Jems 2:21 - Iruhin Ananin Baraen

²¹ Nyak nyadukemesh, seiwok apakin yamenen Abraham nakri nuwem ananin nuganin Aisak enyudok alta douk showem um eshudok shenek ofamesh shako Iruhin um aria nunek ofaman nako Iruhin. Douk namudok aria abudok nyutob Iruhin natrun namudok aria nahwaran yopuni arman.

Jems 2:21 Iomraidhean Croise

Matyu 12:37

Um ipak kanak ipakin baraen Iruhin nemneken aria ta nuhwarep um yopishi arpesh aka yoweishi arpesh.”

Matyu 3:9

Ipak pur urkwip ipakiruh aparuh namudok, ‘Abraham anan douk apakin yaken. Eik yakri ikrip ipak namudok, Iruhin anan douk adur atin ko nuhur abrudok utabor aria nubranam um butogur Abraham ananish batowish.’

Iruhin Ananin Yopinyi Baraen Luk Nenyem Iri 1:73

Anan narik nakri iruhw nakripan enen adurin atinyi baraen abom um apakin yamenen Abraham. Aria douk nakri nunekenyumap kabi riguk nakri ta nunekenyumap um.

Iruhin Ananin Yopinyi Baraen Luk Nenyem Iri 16:24

Douk namudok aria nahwar Abraham nakri, ‘O yamenen Abraham, nyak nyukri gihaum eik aria nyishopok Lasarus nuseguri ananih hah abar aria nunaki nubuwehume yaham. Um maresh, ehudok debeihi nyih hanuwe abom aria yanamnek debeiri eriger!’

Iruhin Ananin Yopinyi Baraen Luk Nenyem Iri 16:30

“Aria anan nakri, ‘Uwok, yamenen Abraham! Enyudok baraen atin ta mare nyutaurumam. Douk enen nyagok iri wata nyukitaki wonugwehw nyunak nyukripam akure, amam ta hukeshuk agabus yoweishi inahos aria hutanam hukon aparuh Iruhin.’

Iruhin Ananin Yopinyi Baraen Jon Nenyem Iri 8:39

Aria eshesh watak shabeiman baraen shakri, “Apakin yaken douk Abraham.” Jisas nemnek aria nebeimesh baraen nakri, “Douk ipakin yaken Abraham akure, aria enenyenen peneken iri ta nyudukem enyudok yopinyi seiwok Abraham neneken iri atin.

Iruhin Ananin Yopinyi Baraen Jon Nenyem Iri 8:53

Nyak nyakri nyak anan debeini nyariguk apakin yamenen Abraham aria anan nabuhuk atap, aria uwok? Anan douk seiwok nagok aria amam profet douk shopunek seiwok hagokuk. Aria nyak nyakri nyak douk adur meini arman?”

Aposel 7:2

Aria Stiven nakripam nakri, “Eikim ashukenyim owarhim aria yakenyim, ipak pumnek eik. Seiwok anudok dodogowin atun abom aria natrugun um iri Iruhin douk natogurum apakin yamenen Abraham. Natogruman obi nyutob, abrudok wabur Haran douk watak nunak nupe uwe, uwok. Watak nape agudok nahobig Mesopotemia.

Apudok Shup Douk Pol Nenekap Panam Eshesh Rom Iri 3:20

Aria ta putik. Ahudok yah um shagipesh lo um Iruhin ta mare nutrish nuhwaresh yopishi arpesh uwe, uwok. Enyudok lo enyenyin adurin mour douk nyenekap madukumesh um apak menek yoweishi inahos iri.

Apudok Shup Douk Pol Nenekap Panam Eshesh Rom Iri 4:1

Aria apak ta mukri mumam, um anudok apak Juda apakin yamenen Abraham? Anan douk arpen meyoh kabi apak um. Anan nenek meihi aih aria douk nenek bilip um Krais um?

Apudok Shup Douk Pol Nenekap Panam Eshesh Rom Iri 4:12

Abraham anan douk shopunek nape shatah yegeshiweruh iri esheshin yamenen. Eshesh douk madae shuhwaran yamenen agundok shatah yegeshiweruh atugun um uwe, uwok. Shopunek shahwaran yamenen mumam, eshesh douk shape numun um shagipesh apakin yamenen Abraham ananiruh yeriweruh. Umum agundok shasuhw Iruhin ananin baraen dodog shagipeshen kabi anan madae nutah ananihw yegenyihw uwe aria narik nasuhw Iruhin ananin baraen nagipeshen um.

Apudok Shup Douk Pol Nenekap Panam Eshesh Rom Iri 4:16

Namudok aria Iruhin nakri nenek yopuhi aih um apak um enyudok adurin atin baraen douk nyanamori apak um bilip atin. Anan nakri namudok um atun nutaurumesh meyoh nuraesh shutanamori aria enyudok baraen nyutogur adurin atin um ihish Abraham ananish barheshish. Eshesh douk shagipesh lo iri atish aka, uwok. Eshesh shenek bilip um Iruhin kabi Abraham seiwok nenek bilip um Iruhin um, eshesh shopunek. Anan douk apak ihipmorim apakin yamenen.

Hibru 11:17

Iruhin nakripan adurin atinyi baraen Abraham namudok nakri, “Sabaishi nyakish barheshish ta shukitak um anudok nyakin nuganin Aisak atun.” Aria abudok nyutob Iruhin nakwiraeh Abraham aria nakripan um nubo anudok ananin atun nuganin nenek ofa nukon um, anan Abraham douk nasuhw Iruhin ananin baraen nakri adurin aria nakri wosik um nukon Aisak.

Jems 2:18

Aria enen arpen ta nyukri, “Eik yenek bilip aria nyak nyenek yopihi aih.” Aria eik yakri ikrip enyudok arpen namudok, “Nyak nyiyabige nyakin bilip douk madae nyunek yopihi aih hiren iri uwe. Aria eik ta inek yopihi aih aria iyabigen baugenyum um eikin bilip.”

Jems 2:24

Douk namudok aria enyudok baraen nyetem Iruhin ananik Buk iri douk nyeyabigep um Iruhin douk madae nuhwar arpesh yopishi um agundok shusuhw ananin baraen meyoh um atin uwe, uwok. Aria eshesh shugipeshen shunek yopihi aih shopunek um, anan wosik ta nuhwaresh yopishi arpesh.