Iruhin Ananin Yopinyi Baraen Luk Nenyem Iri 5:1 - Iruhin Ananin Baraen

¹ Anah nyumnah Jisas nanak neyotu anagas um agudok debeigi waiyag Genesaret aria nape nakripesh Iruhin ananin baraen. Aria sabaishi arpesh shape shanaki sharukaruban shanaki hurukatin um anan um shumnek baraen anan nape nakripesh-enyi.

Iruhin Ananin Yopinyi Baraen Luk Nenyem Iri 5:1 Iomraidhean Croise

Matyu 11:12

“Riguk abudok nyutob Jon nenek baptaisumesh iri nape nakripesh Iruhin ananin baraen obi nyutob arigaha douk, enesh dodogowishi wanohwish arpesh shape dodogeshish atish shape shabirak um shuwish heven aburdok wabur Iruhin nape Debeini um ananish arpesh shapeum.

Matyu 14:34

Aria Jisas nani ananim disaipel habrig waiyag hanak hatogur gani wabrehah anagas um Genesaret.

Iruhin Ananin Yopinyi Baraen Mak Nenyem Iri 3:9

Aria agundok sabaishi arpesh shanaki shape shuknigun. Douk namudok aria Jisas nakrip ananim disaipel um harauri anat shokwuti bot tunaki tukusuman hurukatin um kadak sabaishi arpesh shukri shunaki hurukatin um anan um aria anan ta nuto nutemaguk bot. Ta neyotu atap um, eshesh ta shishiwokan.

Iruhin Ananin Yopinyi Baraen Mak Nenyem Iri 4:1

Aria Jisas wata shopunek nanak nape nenek skulumesh nakripesh yopinyi baraen gani anagas um debeigi waiyag Galili. Aria sabaishi arpesh abom shanaki shape Jisas napeum. Douk namudok aria anan nakitak nato netem anat bot douk tor waiyag iri. Aria eshesh sheyotu anagas aria anan netemori bot nape nenek skulumesh nakripesh sabainyi yopinyi baraen nakripesh wobuwobren atin.

Iruhin Ananin Yopinyi Baraen Mak Nenyem Iri 5:24

Douk Jairus nakripan namudok aria Jisas nanaman hanak. Douk amam hanak aria sabaishi arpesh shopunek shanamam shanak. Eshesh shanak wobuwobur aria Jisas naraguk orokohun. Aria shopunek agundok yah eshesh shanak um, eshesh shantoruh um shanak.

Iruhin Ananin Yopinyi Baraen Mak Nenyem Iri 6:53

Aria habrig waiyag hanak arigaha hanak hatogur anagas gani wobrehahig um waiyag, um agudok shokugi nahobig Genesaret, aria amam habuh hanuk bot hanak haweshikot.

Iruhin Ananin Yopinyi Baraen Luk Nenyem Iri 12:1

Douk sabaishi arpesh abom shanaki sheyotu ba shuknigun aria shanokunish um abom. Aria Jisas nakrip ananim disaipel nakri, “Ipak ko gamo pudukemesh um amam Farisi amamis yis. Eik douk yakri um ehudok amamih aih um henek rohw um heyagwreh biyen baraen.

Iruhin Ananin Yopinyi Baraen Luk Nenyem Iri 5:2

Aria agundok, anan natik amudok hape hatuk eiguhw iri amamig biyog botog gwakus. Amam hanukog hakih hagubukuk anagas aria hanak hape hakwrup umbenab.

Iruhin Ananin Yopinyi Baraen Luk Nenyem Iri 8:22

Anah nyumnah Jisas nakrip ananim disaipel nakri, “Apak munak gani wobrehahig um waiyag.” Aria amam hakitak hato bot aria hanak.

Iruhin Ananin Yopinyi Baraen Luk Nenyem Iri 8:23

Douk hanak yah aria Jisas yobusin atun aria nabuh neshuh. Aria debeinyi uhwin nyahur aria abar baprok bawishukuk bot aria atat hurukatin um tubuhukuk atin.

Iruhin Ananin Yopinyi Baraen Luk Nenyem Iri 8:33

Aria eshesh shatograri anudok nagugak iri arman shanak shawish ogwuhwudok burguhw. Aria ogwoguh hwatanam hwaruwok hwanak hwagrukuk enen natogur aria hwabuh hwabarahuk agudok waiyag. Aria ogwoguh hwabarahuk aria ihiguhmorim hwagok hwatuh.

Iruhin Ananin Yopinyi Baraen Luk Nenyem Iri 8:45

Aria Jisas narigesh nakri, “Omi nyanaki nyasusuhw eik?” Aria eshesh ihishmorim shatanam aria eshesh atin atin shakri eshesh uwok. Aria Pita nakri, “Debeini, sabaishi arpesh sheyotu huruhuruk um nyak aria eshesh shanaki shatatoruh-enyuk meyoh.”

Iruhin Ananin Yopinyi Baraen Jon Nenyem Iri 1:40

Amudok biom douk hemnek Jon aria hagipesh Jisas hanak iri, anan douk Andru. Anan douk Saimon Pita ananin wanin.

Iruhin Ananin Yopinyi Baraen Jon Nenyem Iri 6:1

Aria anob nyutob banakuk, aria Jisas nabinawish nanam gani wobrehah um agudok debeigi waiyag Galili. Enyudok enen nyeigur douk shahwarog um Taiberias.

Hibru 13:7

Ipak ta urkwip purum ipakim debeimi douk heyotu harik-umep aria hakripep Iruhin ananin baraen iri. Ipak ta urkwip purum yopihi aih douk amam hagipesheh arigah hagok um. Aria ipak pugipesh ehudok aih abom um hasuhw Iruhin ananin baraen dodog hagipeshen um.