Aposel 19:18 - Iruhin Ananin Baraen

¹⁸ Sabaishi arpesh douk shenek bilip iri shanaki agundok sabaishi arpesh shantorum shapeum aria shawereh eneshenesh yoweishi inahos riguk shape shenekesh iri.

Aposel 19:18 Iomraidhean Croise

Matyu 3:6

Shanaki showereh shenekeshi yoweishi inahos aria nenek baptaisumesh abudok worub Jodan.

Aposel 19:17

Aria ihishmorim Juda shani eshesh Grik shape Efesus iri shemnek um enyudok aria shanogugur abom. Aria shatuk Debeini Jisas ananin nyeigur nyato iruhw abom.

Aposel 19:19

Sabaishi arpesh douk shapeum shenek ouruh hani sabagwiruh iri sharauri esheshiyu bumeb douk baraen nyakrium enyudokmori nyetemo iri. Sharao shanaki aria shashaiweh agundok ihishmorim arpesh shapeum. Shadareh utabor shukri shutor oudok bumeb akure, douk butogur debeibori abom um 50,000 kina.

Apudok Shup Douk Pol Nenekap Panam Eshesh Rom Iri 10:10

Um maresh? Apak urkwip pakri adur munek bilip abom um Krais douk nagok wata nakitaki aria Iruhin natrup nohwarap yopishi arpesh. Aria nokwatog apa moguhur makripesh makri apak menek bilip um Krais. Douk namudok aria Iruhin wata narap matanamori mape wosik.

Jems 5:16

Douk namudok aria sagomatin ipak ta puwereh ipak penekesh iri yoweishi inahos pukrip kupaishi Kristen aria eshesh shopunek shuwereh shukripep um esheshin. Aria ipak punagapesh um punek beten puhwar Iruhin um nunekep yopip pukitak pupe. Yopishi abom arpesh shenekan iri beten douk dodogowin abom aria ta nutaurum arpesh.

1 Jon 1:9

Aria ta apak muwereh eneshenesh apakish yoweishi inahos mukrip Iruhin um, anan douk yopini aria ta nugipesh ananin adurin atinyi baraen seiwok nakriyen iri. Ta nunek yopinyi mour abom um nukweshih apakish yoweishi inahos aria nugabeyap nunekap mutogur yopishi arpesh abom.