Iruhin Ananin Yopinyi Baraen Jon Nenyem Iri 3:8 - Iruhin Ananin Baraen

⁸ Aria uhwin nyahur um enyen kanak enyenyih yah aria nyanam kupa-kupaigunum. Nyak nyumnek enyenyin sirisoro nyunak um, aria nyak madae nyudukemesh um enyen nyanaki agunum aria enyen nyunak agunum. Aria ihish arpesh douk Iruhin anin Mishin nyunekesh shatogur namushi iri douk namudok atin.”

Iruhin Ananin Yopinyi Baraen Jon Nenyem Iri 3:8 Iomraidhean Croise

Iruhin Ananin Yopinyi Baraen Jon Nenyem Iri 1:13

Aria eshesh madae shutogur Iruhin ananish batowish meyoh um amakenyish esheshis nyomais uwe, uwok. Aka um eshesh kanak shutogur shupe meyoh aka, enesh shukripesh aria anob nyutob ko shutogur Iruhin ananish batowish uwe, uwok. Iruhin anan kanak nagraehesh aria shatogur ananish batowish.

Iruhin Ananin Yopinyi Baraen Jon Nenyem Iri 3:7

Aria ipak mare pukitak yowiyokuk um enyudok baraen eik yakriyenyi um, ‘Douk ipak ta putogur namushi um.’

Iruhin Ananin Yopinyi Baraen Jon Nenyem Iri 3:9

Aria Nikodemus ta narig Jisas namudok, “Enyudok mugu nyak nyakriyenyi ta nyutogur mumam?”

Aposel 2:2

Aria ahudok atuh enen guha nyanaki iruhw utag. Enyudok guha douk kabi enen dodogowinyi uhwin nyahur um. Namudok aria atudok shape atari urupat douk shukunit abom meyoh.

Aposel 4:31

Douk shenek beten um jurug aria atudok shantorum atari urupat kututukarot tunatunaki. Aria Iruhin ananin Mishin nyabuhi nyawishesh nyapenyesh nyeyatesh aria shanak dodogowish atish shape shakripesh Iruhin ananin baraen. Sheyagwrehen debeg atin aria madae shunogugur uwe, uwok.

1 Korin 12:11

Aria enyen douk enyudok atin Iruhin ananin Mishin nyenek enyudok ihinyumori mour abom. Enyen nyagipesh enyenyim urkum atum aria nyekesh sisigin yopinyi presen ihishmorim arpesh atin atin. Enesh nyekeshuk enen sik, aria enesh nyekeshuk sik.

1 Korin 2:11

Aria douk ipak omi nyadukem kupainyi arpen enyenyim urkum mor manak um? Uwok. Enyudok arpen enyenyim urkum atin nyadukem enyenyim urkum. Aria douk namudok atin. Aria uwok abom um enen atin arpen nyudukem Iruhin ananim urkum uwe, uwok. Ananin Mishin atin nyadukemam.

1 Jon 2:29

Ipak douk wosik padukemesh um Krais anan douk yopuni arman abom. Namudok aria ipak douk pudukemesh namudok. Ihishmorim arpesh shunek yopinyi atin iri, eshesh douk shatogur Iruhin ananish batowish abom.