Iruhin Ananin Yopinyi Baraen Mak Nenyem Iri 7:2 - Iruhin Ananin Baraen

² Amam hape aria hatik um Jisas ananim disaipel madae hukwurupuguk wis kabi douk amam Farisi hakri um ba iyoh, aria kadak hunosuhw worigun hugnoh uwe. Douk namudok aria amam Farisi douk hakri Jisas ananim disaipel amamis wis goutukis atus iri.

Iruhin Ananin Yopinyi Baraen Mak Nenyem Iri 7:2 Iomraidhean Croise

Matyu 15:2

“Umum maresh? Aria nyakim disaipel apa habrig lo seiwok apakim yamehem hakapenyi? Hawok worigun um, madae hukrup wis uwe aria ko huwok worigun.”

Iruhin Ananin Yopinyi Baraen Mak Nenyem Iri 7:5

Douk namudok aria amam Farisi hani amam henek skulumesh um lo iri harig Jisas hakri, “Um maresh? Aria nyakim disaipel douk madae hugipesh enyudok apakim babenomi amamin lo um hukwurupuguk wis ba iyoh aria kadak huwok worigun um uwe?”

Iruhin Ananin Yopinyi Baraen Luk Nenyem Iri 11:38

Douk amam hape hawok worigun aria anudok Farisi natik Jisas um madae nugipesh esheshin lo um nunokwrupuguk wis ba iyoh aria kadak nusuhw worigun nugnah um uwe. Aria anan nakitak yowiyokuk abom.

Aposel 10:28

Aria nakripesh nakri, “Ipak kanak padukemesh abom. Apak Juda apakih aih, apak ta mare enen arpen nyunak nyutik enen kupainyi arpen douk enyen madae Juda iri uwe, uwok. Mare nyunak nyuni enyen nyupe o nyunak harokatiny-umen, uwok meyoh. Aria eik douk Iruhin neyabige um nakri mare ihwar enen kupainyi arpen nyanabosusih aria yoweinyi agundok ananis nabes um, uwok.

Aposel 11:8

Aria eik yakri, ‘Debeini, adur atin uwok. Eik madae ishoh uwe eshudokmori mahish, douk shanabosusih madae yopish iri uwe.’ Eik yakri namudok.

Apudok Shup Douk Pol Nenekap Panam Eshesh Rom Iri 14:14

Eik douk yatukur Debeini Jisas. Namudok aria yadukemen wosik abom enyudok baraen. Baraen enyudok. Iruhin mare nutik enesh shashoh iri eshudok aria nuhwaresh yoweishi uwe, uwok. Aria arpen nyutik enesh eshudok aria urkum murum nyukri eshesh douk yowesh um, aria eshesh douk yowesh abom um enyudok arpen. Namudok aria enyen kanak mare nyishoh uwe, uwok.

Hibru 10:29

Namudok aria ipak pakri mumam, um arpesh douk shukon agabus Iruhin ananin nuganin iri? Eshesh douk ta shurao debeinyi amaen shishagrakuk eshudok seiwok shabrig Iruhin ananin lo ba sharaen iri. Krais ananibor owishibor douk benek enyudok Iruhin ananin adurin atinyi baraen kontrak nyatogur dodogowin. Abrudok owishibor douk benek eshudok arpesh yopish shape Iruhin ananish atish. Aria eshudok arpesh watak shenek abrudok owishibor batogur enesh rohwish muguhwos eshudok. Aria eshesh douk shanumogesh Iruhin ananin Mishin douk nyataurumap meyoh iri.

Revelesen 21:27

Aria ihishmorim eneshenesh shabosusih iri yoweishi eshudok shuni eshudok arpesh douk shenek eneshenesh yoweishi inahos iri, shuni eshudok douk shenek abraenyih aih iri, shuni eshudok douk shenek rohw um kupaishi iri ta mare shuwish abrudok wabur, uwok. Aria eshudok arpesh douk esheshish nyeiguhw shetem Nugaen Sipsip enyenyik buk iri eshesh atish ta shuwish abrudok wabur. Okwudok buk okwok douk eshudok arpesh douk ta shupe wosik abom ihih nyumneh iri esheshish nyeiguhw shetemokwi.