubok adiakar kotoma akuan,

Iromayon 9:5

eraas lukapapaa lukec, ido kotomakec alomunia Kristo kwape ejaar akuan. Kituritete Edeke loeyait kere ikar ka ikar. Amen.

1 Ikorinton 15:47

Abuni etuŋanan losodit kotoma alup, ŋes lokapua; etuŋanan lokiareit abuni kotoma akuj.

2 Ikorinton 12:9

Konye abu katema eoŋ atiar, “Akasianut kidaunit jo, naarai itodolitoi akapedor kotoma akalanyanut.” Aso aoloboboi kaiyalama naepol kanuka akalanyanutukaŋ, tetere karapari apedor naka Kristo.

Igalatian 4:4

Konye naadolio apak naabeit, abu Edeke kijuk Okokuke, lokewuruuni aberu, lokewuruunio koyaito ikisila,

Ipeson 3:8

Kainakinitai eoŋ asianut na, loarai loadit noi adepar lukalaunak kere alimonokin Imo Akiro Nukajokak nuka abar namam imarun naka Kristo,

Ikolosain 1:19

Naarai kotomakeŋ kitojokit aitekoro naka Edeke aiboienen,

Ikolosain 2:3

loibwaitai kotomakeŋ iboro kere luketiai loepol luka acoa ka ajenun da.

Ikolosain 2:9

Naarai kotomakeŋ iboie aitekoro kere naka Eidekeone kakuan,

1 Timoti 3:16

Ido komamei abuonokin, epol noi aiyeiyea naka ayoŋit Edeke: Abu kitodiar kotoma akuan, Kitojokai kotoma Omoyo, Apotu imalaikan koanyut ŋes, Aponi kolimonokinai kotoma atekerin, Aponi kiyuunai kotoma akwapin, Kodakarai kuju toma aibuses.

Iburayon 1:3

Erai ŋesi ailore naka aibuses naka Edeke, erai da einono loka ejauteneke, edakit iboro kere kakirot naka akepedor. Nakedaunia aitesegaar adiakanareta, kiboikin akan nakoteten naka Loejai kuju kakuj, kotoma akuj,

Iburayon 1:5

Naarai iŋai bo komalaikan abu Edeke kobala ebe, “Irai ijo Okokuka, lolo kauri jo”? Bobo da ebe, “Araun eoŋ Papake, ŋes da eraun okokuka”?

Iburayon 10:5

Naarai naalomunia Kristo toma akwapin abala ebe, “Mam ibu kokoto asubanit ka ainakinet, Konye ibu kitemok akuan kanukaŋ;

Iburayon 2:11

Naarai loitalauni ka luetalaunitai eraas kere luka ediopet. Kanuka ŋun ŋes mam irumiata ŋes ileic anyarit kes iinacan,

Iburayon 5:5

Kwape kwaŋin Kristo da mam abu kitopoloor bon aluor esasedoti lopeti, dimarai ŋol loabu kolimok ŋes ebe, “Irai ijo Okokuka, lolo kauru jo.”

1 Yoana 4:14

Kianyunit, kitejenuni da ebe abu Papa kijuk Okokuke araun Eketajaran loka akwapin.

1 Yoana 4:9

Kana ŋes etakanunia amin naka Edeke mamawok, naarai abu Edeke kijuk Okokuke loteluna toma akwapin tetere kijari kanukeŋ.

2 Yoana 1:7

Naarai alomasi ikeŋalak luipu toma akwapin, lumam elimorete abunore naka Yesu Kristo kotoma akuan; ŋol ŋes ekeŋalan ido lokasurup loka Kristo.

Apukokinio 19:13

Konapite anapito naebwasitai aokot; enyaritai ekekiror Akirot naka Edeke.

Apukokinio 21:3

Keira da eporoto loepol loebuni kotoma oicoloŋ kobala ebe, “Koany, ejai ewema loka Edeke nepepe kituŋa, iboienenei kakes, eraunos kesi iketuŋa, Edeke da elopet ejaenena kakes.