Iruhin Ananin Yopinyi Baraen Luk Nenyem Iri 23:2 - Iruhin Ananin Baraen

² Aria hanak hape henek rohw henekuman baraen hakri anan nohur arpesh um shuni gavman shurpak. Aria shopunek hakri, anan nakri eshesh mare shunek takis uwe um debeini gavman iri Sisar. Aria shopunek hakri, anan nakri anan douk Krais, anan king douk Iruhin nagraehan neshopokan nanakumori nunarao arpesh iri.

Iruhin Ananin Yopinyi Baraen Luk Nenyem Iri 23:2 Iomraidhean Croise

Matyu 17:27

Aria apak mare menek amamirub nyirub yowerub um apak. Nyak kare gani waiyag ba nyuwashak nyumabur. Aria rarig iri eyur nyak nyanukor iri, nyak nyusuar ba nyupok nukwatirum eyur aria nyak ta nyutik anam utom mur numun nukwat. Nyak nyutuk amudok utom aria nyunak nyuko amudok armam um nyutor ohwak biohw ohwakis takis.”

Matyu 22:21

Aria amam hakana, “Debeini gavman Sisar ananish.” Aria Jisas nakripam namudok, “Eneshenesh Sisar ananish ipak puko ananesh, aria eneshenesh Iruhin ananish ipak puko Iruhinesh.”

Matyu 27:11

Harao Jisas hanak honusop neyotu natik anudok debeini um gavman iri aria narigan namudok, “Nyak douk eshesh Juda esheshin king aka?” Aria Jisas nakripan namudok, “Adur atin, eik douk kabi nyak nyakrium.”

Iruhin Ananin Yopinyi Baraen Mak Nenyem Iri 12:17

Aria Jisas nakripam nakri, “Sisar ananish eshudok eneshenesh ta puko Sisar. Aria Iruhin ananish ta puko Iruhin.” Aria douk anan nakripam namudok aria amam hakitak yowiyokuk abom.

Iruhin Ananin Yopinyi Baraen Mak Nenyem Iri 15:2

Douk hanak hatogur, aria Pailat narigan nakri, “Nyak douk eshesh Juda esheshin king aka?” Aria Jisas nakripan nakri, “Adur, eik douk kabi nyak nyakrium.”

Iruhin Ananin Yopinyi Baraen Luk Nenyem Iri 23:14

Aria anan nakripesh nakri, “Ipak parauri anudok arman um eik aria pakri nohur arpesh um shuni gavman shurpak. Aria douk ipak douk pape aria eik yape yarigan um enyudok baraen. Aria eik douk madae iparug yoweishi inahos anan nenekesh iri uwe. Eik yatik um enyudok ipak penek kwotuman-enyi anan douk madae nuneken uwe.

Iruhin Ananin Yopinyi Baraen Luk Nenyem Iri 23:5

Aria amam dodogowim atum hakri, “Anan nenek skulumesh um enen baraen eshesh armam armago aria nohur esheshiruh aparuh um shuni gavman shurpak. Enyudok douk nenyuhuri shokugi nahobig Galili aria nanak ihirub warub apak Israel apakirub. Aria douk enyudok nyanak nyatograri agundok.”

Iruhin Ananin Yopinyi Baraen Jon Nenyem Iri 18:29

Douk namudok aria Pailat nakitak natograri aduk aria narigesh nakri, “Ipak douk pakri punekuman maren baraen anudok arman?”

Iruhin Ananin Yopinyi Baraen Jon Nenyem Iri 18:30

Aria eshesh Juda shakri, “Anan madae nunek enesh yoweishi inahos akure, apak ta mare muranium nyak uwe, uwok.”

Iruhin Ananin Yopinyi Baraen Jon Nenyem Iri 19:12

Douk Pailat nemnek enyudok baraen aria nape natrugun um anah yah um nukweshih Jisas nunak meyoh. Aria eshesh Juda shahwar debeg shakri, “Douk nyak nyukweshih anudok arman nunak meyoh um, aria nyak douk madae anudok debeini um gavman um Rom iri Sisar ananin arpenyin uwe, uwok. Meini arman douk nukri anan nape king iri, anudok arman douk Sisar ananin horin.”

Aposel 24:13

Aria enyudok baraen iganigadae henekume kwot um ta mare huparug enen baugenyum, um nyak nyudukemesh nyukri amam hakriyen iri baraen douk adurin um, ta uwok.

Aposel 24:5

Matik anudok arman douk nape nenek sabaishi yoweishi inahos. Napeum nenek eshesh Juda shape ihirub warub bape agundok atap iri shohur wanogwiruh aria shakri shuni gavman shurpak. Aria anan douk debeini um anap awiropish arpesh douk shahwaresh um Nasaret iri.

Apudok Shup Douk Pol Nenekap Panam Eshesh Rom Iri 13:7

Maresh eshudok douk ipak ta puko gavman um, ipak ta pukesh. Harao tagis iri, ipak punek tagis pukom. Hagipesh enenyenen lo harao utabor um gavman iri, ipak ta punek tagis pukom. Meimi debeimi, ipak wosik pupe shakamum amam. Namudok douk nyeiguhw shato-umam iri, ipak ta pukri amam douk yopumi.