Iruhin Ananin Yopinyi Baraen Mak Nenyem Iri 1:2 - Iruhin Ananin Baraen

² Seiwok Iruhin ananin Mishin nyohur anudok profet Aisaia aria nuwem enen Iruhin ananin baraen namudok. Iruhin nakri, “Eik ta ishopok anan arman nurao eikin baraen nyirik nyunak aria nyak ta nyugiman. Anan ta nugabemen yah nirik.

Iruhin Ananin Yopinyi Baraen Mak Nenyem Iri 1:2 Iomraidhean Croise

Matyu 11:10

Umum anudok arman atun ba da anan profet nenyem baraen nyetem Iruhin ananik buk iri kwakri namudok, ‘Eik ko ta ishopokugu eikin arman um ta nukripep eikin baraen, aria anan ko nirikum nyak. Aria anan ta nugapeshumen nyakih yah.’

Matyu 2:5

Aria hakripan hakri, “Gani Betlehem douk bape agudok shokugi nahobig Judia iri. Seiwok anan profet nowemaguk baraen aria nakri namudok,

Matyu 26:24

Eik Anudok Arman yatogur adurinyi arpen iri ko igok, namudok Iruhin ananik buk kwakri jurugum eik ko igok. Aria ko debeinyi gihaum anudok arman noko Eik Anudok Arman yatogur adurinyi arpen iri um horim amamis wis iri. Namudok aria seiwok wosik ba amakek mare kwunabuki uwe, uwok.”

Matyu 26:31

Hanak hakih ahwodok Olivihw yoduhw aria Jisas nakripam namudok, “Kwehigib wab, ipak ihipmorim ko puruwokuk um eik punak atun atunuk. Umum maresh? Baraen nyetem Iruhin ananik buk iri douk nyakri namudok, ‘Eik ko ibo neyoh sipsipahos iri, aria ihishmorim sipsipahos ko shuruwok shunak atin atinyuk.’

Iruhin Ananin Yopinyi Baraen Luk Nenyem Iri 1:70

Kabi douk seiwok ananin Mishin nyawish amam yopumi profet aria hakriyenyuguk iri baraen nyakrium.

Iruhin Ananin Yopinyi Baraen Luk Nenyem Iri 1:76

Aria nyak eikin batowin, arpesh ta shuhwaren Debeini abom atunari Iruhin ananin profet. Nyak ta nyurik nyunak nyukrip arpesh um shukutukuk yoweishi inahos shupe wosik atin aria shupe shutik um Debeini um ta nunaki um.

Iruhin Ananin Yopinyi Baraen Luk Nenyem Iri 18:31

Aria Jisas narao ananim 12-poreim disaipel hanak anagas aria nakripam nakri, “Mnek! Douk apak ta muto munak um Jerusalem. Aria ihinyumorim baraen douk seiwok amam profet henyemaguk um eik Anudok Arman douk yatogur adurinyi arpen iri ta nyutogur adurin.