Aposel 24:26 - Iruhin Ananin Baraen

²⁶ Aria abudok nyutob Feliks douk nape natrugun um Pol um nakri Pol ta nunek grisuman nukon anabor utabor aria nukweshihan nunak meyoh. Namudok aria sabaihi nyumneh nahwar Pol nanaki nani anan hape heyagwreh baraen.

Aposel 24:26 Iomraidhean Croise

Matyu 17:3

Aria Moses nani Elaija amam hatogur aria amam disaipel hatik Jisas nani amam biom apa heyagwreh.

Aposel 24:17

Yanak anarub kupairubi warub yapeik enesh kwarahos aria wata yatanamori um Jerusalem. Yaraumeshi anabor utabor enesh eikish arpesh eshesh Juda douk yaruhish iri. Aria shopunek yanakmori inek ofa um enesh eshudok um Iruhin.

1 Korin 6:9

Ipak padukemesh um enyudok aka, uwok? Eshudok arpesh douk shenek eneshenesh yoweishi inahos iri ta mare shuwish agundok Iruhin nape Debeini um ananish arpesh um, uwok. Douk namudok aria ipak mare punek rohw um ipak kanak, uwok. Um maresh? Eshudok douk shenek ehudokmori yoweihi aih um shani kupaishi arpesh shenek wehrur um, aria shenek lotu um madae adurimi god omi iri uwe, shuni amudok armam douk hanukesh kupaimi amamiyu armago iri, huni amudok douk hanukesh kupaimi armam um henek yoweishi inahos iri, huni eshudok douk shakwuaruh iri, shuni eshudok douk shenek nyigiya um shakri shurao kupaishi esheshish eshudok eneshenesh iri, shuni eshudok douk apa shawok abar shagugak iri, shuni eshudok douk apa sheneyagwreh agabusin um kupaishi iri, shuni eshudok douk apa shabo kupaishi shanatrish eshudok eneshenesh iri, ihishmorim eshudokmori arpesh ta mare shuwish agundok Iruhin nape Debeini um ananish arpesh um, uwok.

2 Pita 2:3

Amudok armam henek nyigiya um hakri amam atum hurao sabaishi eshudok eneshenesh. Douk namudok aria amam ta hukripep enen rohwin baraen douk amam kanak urkwip poromen hakriyen iri um hunatrip ipakibor utabor buni eneshenesh eshudok ipakish shopunek. Aria seiwok douk Iruhin nadukemam aria nakri amam henek yoweishi inahos aria nagraeh anah nyumnah um nusuhw amamit kwot aria amam ta hunak huwishuk abom. Aria shopunek, anudok douk nakri nunemam kwot iri douk wata nape natrugun aria nununum.