Matyu 9:3 - Iruhin Ananin Baraen

³ Aria anam douk henek skulumesh um lo iri hemnek Jisas ananin baraen, aria hiyagwreh um amam kanak namudok, “Anudok arman douk nabubunim Iruhin.”

Matyu 9:3 Iomraidhean Croise

Matyu 26:65

Aria anudok debeini pris nakitak yowiyokuk um enyudok baraen aria nabrig ananih rupah aria nakri namudok, “Anan douk nabubunim Iruhin. Apak mare muhwari anam shopunek armam hukripapum anudok armanih yoweihi aih uwe, uwok. Douk atin ipak pemnek anan nabubunim Iruhin jurug.

Matyu 7:29

Umum maresh? Anan madae niyagwreh nukesh skul kabi da amudok henek skulumesh um Iruhin ananin lo iri uwe, uwok. Aria anan da neyagwreh kabi da anan debeini morim.

Iruhin Ananin Yopinyi Baraen Mak Nenyem Iri 14:64

Apak douk iganigadae memnek ananin baraen. Anan douk nabubunim um Iruhin aria ipak pakri mumam?” Aria amam ihim-morim hakri anan nenek yoweishi inahos aria amam ta hon nugok.

Iruhin Ananin Yopinyi Baraen Mak Nenyem Iri 3:28

Aria douk amam henek skulumesh um lo iri hakri enen sagab nyataurum Jisas um nenek mour um. Douk namudok aria Jisas nakripam nakri, “Adurigom atin eik yakripep, Iruhin ta ko nukweshihuk um eneshenesh yoweishi inahos arpesh shenekesh iri shuni enyudok ihinyumorim yoweinyi baraen douk eshesh shakriyen um anan iri, aria nukweshiheshuk. Aria enyudok enenyenen douk shububunim um Iruhin ananin Mishin iri, Iruhin ta nusuhw enyudok esheshin yoweinyi douk eshesh shakriyen iri aria ta mare nukweshiheshukuk uwe, uwok. Esheshish yoweishi inahos ta shupe um douk arigaha kweipon amnab butuh ahi nyumneh.”

Iruhin Ananin Yopinyi Baraen Mak Nenyem Iri 7:21

Um maresh? Eshudok douk gani numun esheship urkwip parik porum eshudok eneshenesh yoweishi inahos aria eshesh douk shenekesh. Eshesh shakwuaruh, urkwip porum yoweishi inahos, shabo arpesh shagok, shenek wehrur aria dodogeshish madae shukesh atin uwe arpesh. Aria shenek rohw um kupaishi, aria shopunek madae shusuhw merikwum eshesh kanak uwe. Aria eshesh shabrig enyudok lo um shanaraum um aria shenek nyigiya um kupaishi esheshish eshudok eneshenesh. Aria shaho kupaishi shakri eshesh atish debeishi, aria shenek rohw um kupaishi shakri eshesh shenek yoweishi inahos. Aria eshesh shakri shutuk esheshish atish nyeiguhw shuto iruhw aria shenek eneshenesh yoweishi inahos.

Iruhin Ananin Yopinyi Baraen Luk Nenyem Iri 5:21

Aria amam henek skulumesh um lo iri hani amam Farisi hape hansarigum hakri, “Anan douk maran arman aria douk nape nabubunim Iruhin? Apak madukemesh um Iruhin atun ta nukweshih arpeshish yoweishi inahos.”