Matyu 19:5 - Iruhin Ananin Baraen

⁵ Aria Iruhin nakri namudok, ‘Namudok aria douk arman ta nukutukuk ananish amakenyish aria nunak nunakurop nini ananik armatok shupe aria eshesh biyesh ta shutogur atuhw yegenyihw.

Matyu 19:5 Iomraidhean Croise

Matyu 19:6

Iruhin nakri namudok aria eshesh biyesh da madae shupe tukwotukwan uwe, uwok. Eshesh douk shatogur atuhw yegenyihw. Namudok aria eneshenesh Iruhin nadruneshi, eshudoki douk anan arman ko mare nubrigesh uwe. Amu wouwokuk abom.’”

Apudok Shup Douk Pol Nenekap Panam Eshesh Rom Iri 12:9

Agundok ipak urkwip panawasham um, ipak mare pukri punek rohw uwe, uwok. Ipak ta adur urkwip punawashamesh. Aria pukeshuk agabus eneshenesh yoweishi inahos aria punawasham yopinyi dodog.

1 Korin 6:16

Aria ipak douk padukem enyudok aka, uwok? Ta anan arman nunak um onok armatok douk kweyotu yeh iri um, eshesh biyesh douk shatogur atin arpen. Um maresh? Iruhin ananik Buk douk kwakri, “Eshesh biyesh ta shutogur atin arpen.”

1 Korin 7:2

Aria sabaihi eneheneh yoweihi aih um shenek wehrur um hape. Douk namudok aria enyen douk wosik um ihim-morim armam ta hunarao amamiyu armago sisiguk. Aria ihiyumorim armago ta unarao owowim armam sisiguk.

1 Korin 7:4

Irohukwik mare kwukri okwok kwasuhw merik um okwokwihw yegenyihw, uwok. Okwokwin raminen nasuhw merik-umohw. Aria raminen shopunek mare nukri anan nasuhw merik um ananihw yegenyihw, uwok. Ananihw yegenyihw douk ananik irohukwik kwasuhw merik-umohw.

Efesus 5:31

Aria enen debeinyi baraen douk seiwok nyape aria arpesh madae shudukemesh um baugenyum uwe, uwok. Aria douk nyatogur yopugunum kabi douk enen baraen nyetem Iruhin ananik Buk iri nyakrium. Enyen nyakri namudok, “Namudok aria arman ta nukutukuk ananish amakenyish aria nunak nini ananik irohukwik shupe sik. Aria eshesh biyesh ta shutogur atin arpen.” Adur enyudok yopinyi baraen douk nyanabeshuk iri abom. Aria apak douk madae mudukemesh abom um baugenyum um uwe. Aria eik kanak yakri enyudok baraen douk nyakrium Krais nani Iruhin ananish arpesh douk shatukur Krais iri.