Aposel 13:48 - Iruhin Ananin Baraen

⁴⁸ Kupaishi arpesh douk eshesh madae Juda iri uwe shemnek enyudok baraen aria shanadudareh. Shakri Debeini ananin baraen yopinyi abom. Aria eshudok ihishmorim douk Iruhin nagraehesh jurug um shupe wosik abom ihih nyumneh iri douk shasuhw ananin baraen dodog shagipeshen.

Aposel 13:48 Iomraidhean Croise

Matyu 25:46

“Aria eshudok arpesh ko shunak shurao yoweinyi poe, ko shurao debeiri eriger madae rutuh uwe iri uwe, uwok. Aria yopishi arpesh eshesh ko shuwish um yopinyi poe aria shupe wosik ihih nyumneh.”

Matyu 28:16

Aria Jisas ananim 11-poreim disaipel hagim yah hanakum agudok shokugi nahobig Galili. Aria hanak hatogur ahwodok yoduhw kabi da Jisas nakripamuk um.

Iruhin Ananin Yopinyi Baraen Luk Nenyem Iri 7:8

Anan nadukemesh um nyak nyukri baraen atin um, anan ta wata yopun. Um maresh? Anan douk nape shakamum ananin debeini soldia. Aria anan shopunek douk nape debeini um kupaimi soldia. Aria ta anan nukrip anan um nunak um, anan ta nunak. Aria nukrip anan um nunakumori, anan ta nunaki. Aria ta nukrip anudok nenekuman mour meyoh iri nukri nenekume enyudok mour, anan ta nuneken.”

Iruhin Ananin Yopinyi Baraen Jon Nenyem Iri 10:16

Eshudok enesh arpesh kabi eikish sipsipahos um douk eikishi. Aria eshesh douk shapeik rougun madae shuni eshudok sipsipahos douk sheyotu arbudok eikirub narub iri shiyotu um uwe, uwok. Aria eik douk shopunek yakri ta iraesh shunaki aria ta shumnek eikin baraen. Aria douk ta shuni eshudok enesh sharik iri shutogur atish shiyotu atubur nabur aria eik atuwe ipe iyohesh.

Iruhin Ananin Yopinyi Baraen Jon Nenyem Iri 11:52

Aria shopunek anan ta mare nugok um nutaurum eshesh Juda atish um shupe wosik, uwok. Anan ta nugok um nurao ihishmorim Iruhin ananishi batowish douk shanak shape kupakupa irubi warub iri um shutogur atish arpesh.

Aposel 13:12

Douk nape debeini um gavman um enyudok unai iri natik enyudok aria nenek bilip um Debeini. Anan nakitak yowiyokuk abom um Debeini ananin baraen douk Pol nani Barnabas heyagwrehen iri.

Aposel 13:42

Pol nani Barnabas hakutukuk atudok urupat hape hatogur aduk aria eshesh armam armago shakripam um wata hunaki ahudok anah nyumnah Sabat douk eshesh Juda shape meyoh ahi aria gamo hukripesh enyudok atin baraen.

Aposel 15:2

Hakripesh namudok aria Pol nani Barnabas hani amam hanatutukem aria hani amam hanitok debeinyi baraen. Namudok aria eshesh Iruhin ananish arpesh shagraeh Barnabas aria Pol hani anam abrudok waburimi Kristen shopunek um hunak um Jerusalem. Hunak um huni amam aposel aria eshesh Kristen esheshim debeimi hiyagwreh um enyudok baraen.

Aposel 15:31

Douk shatarih baraen sheyaten aria shanadudareh abom. Um maresh? Enyen douk yopinyi um nyutaurumesh shupe dodogowish um bilip aria esheshiruh aparuh yopuruh.

Aposel 2:41

Sabaishi arpesh douk shemnek Pita ananin baraen shasuhwen shakri adurin aria shenek baptais. Ahudok nyumnah douk adur sabaishi 3,000 armam armago douk Iruhin neshuhur shawish um eshesh shagipesh Jisas iri.

Aposel 2:47

Ihih nyumneh apa shatuk Iruhin ananin nyeigur nyato iruhw aria kupaishi arpesh shatrish shanadudareh shakri wosik. Aria ihih nyumneh Debeini napeum narao enesh arpesh shatanamori shape wosik abom aria shawish um eshudok shagipesh Jisas iri.

Aposel 20:13

Aria apak marik manak marao korohuk aria manak um anabur wabur nyeigur-iburum Asos. Pol nanaki atapih aria nakripap um mutogur mupe mutrugun um nutograri aria muran munak.

