Aposel 17:16 - Iruhin Ananin Baraen

¹⁶ Aria abudok nyutob nape apa natrugun-umam Atens obi nyutob, ananihw apahw douk yowehw abom um agundok natik abrudok wabur shukunibur um sabaimi madae adurim uwe god omi douk eshesh meyoh shenekom iri.

Aposel 17:16 Iomraidhean Croise

Iruhin Ananin Yopinyi Baraen Mak Nenyem Iri 3:5

Aria anan neyotu natrish aria nyibur juwehosibur. Um maresh? Anan natrish um eshesh showeshik esheshiruh aparuh dodog aria shakri uwok um shumnek Iruhin ananin baraen shugipeshen. Aria anan nakrip anudok rogur yowenyan iri nakri, “Kwanu nyakin rogur.” Aria anan nonu rogur aria enyen yopin abom.

Iruhin Ananin Yopinyi Baraen Jon Nenyem Iri 2:13

Nyutob hurukatin um eshesh Juda ko shenek agundok debeiguni Pasovaigun worigun um nutogur. Aria Jisas natoum Jerusalem.

Aposel 17:15

Amudok armam harao Pol iri douk heiran hanak arigaha hanak hatogur debeiburi wabur Atens. Douk wata hakri hutanam um Beria aria Pol nakripam um hukrip Sailas iri Timoti um wata hugipesh anan arigas atin.

Aposel 17:21

Ihishmorim eshesh Atens shani kupairubi warubish shanaki shani eshesh shape abrudok wabur Atens iri, esheshih nyumneh douk shakri shupe meyoh aria shunupe um shunakripesh um namunyi baraen aria shumneken.

Aposel 17:23

Sagomatin yarahaen yanak abrudok ipakibur wabur yatik eneshenesh penek lotumesh iri. Yarahaen yanak aria yanak yaparug enen alta shopunek douk powem eshudok penek ofamesh iri. Aria enyudok alta showem enen baraen nyakri, ENYUDOK ALTA DOUK ANAN GOD MADAE MUDUKEMAN IRI UWE ANANIN. Aria anudok Iruhin douk penek lotuman meyoh aria madae pudukeman iri uwe, anan douk anudok eik yape yakripep-uman.

Aposel 18:1

Enyudok nyanakuk aria Pol nakutukuk Atens nanak um Korin.

Aposel 20:22

Aria douk ta igipesh Iruhin ananin Mishin nyakripeyen iri baraen aria ta inak um Jerusalem. Inak aria madae idukemesh uwe um ta maresh shutogrume.

1 Tesalonaika 3:1

Apak biom atun munek urkwip um ipak aria manakripam makri ipak ta pupe wosik aka, uwok? Apak makri uwok um mupe mutrugun anah shopunek nyumneh um ipakin baraen nyunakumori apak um, uwok. Douk namudok aria ohwak biohw wapeik agundok Atens aria weshopoku ohwakin wanin Timoti atun nanakumogu nutaurumep. Anan nani ohwak apa manoprom munek Iruhin ananin mour um makripesh Krais ananin yopinyi baraen. Ohwak douk weshopokan nanakumogu nutaurumep um pupe dodogowip um Iruhin aria pusuhw ananin baraen dodog pugipeshen.

2 Pita 2:7

Ipak padukemesh, seiwok shopunek Iruhin nataurum anan yopuni arman nanahwarum Lot iri naran nape wosik. Lot ananihw apahw douk yowehw abom aria nakri uwok um ehudok yoweihi aih um shenek wehrur um.