Iruhin Ananin Yopinyi Baraen Mak Nenyem Iri 2:8 - Iruhin Ananin Baraen

⁸ Aria Jisas nadukem amamip urkwip aria nakripam nakri, “Ipak urkwip mare pur namudok, uwok.

Iruhin Ananin Yopinyi Baraen Mak Nenyem Iri 2:8 Iomraidhean Croise

Matyu 12:15

Aria Jisas nadukemeshum enyudok amam Farisi hakri um ta hunekenyum anan iri, aria nakitak nakutukuk abrudok wabur aria nanak. Nanak aria worobaishi arpesh shagipeshan. Shagipeshan aria nagabe eshudok ihishmorim da arugeh hapeyeshi arpesh shatogur yopish meyoh.

Matyu 16:7

Aria amam disaipel apa heneyagwreh orokohun um amam kanak namudok, “Anan da neyagwreh enyudok baraen umum maresh? Apak da madae murauri anog bretog uwe, uwok.”

Matyu 9:4

Aria Jisas nadukemesh um amudok amamish urkum apahw shor ahi aih aria nakri namudok, “Umum maresh? Ba ipakish urkwip aparuh yowesh um enyudok eikin baraen?

Iruhin Ananin Yopinyi Baraen Mak Nenyem Iri 2:9

Um maresh? Enyudok mour douk shopunek atin um eik ikrip anudok roguhw aiyas shagokanari ikri, ‘Eik ta ko ikweshihuk nyakish yoweishi inahos aria iyateshuk’ aka, ikripan ikri, ‘Kitak hur nyakis aras nyusuwos aria nyunak’ aria anan ta nikitak nunak?

Iruhin Ananin Yopinyi Baraen Mak Nenyem Iri 7:21

Um maresh? Eshudok douk gani numun esheship urkwip parik porum eshudok eneshenesh yoweishi inahos aria eshesh douk shenekesh. Eshesh shakwuaruh, urkwip porum yoweishi inahos, shabo arpesh shagok, shenek wehrur aria dodogeshish madae shukesh atin uwe arpesh. Aria shenek rohw um kupaishi, aria shopunek madae shusuhw merikwum eshesh kanak uwe. Aria eshesh shabrig enyudok lo um shanaraum um aria shenek nyigiya um kupaishi esheshish eshudok eneshenesh. Aria shaho kupaishi shakri eshesh atish debeishi, aria shenek rohw um kupaishi shakri eshesh shenek yoweishi inahos. Aria eshesh shakri shutuk esheshish atish nyeiguhw shuto iruhw aria shenek eneshenesh yoweishi inahos.

Iruhin Ananin Yopinyi Baraen Luk Nenyem Iri 24:38

Aria anan narigesh nakri, “Ipak panogugur aria pakitak yowiyokuk um maresh? Aria ipak por biyep urkwip um maresh?

Iruhin Ananin Yopinyi Baraen Luk Nenyem Iri 5:22

Aria Jisas nadukem amamip urkwip aria nakripam, “Ipak urkwip mare pur namudok uwe, uwok.

Iruhin Ananin Yopinyi Baraen Luk Nenyem Iri 6:8

Aria Jisas nadukem amamip urkwip aria nakrip anudok rogur yowenyanari nakri, “Kitak nyiyotu agundok um eshudok ihishmorim shutrin.” Aria anan nakitak nanak neyotu orokohun.

Iruhin Ananin Yopinyi Baraen Jon Nenyem Iri 21:17

Aria Jisas watak narigan anah shopunek aria hatogur biyeh atih. Nakri, “Saimon, Jon ananin nuganin, nyak douk urkum makri munawasham eik aka, uwok?” Douk narigan biyeh atuh enyudok atin baraen aria Pita ananihw apahw adur yowehw abom. Aria nakrip Jisas nakri, “Debeini, nyak douk adur nyadukem ihishumori eshudok, aria nyadukemesh um eik douk urkum makri munawashamen abom.” Aria Jisas nakripan nakri, “Nyak nyiyoh eikish sipsipahos.

Iruhin Ananin Yopinyi Baraen Jon Nenyem Iri 6:64

Yakripep baraen aria anep madae punek bilipume uwe, uwok.” Jisas anan douk sagomatin riguk nohur ananin mour nape neneken um aria nadukemesh um eshudok arpesh douk ta mare shunek bilipuman iri, shani anudok arman douk ta niyabig ananim horim um anan Jisas aria husuwan hunak hon nugok iri.

Aposel 5:3

Aria Pita narigan nakri, “Ananaias, nyenekesh mumam aria Satan douk nawishen aria neneken nyogiyagim Iruhin ananin Mishin um? Nyagiyagimen um agundok nyanabukuk tukwanibor utabor douk nyarabor um nyakib amnab iri um?

Aposel 8:22

Namudok aria nyak ta nyukomuk agab amudok nyakim yowemi urkum aria nyutanam nyukon apahw Iruhin. Aria ta nyunek beten nyorik Debeini um nutaurumen. Namudok aria anan wosik ta mare nusuhwesh nupe um eshudok yoweishi inahos nyak urkum morumesh iri nupe, uwok. Ta nukwreyeshuk.

Hibru 4:13

Apak douk madae wosik um mubeshuk enesh eshudok um Iruhin uwe, uwok. Anan kanak nakwarum eneshenesh eshudok aria natrish um douk shanowereh shapei yopugunum iri atish. Kweipon apak ta mukripan um ihihmori eneheneh apak menekeh iri aih.

Revelesen 2:23

Aria shopunek, eik ta ibo eshudok douk shagipesh okwokwin baraen iri shugok. Eik ta inekesh namudok aria ihishmorim Iruhin ananish arpesh ta shudukemesh shukri eik douk yadukemesh wosik abom um ihishmorim arpesh esheshish mishish aria aparuh shor shanak um. Aria eik ta iwanamep eneshenesh wosikumep atin atin um ihihmorim aih ipak pape penekeh iri.