Aposel 22:10

Aria eik yarig yakri, ‘Debeini, douk ta inek maresh?’ Aria debeini nakripe nakri, ‘Kakitak nyunak nyuwish abrudok wabur Damaskus. Nyuwish aria ta shukripen um ihinyumori mour douk eik yagraehen yeshopoken um nyak nyuneken iri.’

Aposel 28:23

Namudok aria hagraeh anah nyumnah. Douk ahudok nyumnah hanak hatograri aria sabaishi arpesh abom sheshagrakuk sharik shanak iri shanaki shantorum atudok Pol napenyat iri urupat. Ruwahep arigaha wab anan nape nakripesh baraen um arpesh shuwish agundok Iruhin nape Debeini um ananish arpesh um. Aria nakripesh enen lo seiwok Iruhin nakoguk Moses enyi nyani enen baraen douk amam profet henyemaguk iri. Dodogowin atun nakripesh enyudok baraen um nakri nuhur esheshiruh aparuh um shunek bilip um Jisas.

Aposel 8:8

Namudok aria abrudok waburish arpesh douk shanadudareh shariguk abom.

Apudok Shup Douk Pol Nenekap Panam Eshesh Rom Iri 11:7

Namudok aria ta mukri mumam? Eshudok douk eshesh Israel dodogowishi atish shape shaurimesh iri douk madae shuparugesh uwe, uwok. Aria karowish Israel meyoh douk Iruhin nagraehesh iri atish wosik shaparugesh. Eshudok enesh kupaishi uwok. Esheshigos baragos sheshuk abom.

Apudok Shup Douk Pol Nenekap Panam Eshesh Rom Iri 13:1

Ihishmorim arpesh ta shupe shakamum amudok debeimi gavman. Apak madukemesh. Madae anan gavman nutogur nupe meyoh uwe, uwok. Ihinyumorim gavmanin mour douk Iruhin nakriyen aria douk nyakitak. Ihin nape iri gavman douk Iruhin meyoh nonusap nape.

Apudok Shup Douk Pol Nenekap Panam Eshesh Rom Iri 8:28

Ihinyumori enenyenen nyatogurum arpesh douk eshesh urkwip panawasham Iruhin iri um, enyudok enyen douk Iruhin neneken nyatogrumesh um nunekesh shupe wosik. Eshudok arpesh douk anan nagipesh ananim atum urkum aria nahwaresh shagipesh anan iri.

1 Korin 16:15

Aria ipak padukemesh um Stefanas nani ananip awirop douk shape shokugi nahobig Akaia iri. Eshesh douk sagomatin um shatogur Kristen iri. Aria kupaishi arpesh shape shokugi nahobig Akaia iri shagiguk shatogur Kristen. Ihih nyumneh Stefanas nani ananish shapeum shenek enyudok mour um shutaurum Iruhin ananish arpesh. Aria ipak eikishi arpesh, eik yakri ikripep dodogoiwe atuwe um ipak pupe shakamum amudokmori armam huni ihishmorim arpesh douk shataurumam shape shenek enyudok mour iri.

Efesus 1:11

Iruhin douk nenek ihishmorim eshudok shatogur kabi douk seiwok sagomatin anan nakri ta nunekesh shutograri iri. Aria seiwok anan nagraeh apak Juda um matukur Krais. Um maresh? Anan nagipesh ananim urkum kabi douk seiwok sagomatin anan urkum morumen um.

Efesus 1:19

Aria eik yenek beten yarigan um nutaurumep nunekep pudukemesh um ananin debeinyi dodog abom douk apa nyenek mour nyataurum apak munek bilip um Krais iri. Enyudok dodog enyen douk enyudok atin dodog douk Iruhin nakwin um nohuri Jisas watak nakitaki wonugwehw napeum. Aria douk um enyudok atin dodog, Iruhin nanasap nape nunak um ananin yopunyi rogur ehah um gani iruhw heven.

Efesus 1:4

Seiwok Iruhin watak nunek agundok atap uwe aria nagraehap um matukur Krais aria mupe ananip atup. Um anan nutrup um, anan mare nutik enesh yoweishi inahos shupenyap, uwok. Aria ananim urkum douk manawasham apak. Douk namudok aria seiwok sagomatin anan urkum morum nakri nugraehap um mupe kabi ananish batowish um enyudok mour Krais neneken iri. Iruhin douk nagipesh ananim urkum aria nataurumep meyoh.

2 Tesalonaika 3:1

O ipak apakish arpesh! Eik yakri ikripep enen nyagiguk iri baraen. Baraen enyudok. Ipak punek beten um apak um apakin Debeini ananin yopinyi baraen nyurahaen nyunak arigaha sabaigunum. Aria nyunek yopinyi mour numun sabaishi arpesh esheshiruh aparuh aria nyurao debeinyi nyeigur kabi douk enyen nyaraen ganudok orokohun um ipak um.