Iruhin Ananin Yopinyi Baraen Luk Nenyem Iri 5:5 - Iruhin Ananin Baraen

⁵ Aria Saimon nakripan nakri, “Debeini, iganigib wab shuknib apak munek debeinyi mour um makutu umbenab aria apak madae mutuk anar atur eyur uwe, uwok. Aria douk nyak nyakri aria eik ta ikutu umbenab bubuh.”

Iruhin Ananin Yopinyi Baraen Luk Nenyem Iri 5:5 Iomraidhean Croise

Iruhin Ananin Yopinyi Baraen Luk Nenyem Iri 8:24

Aria ananim disaipel hatik namudok aria hanak henyubarun um hakri, “Debeini, apak hurukatin um mugok wo!” Aria anan nakitak naho enyudok uhwin aria morub um shunak shuruk shemshem. Aria uhwin nyanak nyagok nyabuhuk aria morub shopunek madae butuk uwe, uwok.

Iruhin Ananin Yopinyi Baraen Luk Nenyem Iri 8:45

Aria Jisas narigesh nakri, “Omi nyanaki nyasusuhw eik?” Aria eshesh ihishmorim shatanam aria eshesh atin atin shakri eshesh uwok. Aria Pita nakri, “Debeini, sabaishi arpesh sheyotu huruhuruk um nyak aria eshesh shanaki shatatoruh-enyuk meyoh.”

Iruhin Ananin Yopinyi Baraen Luk Nenyem Iri 9:33

Abudok atub nyutob amudok biom hakri hukwutukuk Jisas ba hunak aria Pita nakrip Jisas, “Debeini, namudok douk wosik um apak mupe agundok um. Aria apak muwem bioguh atur shomeguh. Nyak anar aria Moses anar aria Ilaija anar.” Aria agundok Pita douk madae nudukemesh uwe, um ta nukripan maren baraen Jisas. Douk namudok aria anan douk nakripan namudok.

Iruhin Ananin Yopinyi Baraen Luk Nenyem Iri 9:49

Aria Jon nakrip Jisas nakri, “Debeini, apak matik anan arman nape nahiyahuk yoweishi sagabehos um nyakin nyeigur aria eshesh shatogur sharuwok. Aria apak makripanam anan mare wata nunekesh namudok uwe, uwok. Um maresh? Anan douk madae nugipesh apak iri uwe, uwok.”

Iruhin Ananin Yopinyi Baraen Jon Nenyem Iri 15:14

Aria douk ipak adur pusuhw eikin baraen dodog pugipeshen um, aria ipak douk eikish arpesh.

Iruhin Ananin Yopinyi Baraen Jon Nenyem Iri 2:5

Aria ananik amakek kwakrip eshudok douk shenek mour um worigun iri namudok, “Anan nukripep um penek maresh um, aria ipak ko penekesh.”

Iruhin Ananin Yopinyi Baraen Jon Nenyem Iri 21:3

Mape aria Saimon Pita nakripap nakri, “Eik douk ta inak ituk anaguhw eiguhw.” Aria apak makripan makri, “Apak shopuk ta munamen.” Aria manak mato bot aria abudok wab shuknib apak manak aria madae mutuk anap atup arbup uwe, uwok.