Aposel 21:13 - Iruhin Ananin Baraen

¹³ Aria Pol nakri, “Peyagwreh baraen dodogowip atip poreh namudok pakri punek eikihw apahw yowehw um maresh? Eik madae ikri um inak um Jerusalem aria shuweshike atuwe um uwe, uwok. Aria yakri shukri she igok um, douk wosik she igok. She um ituk Debeini Jisas ananin nyeigur nyuto iruhw.”

Aposel 21:13 Iomraidhean Croise

Aposel 20:24

Aria eik madae inogugur igok um uwe, uwok. Yanahwar hwarohiwe meyoh. Yakri arigaha iyatak ahudok yah um inek enyudok Debeini Jisas nekeyen um ineken iri mour arigah ineken iyaten. Enyudok mour um ikripesh Iruhin ananin yopinyi baraen um agundok nutaurumap meyoh um.

Aposel 20:37

Aria ihim-morim hereh, hanasupam aria hanoprikan.

Aposel 5:41

Aria abudok nyutob hakutukuk amam debeimi hanak obi nyutob, amam douk hanadudareh abom. Um maresh? Amam douk hadukemesh hakri Iruhin douk natrum aria nakri wosik um shom aria harao abraen um agundok hakripesh baraen abom um Jisas um.

Aposel 9:16

Aria eik kanak ta iyabigan enenyenen amaen douk ta nyutogruman aria numnek debeiri eriger abom um ta nurar um eik iri.”

1 Korin 15:31

O ipak eikish arpesh. Eik yanadudareh-umep abom um agundok apak matukur apakin Debeini Krais Jisas um. Douk namudok aria eik yakri ikripep enyudok baraen namudok. Adur atin, ihih nyumneh eik yape kabi douk yagok iri um.

Filipai 2:17

Ipakin bilip nyani ipakin yopinyi mour douk nyadukemesh abom um enesh eshudok eneshenesh douk shenek ofamesh shako Iruhin um. Douk ta enesh she igok aria shurakuk eikibor owishibor kabi shourakuk wainibar abar enyudok ipakin ofa um akure, ta wosik abom. Eik ini ipak ihipmorim ta munadudareh muriguk.

Filipai 2:26

Anan douk nakri abom nutik ipak ihishmorim. Ananihw apahw douk yowehw abom um agundok ipak pemnek um anan arugeh han um.

Kolosi 1:24

Aria douk eik yanadudareh um agundok yemnek eriger eikihw yegenyihw um yataurum ipak um. Arudok eriger douk yape yemnekor eikihw yegenyihw iri douk yakri iyatak arudok eriger douk Krais nakri um eik imnekor iri. Eik yenekesh namudok um inek ananin mour um itaurum ipak puni Iruhin ananish arpesh. Ipak ihishmorim douk pape kabi Krais ananish roguhw aiyas iri um.

2 Timoti 1:4

Riguk ohwak douk wape atugun. Aria douk eik yenek urkum um nahudok nyumnah eik yakutinyukuk ba yanaki ahi, ohwak wonakom roguhw aria nyak nyareh abih nyapeik aria eik yanaki. Douk namudok aria eik yakri abom um wata shopunek itrin aria wata inadudarehumen.

2 Timoti 4:6

Eik Pol douk hurukatin um she igok. Aria agundok she igok um douk kabi yenek ofa um eik kanak um Iruhin um. Eik yenek ofa um eik kanak kabi eshesh Juda apa shenek ofa um wainibar abar shako Iruhin aria shourak-baruk atap um.

2 Pita 1:14

Um maresh, eik yadukemesh, eik douk hurukatin um igok. Enyudok enyen douk apakin Debeini Jisas Krais nakripe.

Revelesen 12:11

Aria apakish ashukenyish owashish douk shagipesh Krais iri shenek uhwinyumor. Um maresh? Eshesh shape dodogowish um enyudok Nugaen Sipsip douk seiwok shaen nyagok iri enyenyibor owishibor bani enyenyin adurin baraen douk eshesh shakripeshen iri. Esheship urkwip douk por abom um shakri shukripesh enyudok adurin baraen aria eshesh madae urkwip purum shukri shupe wosik agundok atap um uwe. Aria shopunek, eshesh madae shunogugur um kupaishi arpesh douk shakon agabus Iruhin iri shesh shugok um uwe.

Revelesen 3:10

Ipak douk pagipesh eikin baraen wosik peyotu dodogowip aria madae juwehosip arigas uwe um enenyenen amaen douk nyatogrumepari. Namudok aria abudok nyutob eneheneh kwiraeh hutogur um hukwiraeh ihishmorim arpesh shape agundok atap iri um, eik ta itaurumep piyotu dodogowip atip aria pupe wosik.