Matyu 21:10 - Iruhin Ananin Baraen

¹⁰ Jisas nawish Jerusalem aria ihish arpeshish mishish shakitak yowiyokuk aria shape shanasasorim, “Anan amiapen?”

Matyu 21:10 Iomraidhean Croise

Matyu 2:3

King Herot nemnek enyudok baraen, ba akas sanun. Ihish arpesh shape Jerusalem iri shopunek arugoguhwiar waesh.

Matyu 21:11

Aria eshudok sabaishi arpesh shantorum shagipeshan iri shape shahwar, “Anudok douk profet Jisas Nasaretepumin, nape gani shokugi nahobig Galili iri.”

Matyu 21:9

Arpesh sharahaen sharik iri aria shagiguk um Jisas iri, amu apa sheyorub shahwar debeg namudok, “Apak manadudareh um Devit ananin barhonin aria matuk ananin nyeigur nyato iruhw. Makri Iruhin wosik ta nunekuman yopunyi anudok arman douk nanamori Debeini ananin nyeigur iri. Apak makri eshesh shape iruhw heven iri shopunek shunadudareh-uman aria shutuk Iruhin ananin nyeigur nyuto gani iruhw.”

Iruhin Ananin Yopinyi Baraen Luk Nenyem Iri 20:2

Aria amam harigan hakri, “Nyak nyarao maren big um nyunek enyudok mour? Aria omi nyeken enyudok big?”

Iruhin Ananin Yopinyi Baraen Luk Nenyem Iri 5:21

Aria amam henek skulumesh um lo iri hani amam Farisi hape hansarigum hakri, “Anan douk maran arman aria douk nape nabubunim Iruhin? Apak madukemesh um Iruhin atun ta nukweshih arpeshish yoweishi inahos.”

Iruhin Ananin Yopinyi Baraen Luk Nenyem Iri 7:49

Aria eshudok shani anan shape shawok worigun iri eshesh kanak sheneyagwreh shakri, “Anudok anan douk meini arman aria douk nakri Iruhin madae nunasuhwesh um arpesh shenekesh iri yoweishi inahos aria nakwreyeshuguk um?”

Iruhin Ananin Yopinyi Baraen Luk Nenyem Iri 9:9

Eshesh douk shakri namudok, aria Herot nakri, “Eik yatupok Jon ananin aruhwigur aria anan nagok. Aria douk anudok meinari arman douk eik yemnek um anan nape nenek enenyenen dodogowinyi mour iri?” Douk namudok aria anan nape nabirak um nakri nutik Jisas.

Iruhin Ananin Yopinyi Baraen Jon Nenyem Iri 2:18

Eshesh Juda esheshim debeimi hatik enyudok aria hakripan debeg hakri namudok, “Nyak ta nyenek enen maren kak um Iruhin atun neneken iri mour ba apak mutrin aria mudukemesh mukri nyak douk adur atin Iruhin neken big aria nyanaki nyenek enyudok agundok numun ananit urupat.”

Aposel 9:5

Aria Sol narigan nakri, “Debeini, nyak omi?” Aria enyudok arpen nyakri, “Eik Jisas douk nyak nyape nyenek enenyenen-ume um yemnek debeiri eriger iri.