Jems 4:16 - Iruhin Ananin Baraen

¹⁶ Aria douk ipak pakri ipak atip dodogowipari padukemesh um eneshenesh iri aria patuk ipakish nyeiguhw shato iruhw. Enyudok ipak douk penek yoweishi inahos abom.

Jems 4:16 Iomraidhean Croise

1 Korin 5:6

Ipak pakri ipak atip yopipari abom padukemesh iri aria pape patuk ipakish nyeiguhw shato iruhw. Aria ehudok aih douk madae yopihi uwe. Ipak douk padukemesh enyudok wobuwobren baraen douk nyakrium yis douk senek bret takitak debet um. Baraen enyudok, “Anagun shokugun um yisigun apa senek ihitmorim bret takitak debeiti.”

Jems 3:14

Aria ta ipak punek nyigiya abom um kupaishi esheshish eshudok eneshenesh, aria ipak urkwip porum pakri ipak atip purao sabaibori utabor buni jah aria kupaishi shutuk ipakish atish nyeiguhw shuto iruhw um, ipak mare putuk ipakish nyeiguhw shuto iruhw aria punek rohw pukri ipak pagipesh Iruhin ananin adurin atinyi baraen, uwok.

1 Jon 2:16

Apak douk madukemesh. Ihihmori yoweihi aih douk agundok atapishi arpesh ihih nyumneh mishish shakitak um shunekeh iri douk ehudokmori. Shatik eneshenesh eshudok mishish shakitakumesh um shunek yoweishi inahos, shatik kupaishi eshudok shanawash-umesh, shanagunukuk um esheshish sabaishi eshudok eneshenesh um. Ehudokmori aih douk madae Iruhin nukepeh uwe, uwok. Eheh douk agundok atapihi abom aih.

Revelesen 18:7

Okwok douk kwatuk okwokwin nyeigur nyato iruhw aria kwenek eneshenesh yoweishi inahos douk okwok mishin nyakitak um kwunekesh iri. Aria okwok nyeigur nyato iruhw kworao debeinyi amaen wosikumok um eshudok yoweishi inahos douk riguk okwok kwape kwenekesh iri. Aria okwok numun nanagunukuk aria kwakri, ‘Eik yape debeikwi kwin! Eik kabi douk raminen madae nugokuk uwe um. Aria eik ta mare enen amaen nyutogrume aria nyuneke ireh. Adur atin ta uwok!’