Matyu 26:2 - Iruhin Ananin Baraen

² “Ipak padukemesh, nyumneh douk watak hape biyehum ahudok nyumnah agundok debeguni Pasovaigun worigun nenenekum ko hutogur. Aria eshesh ko shere Eik Anudok Arman yatogur adurinyi arpen iri um horim amamis wis aria hanak henek nyilime rowogin kruse aria igok.”

Matyu 26:2 Iomraidhean Croise

Matyu 10:4

aria Saimon anan da natogur Selotip awirop iri, aria Judas Iskariot, anan da kweipon nuwereh Jisas um ananim horim iri.

Matyu 17:22

Abudok nyutob Jisas nani ananim disaipel hantorum gani anab debeibi amnab Galili aria Jisas nakripam namudok, “Eshesh ko shuko Eik Anudok Arman douk yatogur adurinyi arpen iri um anam armam amamis wis. Aria amam ko he igok. Aria bihatuh nyumneh hutuh aria eik ta ikitak.” Amam disaipel hemnek enyudok baraen aria amamish urkum apahw yowesh abom.

Matyu 27:4

Aria nakripam namudok, “Eik douk yenek yoweishi inahos jurug. Aria anudok arman eik yowerehanum ipakis wis iri, anan douk madae nenek enen yoweinyi ina uwe, uwok. Aria ipak kwehig pon nugok meyoh.” Aria amam hakripan namudok, “Nyak nyanaki nyakrip apak um maresh? Enyudok nyakin mour.”

Iruhin Ananin Yopinyi Baraen Luk Nenyem Iri 22:15

Amam hape aria anan nakripam nakri, “Eik oub bakitak abom um ini ipak muwok agundok Pasovaigun worigun iyoh, aria kadak irao debeiri eriger.

Iruhin Ananin Yopinyi Baraen Jon Nenyem Iri 11:55

Aria ahudok nyumnah um eshesh Juda shunek esheshigun debeiguni worigun Pasova um douk hanaki hurukatin. Aria sabaishi arpesh shape sabairubi warub iri shakitak shato um Jerusalem. Shanak um shugipesh esheshin lo shunagapesh eshesh kanak um Iruhin nutrish nukri wosik yopishi aria nuhut biyen shunak shuwok agundok worigun.

Iruhin Ananin Yopinyi Baraen Jon Nenyem Iri 12:1

Douk 6-poreih nyumneh watak hapeum shunek agundok debeiguni worigun Pasova, aria Jisas nakitak nanak um Betani. Betani douk Lasarus ananibur wabur. Anudok douk riguk nagok aria Jisas watak nonohur nakitak nape iri.

Iruhin Ananin Yopinyi Baraen Jon Nenyem Iri 18:2

Riguk Jisas nani apak ananim disaipel manak mawish sabaihi agundok agusudok rowos oliv sataoum. Douk namudok aria anudok Judas douk ta nuwereh Jisas um ananim horim aria husuwan hunak hon nugok iri douk nadukemagun.

Iruhin Ananin Yopinyi Baraen Jon Nenyem Iri 18:32

Eshesh douk shakri namudok um enen baraen riguk Jisas nakriyen um shon nugok nir rowog kruse um nyutogur adurin atin.

Iruhin Ananin Yopinyi Baraen Jon Nenyem Iri 2:13

Nyutob hurukatin um eshesh Juda ko shenek agundok debeiguni Pasovaigun worigun um nutogur. Aria Jisas natoum Jerusalem.