Iruhin Ananin Yopinyi Baraen Luk Nenyem Iri 11:9 - Iruhin Ananin Baraen

⁹ Douk namudok aria eik yakripep, ipak ta punek beten purik Iruhin um nukep eshudok aria anan ta nukepesh. Ipak ta pupe purimesh aria ta putrish. Aria ipak ta pupe pubo wit aria Iruhin ta nijikatumep.

Iruhin Ananin Yopinyi Baraen Luk Nenyem Iri 11:9 Iomraidhean Croise

Matyu 21:22

Aria ipak ta penek bilip um eik ba penek beten aria ihish eneshenesh ipak penek beten um puraesh iri, eshesh ipak wosik ta ko puraesh.”

Matyu 21:31

Aria um amudok biom nugamim, amiapen da nyagipesh yaken-umam ananin baraen?” Aria amudok debeimi pris hani eshesh Juda esheshim debeimi hakri namudok, “San nuganin.” Aria Jisas nakripam namudok, “Eik yakripep adurin baraen, amudok harao takis iri aria oudok weyotu yeh iri armago eshesh ko shurik shuwish um agundok Iruhin nape Debeini um ananish arpesh um.

Matyu 6:29

Aria douk eik yakrip ipak, seiwok King Solomon nere sabaihwi yopuyopuhwi ananihw suruhw ba uwok, eshudok aruruhish shenek uhwin um Solomon ananihw suruhw.

Iruhin Ananin Yopinyi Baraen Mak Nenyem Iri 11:24

Douk namudok aria adur atin eik yakripep. Abudok nyutob ipak punek beten um Iruhin um nukep enesh eshudok eneshenesh um, aria ipak punek bilip abom pukri adur atin anan ta nukepesh um, anan ta nukep eshudok ipak parigan-umesh iri.

Iruhin Ananin Yopinyi Baraen Mak Nenyem Iri 13:37

Aria enyudok baraen eik yakrip ipak enyi, douk eik yakrip ihishmorim arpesh shopunek. Ipak gamo pudukemesh aria pupe putrugun um eshudok eneshenesh douk iganigadae eik yakripep-umesh iri ta shutogurum.”

Iruhin Ananin Yopinyi Baraen Luk Nenyem Iri 11:10

Um maresh? Eshudok ihishmorim douk shenek beten sharig Iruhin iri, eshesh ta sharao eshudok eneshenesh. Aria eshudok ihishmorim douk shape shaurim eshudok eneshenesh iri ta shutrish. Aria eshudok douk shupe shubo wit iri Iruhin ta nijikatumesh.

Iruhin Ananin Yopinyi Baraen Jon Nenyem Iri 14:13

Maresh eshudok douk ipak punek betenumesh um eikin nyeigur iri, eik douk ta inekeshumep. Eik ananin nuganin inekesh namudok aria Yain ananin nyeigur ta shutuken nyuto iruhw.

Iruhin Ananin Yopinyi Baraen Jon Nenyem Iri 15:16

Ipak douk madae punagraeh eik uwe, uwok. Eik yanagraeh ipak um adur punek sabaihi yopihi aih aria yopuguni worigun. Aria ehudok yopihi aih ta adur hupe namudok atin. Namudok aria eikin Yain ta nukep ihishmori douk ipak puhur eikin nyeigur nyuto iruhw aria poriganum nukepesh iri.

Iruhin Ananin Yopinyi Baraen Jon Nenyem Iri 15:7

Aria ipak patogur panasusuhw eik aria eikin baraen nyupe ipak um, aria abudok nyutob ipak punek beten porige um eneshenesh eshudok ipak pakripe-umesh iri, aria adur atin, eshudok ta shutogur-umep kabi douk ipak penek beten porige um.

Iruhin Ananin Yopinyi Baraen Jon Nenyem Iri 4:10

Aria Jisas nakripok baraen nakri namudok, “Nyak douk nyudukemesh um yopishi eshudok Iruhin nakri um nukenyesh meyoh iri, namudok aria nyak douk nyudukemesh um amiapen douk nyarigen um nyuken abar, aria douk ko nyerige um iken yopubari abar douk arpesh shabroh aria benekesh shupe wosik abom ihih nyumneh iri.”

Apudok Shup Douk Pol Nenekap Panam Eshesh Rom Iri 2:7

Eshudok arpesh douk shapeum shenek yopinyi shaurim yah um Iruhin nutuk esheshish nyeiguhw shuto aria nutaurumesh shupe wosik ihih nyumneh iri, eshesh Iruhin ta nutaurumesh aria shupe wosik atin ihih nyumneh.

2 Korin 6:2

Iruhin douk nakri namudok, “Eik kanak yagraeh nyutob um wata iraep aria putanamori pupe wosik abom. Arigaha douk abom abudok nyutob eik yemnekep aria yataurumep meyoh.” Aria douk pumnek! Iruhin nenek gihaumap aria nataurumap meyoh um douk abom abudok nyutob. Narap matanamori mape wosik atin um douk arigaha kweipon.

Hibru 11:6

Aria enen arpen madae nyusuhw Iruhin ananin baraen dodog nyugipeshen wosik um, namudok enyen ta mare dodogowin um nyunekan nunadudareh, uwok. Namudok aria meinyi arpen douk nyukri nyunak hurukatin um Iruhin iri, enyen ta nyukri Iruhin adur nape aria apa nenekumesh yopinyi eshudok arpesh douk shapeum shauriman iri.

Hibru 4:16

Douk Jisas nape nataurumap namudok aria apak mare munogugur uwe, uwok. Dodogowip atup abom aria munak muwish agundok douk Iruhin nape debeini abom aria nataurum ananish arpesh meyoh um. Munekesh namudok aria abudok nyutob yoweishi inahos shukri shunaki aria apak mare dodogowip obi nyutob, ta bishiguh shutaurumap abom aria ta nutaurumap meyoh.

Jems 1:5

Aria enen arpen enyenyim urkum munak mutuhukuk um yopumi urkum um, enyen ta nyunek beten nyirig Iruhin aria anan ta nuken anam shopunek. Um maresh? Anan apa nekeshesh meyoh sabaishi eshudok eneshenesh um sabaishi arpesh aria anan madae juwehosin nuhesh atin uwe, uwok.

Jems 5:15

Aria ta amam hunek bilip hukri adur, Iruhin douk dodogowini abom um nugabeyen aria hunek beten horigan um, Debeini ta nugabeyen nyukitak nyupe. Aria ta enyen nyunek enesh yoweishi inahos um, Iruhin ta nukweshih-eshuk.

1 Jon 3:22

Aria apak mukri munek beten morigan um enesh eshudok eneshenesh um, anan ta nukapesh. Um maresh? Apak douk magipesh ananin lo munek enenyenen anan nakri-enyi.

Revelesen 2:24

Aria douk eik yakri ikrip ipak anep douk pape Taiataira iri. Ipak madae pugipesh enyudok okwokwin yoweinyi baraen uwe. Aria shopunek, ipak madae pugipesh ehudok aih douk enesh kupaishi shahwareh shakri, “Satan ananih aih douk hanabeshuk atin abom iri.” Aria eik ta mare watak ikripep enen kupainyi baraen shopunek um ipak pugipeshen iri, uwok.