Iruhin Ananin Yopinyi Baraen Luk Nenyem Iri 7:16 - Iruhin Ananin Baraen

¹⁶ Aria douk ihishmorim shatik namudok aria eshesh shanogugur abom aria shatuk Iruhin ananin nyeigur nyato iruhw aria shakri, “Anan debeini profet nanaki nape orokohun um apak.” Aria shopunek shakri, “Iruhin nanaki um nutaurum apak ananish arpesh.”

Iruhin Ananin Yopinyi Baraen Luk Nenyem Iri 7:16 Iomraidhean Croise

Matyu 15:31

Aria eshudok arpesh shatik nokwatog gweshukeshi sheneyagwreh, bishiguh shakokutomeshi shatogur yopish, yoweigasi aiyas sapeyeshi sharahaen, nabes seshuheshi ta shatrugun, aria esheshish urkum apahw shakitak yowiyokuk. Aria eshesh shohur Iruhin douk eshesh Israel shenek lotuman iri ananin nyeigur nyato gani iruhw.

Matyu 21:11

Aria eshudok sabaishi arpesh shantorum shagipeshan iri shape shahwar, “Anudok douk profet Jisas Nasaretepumin, nape gani shokugi nahobig Galili iri.”

Matyu 28:8

Oudok bio watik enyudok ensel aria wanogugur abom, aria shopunek owo wanadudareh abom, aria arigas atin wakutukuk wonugwehw aria wahur wonak um ukrip ananim disaipel.

Matyu 9:8

Eshudok ihish arpesh shatik namudok aria shanogugur. Aria eshesh shohur Iruhin ananin nyeigur nyato gani iruhw. Umum maresh? Anan da nukesh enyudoki dodog um arpesh shenek enyudoki mour.

Iruhin Ananin Yopinyi Baraen Luk Nenyem Iri 1:65

Aria ihishmorim arpesh shape hurukatinyum eshesh iri shanogugur abom. Aria baraen nyarahaen nyanak ihirub warub douk betem yodururuh agudok shokugi nahobig Judia iri. Aria ihishmorim shadukemesh um enyudok douk nyatogurum Sekaraia nani Elisabet iri.

Iruhin Ananin Yopinyi Baraen Luk Nenyem Iri 1:68

Sekaraia nakri, “Apak mutuk Debeini apak Israel apakin Iruhin ananin nyeigur nyuto iruhw. Anan nanaki nataurum apak ananish arpesh aria wata nanarap mape wosik.

Iruhin Ananin Yopinyi Baraen Luk Nenyem Iri 19:44

Aria eshesh ta shubrigen shununin abom nyani nyakish batowish douk shape numun narub iri. Aria eshesh ta mare shukutukuk anam utom mutemaguk kupaimi kabi douk sharik sharok narub shabremum uwe, uwok. Um maresh? Abudok nyutob Iruhin nanakumori nakri nutaurumep um, ipak madae puturub pudukemab nyutob uwe.”

Iruhin Ananin Yopinyi Baraen Luk Nenyem Iri 2:20

Aria amam hape heyoh sipsipahos iri wata hatanam hanak. Aria amam hanadudareh um Iruhin hape hatuk ananin nyeigur nyato um enyudok amam hatrin aria hemneken kabi douk ensel nyakripomuk um.

Iruhin Ananin Yopinyi Baraen Luk Nenyem Iri 24:19

Aria Jisas narigan nakri, “Maresh shatogur?” Aria amam hakripan hakri, “Enyudok sheneken um Jisas douk nanaki wabur Nasaret iri. Anudok Jisas anan douk anan profet. Aria ihishmorim arpesh shani Iruhin shatrun um, anan douk dodogowin atunari arman abom. Anan apa nenek Iruhin atun neneken iri mour. Aria anan dodogowin atun nakripesh yopinyi atin baraen.

Iruhin Ananin Yopinyi Baraen Luk Nenyem Iri 5:26

Aria eshesh ihishmorim shakitak yowiyokuk abom. Aria shopunek, eshesh shanogugur aria shatuk Iruhin ananin nyeigur nyato shakri, “Doukih nyumnah apak matik enesh kupaishi eshudok!”

