Jems 2:23 - Iruhin Ananin Baraen

²³ Aria enyudok baraen douk nyetem Iruhin ananik Buk iri nyatogur adurin atin. Baraen douk enyudok, “Abraham nasuhw Iruhin ananin baraen dodog nagipeshen aria Iruhin douk nahwaran yopuni arman.” Aria Iruhin nakri, “Abraham douk eikin arpen.”

Jems 2:23 Iomraidhean Croise

Iruhin Ananin Yopinyi Baraen Mak Nenyem Iri 12:10

Aria ipak patrin enyudok baraen nyetem Iruhin ananik Buk iri aka, uwok? Baraen enyudok, ‘Amudok utom douk harok urupat iri hakri wokumam iri douk matogur sagomim utom masah wobratum urupat iri.

Iruhin Ananin Yopinyi Baraen Mak Nenyem Iri 15:27

Aria agundok amam henek nyilim Jisas neir orokohun aria biom hakwuaruh iri heir wobuwobur hurukatin um anan.

Iruhin Ananin Yopinyi Baraen Luk Nenyem Iri 4:21

Aria anan nakripesh nakri, “Douk enyudok Iruhin ananin baraen nyetem okwudok Buk iri douk iganigadae pemneken yatarihen iri nyatogur um adurin atin.”

Aposel 1:16

“Eikish ashukenyish owashish, seiwok Iruhin ananin Mishin douk nyohur Devit aria neyagwrehuk enen baraen douk nyetem Iruhin ananik Buk iri. Enyen douk nyakrium anudok Judas douk narikum Jisas ananim horim hanaku hasuhw Jisas hanak han iri. Aria douk enyudok baraen douk nyatogur adurin kabi seiwok Devit nakrimaguk um.

Apudok Shup Douk Pol Nenekap Panam Eshesh Rom Iri 11:2

Iruhin madae nukeshuk agab ananish arpesh uwe, uwok. Seiwok wata sagomatin anan nadukemesh aria nagraehesh. Enyudok baraen douk nyakrium Ilaija aria nyetem Iruhin ananik Buk iri aria douk padukemesh. Ilaija nakrip Iruhin nenek kwot um eshesh Israel namudok. Nakri,

Apudok Shup Douk Pol Nenekap Panam Eshesh Rom Iri 9:17

Um maresh? Iruhin ananik Buk kwakri Iruhin nakrip king Fero namudok. Nakri, “Eik yeneken nyutogur king um iyabigesh eikin gobi um ihishmorim arpesh. Iyabigesh um eshesh ta shukripesh um eikin nyeigur ihirub warub agundok atap. Douk namudok aria eik douk yeneken nyatogur debeini king aria yenek eshudok yoweishi inahos shatogrumen.”

Galesia 3:22

Aria uwok. Iruhin ananik Buk douk kwakri, “Eneshenesh yoweishi inahos showeshikesh dodog abom agnudok atapishi ihishmorim arpesh.” Eshesh showeshikap namudok um apak munek bilip um Jisas Krais iri ta murao yopishi eshudok eneshenesh. Eshudok douk seiwok Iruhin nakri adurin atinyi baraen um nuko eshesh shenek bilip um Krais iri.

Galesia 3:6

Ipak douk urkwip purum Abraham. Iruhin ananik Buk douk kwakri, “Anan nenek bilip meyoh um Iruhin aria Iruhin douk nahwaran yopuni arman.”

2 Timoti 3:16

Enyudok ihinyumorim baraen nyetem Iruhin ananik Buk iri douk Iruhin ananin abom. Seiwok anan nohur armam henyemaguk. Aria enyen douk yopinyi abom um nyunek skulumap um mudukemen wosik aria nyiyabigap apakish yoweishi inahos mukeshuk agabus. Aria shopunek um nyukrip eshudok douk shakutukuk Iruhin ananin baraen shanak shagipeshuk kupainyi iri um shutanamori shugipesh ananin adurin baraen. Aria shopunek um nyunek skulumap um mugipesh yopihi atih aih um apak Iruhin ananip miyotu dodogowip aria wosik abom um munek ihinyumorim yopinyi mour.

Jems 2:24

Douk namudok aria enyudok baraen nyetem Iruhin ananik Buk iri douk nyeyabigep um Iruhin douk madae nuhwar arpesh yopishi um agundok shusuhw ananin baraen meyoh um atin uwe, uwok. Aria eshesh shugipeshen shunek yopihi aih shopunek um, anan wosik ta nuhwaresh yopishi arpesh.

1 Pita 2:6

Seiwok Iruhin nakriyen aria henyem nyetem ananik Buk iri baraen nyakri namudok, “Ipak mnek, eik yagraeh anam yopumi abom utom douk shatorum debeibori utabor iri. Aria douk yamubuk makus abrudok wabur Saion aria matogur sagomim dodogowimi utom um mosah wobrat um urupat tatao dodog. Aria eshudok arpesh douk shasuhw ananin baraen shagipeshen iri esheshiruh aparuh ta mare yoweruh, uwok.”