Aposel 13:36 - Iruhin Ananin Baraen

³⁶ “Apak ihishmorim douk madukemesh. King Devit napeyehi nyumneh, anan douk nagipesh Iruhin nakri-enyi atin aria nagok. Nagok douk sharuman hurukatin um sharom ananim yamehem um aria natar.

Aposel 13:36 Iomraidhean Croise

Matyu 25:16

Nanakuk atin aria anudok narao 5,000 kina iri nanak nakwu abrudok utabor nenek bisnis. Nenekas arigaha ta nenek uhwinyum 5,000 kina winmoni shopunek.

Iruhin Ananin Yopinyi Baraen Jon Nenyem Iri 11:39

Aria Jisas nakri, “Bodiguk amudok utom douk matao umunihw um wonugwehw iri.” Aria anudok nagok iri ananik mohwukwik Mata kwakri, “Debeini, apak maruman noruk nubatih nyumneh aria anan douk ta nisig.”

Aposel 13:22

Aria Iruhin neyatakuk Sol aria nenek Devit nape esheshin king. Baraen Iruhin nakrip arpesh um shudukem Devit um douk enyudok. Nakri, ‘Eik yaparug Jesi ananin nuganin Devit. Eik urkum manawashaman aria anan ta nunek ihinyumori mour douk eik ikripanum nuneken iri.’

Aposel 2:29

Pita apa neyagwreh nakripesh nakri, “Eikish ashukenyish washish, eik yadukemesh aria yakri ikripepum adur pudukem apakini baben Devit. Anan douk seiwok nagok sharuman. Sharuman aria ananihw wonugwehw douk hwor agundok apak mape um arigaha douk.

Aposel 20:27

Um maresh? Eik madae inogugur aria ibeshukuk enen baraen nyurmeik um ihinyumorim baugenyum baraen um mour douk Iruhin nakri um nuneken iri.

Aposel 7:60

Aria nabuh noduk ohrubus natao atap aria nahwaroguk debeihi mah nakri, “Debeini, nyak mare nyusuhwesh nyupe um eshudok henekeshume iri yoweishi inahos uwe, uwok. Nyukwreyeshuk.” Douk nahwaroguk namudok aria nagok.

Aposel 8:1

Aria Sol douk nakri wosik um agundok habo Stiven nagok um. Ahudok atuh nyumnah habo Stiven nagok ahi, amam debeimi hape henekesh enenyenen ihishmorim Iruhin ananish arpesh shape Jerusalem iri. Aria ihishmorim sharuwok shanam ihirub warub um agusudok biagos shokugosi nahobigos Judia iri Samaria. Shanak aria ihim-morim amam aposel atum hapeik Jerusalem.

1 Korin 15:18

Aria eshudok arpesh douk shasuhw Krais ananin baraen shagipeshen aria shagok iri, eshesh shopunek douk shagok shanak shawishuk abom.

1 Korin 15:6

Aria enyudok nyanakuk aria atub nyutob meyoh, anan natogurum sabaishi shagipesh anan iri. Eshesh douk sabaishi abom sheshagrakuk 500-poreish. Eshudok shatrun iri, sabaishi douk wata shape, aria enesh douk shagok.

1 Tesalonaika 4:13

O ipak apakish arpesh! Apak biom atun makri mukripep enen adurin baraen um eshudok shagok iri arpesh. Eshudok arpesh douk madae shudukemesh um Iruhin iri uwe douk madae shudukemesh um agundok shagok iri shanak shapeum uwe. Douk namudok aria eshesh urkwip yowep aria shereh shanakwukri shanaruwor. Douk namudok aria apak makri ipak mare pureh kabi eshesh shereh um, uwok.