Iruhin Ananin Yopinyi Baraen Luk Nenyem Iri 5:8

Aria Saimon douk kupainyi nyeigur um nanahwar Pita nani anam ananim biom douk Jems aria Jon amudok Sebedi ananim nugamim, hatik ogwuhwudok sabaiguhwi eiguhw amam hatukoguhw iri aria amam hakitak yowiyokuk aria hanogugur. Aria Saimon natik namudok aria nabuh noduk ohrubus hurukatin um Jisas aria nakripan nakri, “Debeini, nyak nyukutukuk eik aria nyunak! Um maresh? Eik yenek eneshenesh yoweishi inahos iri!” Aria Jisas nakripan nakri, “Saimon, nyak mare nyunogugur. Um maresh? Douk arigaha kweipon, nyak ta nyupe nyurao arpesh shunaki shugipesh eik.”

Iruhin Ananin Yopinyi Baraen Luk Nenyem Iri 7:15

Aria anudok nagok abom iri nakitak nape neyagwreh aria Jisas nakrip ananik amakek nakri, “Nyakin nuganin anudok.”

Iruhin Ananin Yopinyi Baraen Luk Nenyem Iri 7:39

Aria anudok Farisi douk nahwar Jisas nanaki iri natik namudok aria anan kanak naneyagwreh nakri, “Aria anudok arman douk adurini profet abom akure, anan ta nudukemesh um okwudok armatok douk kwape kwasusuhw ananiruh yeriweruh iri. Aria shopunek, anan ta nudukemesh um okwok douk kwenek yoweishi inahos iri!”

Iruhin Ananin Yopinyi Baraen Luk Nenyem Iri 8:37

Aria ihishmorim arpesh shape Gerasa iri shanogugur abom aria shakrip Jisas um nukutukuk esheshibur wabur ba nunak. Aria anan nakitak nato bot aria natanam nanak gani wobrehahig um waiyag.

Iruhin Ananin Yopinyi Baraen Luk Nenyem Iri 9:19

Aria amam hakripan, “Enesh shakri nyak douk Jon nenek baptaisumesh iri, aria enesh shakri nyak Elaija. Aria enesh shakri nyak anan kupaini seiwokin profet douk seiwok nagok aria douk wata nakitak nape iri.”

Iruhin Ananin Yopinyi Baraen Jon Nenyem Iri 1:21

Aria harigan hakri, “Namudok aria nyak douk meinyari? Nyak Ilaija aka?” Aria nakripam nakri, “Eik douk madae Ilaija uwe, uwok.” Aria ta harigan hakri, “Nyak douk atin anudok profet douk mape matrugun-umen um ta nyutograri iri aka, uwok?” Aria anan nakripam nakri, “Uwok”.

Iruhin Ananin Yopinyi Baraen Jon Nenyem Iri 1:25

Aria harigan hakri, “Nyak douk nyakri nyak madae Krais uwe uwok aka, Ilaija aka, anudok debeini profet uwe, uwok. Namudok aria amiapen nyakripen ba nyenek baptaisum arpesh?”

Iruhin Ananin Yopinyi Baraen Jon Nenyem Iri 4:19

Aria okwudok armatok kwakripan, “Debeini arman, eik yadukemesh um nyak douk anan profet.

Iruhin Ananin Yopinyi Baraen Jon Nenyem Iri 6:14

Douk eshudok arpesh shatik enyudok Iruhin atun neneken iri mour douk anan Jisas neneken iri aria shakri, “Adur atin, anudok arman douk anudok profet Iruhin nakri um ta neshopokan nanamori agundok atap iri.”

Iruhin Ananin Yopinyi Baraen Jon Nenyem Iri 9:17

Aria amam Farisi watak shopunek gamo harig anudok riguk nabes seshukanari hakri, “Nyak nyakriyan mumam anudok nagabeimen nabes iri? Anan douk anan yopini arman aka, anan yoweini?” Aria anan nawanamam baraen nakri, “Anan douk anan profet.”

Aposel 5:5

Douk nemnek Pita ananin baraen aria natu nabuh nakus abom aria nagok. Aria ihishmorim shemnek um Ananaias nagok um aria shanogugur abom.

Aposel 7:37

Aria douk anudok Moses douk nakrip eshesh Israel abom nakri, ‘Iruhin ta nugraeh anan ipak kanak aria nunekan nutogur anan profet kabi eik um.’

Galesia 1:24

Eshesh douk shemnek baraen um Iruhin nenekesh um eik namudok aria shatuk ananin nyeigur nyato iruhw.