Basef Amama Pol Nandaꞌam Mafeꞌma Esis Romi 5:6 - Basef Buꞌwami Godi

⁶ Fowaꞌ apaꞌ ina banagepa ma mondaꞌ waf buꞌwafi, owaꞌ, nogota atamba God nandandepata eaꞌi, Krais nagaꞌma apaꞌ mogowaꞌ alafugaha Godi.

Basef Amama Pol Nandaꞌam Mafeꞌma Esis Romi 5:6 Iomraidhean Croise

Basef Amama Pol Nandaꞌam Mafeꞌma Esis Romi 11:26

Iꞌi owaꞌ main, esis Israel hiasi God nofaꞌas nokwahomasa waf awafi sotanima sifiꞌmai anen siꞌi Baibel naꞌias nagaꞌi, “Anaf aman anamba nofaꞌas sogotanimai, nupani wambel Saion nifiꞌi notagwaha waf awafi esis wambota Jekopi, waf awafi sogosambala basef Godiefi.

Basef Amama Pol Nandaꞌam Mafeꞌma Esis Romi 4:25

God nasapaꞌ Jisas nafiꞌi nagaꞌma nagakwaha waf awafi apeꞌifi. Eaꞌ nasaꞌmana matmata nogaꞌi apaꞌ amam nematawa beꞌepa hililiꞌi.

Basef Amama Pol Nandaꞌam Mafeꞌma Esis Romi 4:5

Apaꞌ God ina nati maol buꞌwani epes sandaꞌani ma nigaꞌi esis buꞌwasi, owaꞌatin. Anen nati epen mamahina nagahapifana laꞌifinai ma nogofala epes sandaꞌ waf awafii boꞌwes hililiꞌi. Eaꞌ God okom mandandaꞌma okom epeni magaꞌi endilisi atis epen inimbai deiꞌ naꞌi anin boꞌwen hililiꞌi.

Basef Amama Pol Nandaꞌam Mafeꞌma Esis Romi 5:10

Fowaꞌ apaꞌ ataꞌ mape boupai Godi, owaꞌ deiꞌ nandaꞌapa mataga alipipai ananipai opalef atifilif malomana. Anen nandaꞌas naꞌamba ma Nogamana ananinai nagagaꞌma apaꞌ. Isimba atis deiꞌ apaꞌ mape alipipai Godi mogawa endilisi Krais nape namona ma deiꞌ motanima molomana sisihipa mogape.

Basef Amama Pol Nandaꞌam Mafeꞌma Esis Romi 5:7

Ipaꞌ ukup pandandaꞌ paꞌimama? Anin epen naꞌi negaꞌma negatopalopa epen ami naꞌi nigaila muꞌuli Godi, aꞌa owaꞌ? Aꞌi atiasi ina anis siꞌi ahoꞌ, owaꞌatin. Apaꞌ iꞌi anin epen boꞌwen hililiꞌi, daoꞌ anin ila ma negaꞌ negatopalopa epen inimba buꞌwani.

Basef Amama Pol Nandaꞌam Mafeꞌma Esis Romi 5:8

Apaꞌ ataꞌ mandaꞌ waf awafi atin, Krais nagaꞌ natopalopapa. Eaꞌ deiꞌ God nihimbaꞌmapa okom luꞌunai naganagaila apeꞌi nandawalap. Krais a nikilaꞌ epen inimba boꞌwen hililiꞌi nagaꞌ natopalopapa.

Basef Amama Pol Nandaꞌam Mafeꞌma Esis Romi 8:32

Anen ina ombal mahanama nagasoꞌapai Nogamana ananinai, owaꞌatin. Anen nasapaꞌanai nafiꞌi ma nogatopalopa apaꞌ hiapai. Naꞌamba deiꞌ isimba endilisi atis anaf anen nogasoꞌapai anom hiahaom hiami wapani dowaf mugalumai anini.

Basef Amama Pol Nandaꞌam Mafeꞌma Esis Romi 8:34

Anaf ina anis epes sofalapa siꞌi apaꞌ epes aupai ma God nogagwamapa waf awafi apeꞌifi, owaꞌatin. Deiꞌ main, Krais Jisas nagaꞌ notanima nosafel wapani. Eaꞌ anen nape waꞌol lagol kwahisigili Godi banagagoma eaꞌ nandabetena nagatopalopapa wapani.

Galesia 2:20

Aeꞌ ina ape namowe ma ambal aeꞌali atol, owaꞌ. Krais atona nape namona opaf aeꞌafi. Deiꞌ agape itap apaꞌe, ape aila banagami Nogamana Godi ahapifa anen atona. Anen okom maimaili aꞌowaꞌ, nalamona ambal ananinai ma nagatopalope dowaf.

Galesia 4:4

Owaꞌ nogota atamba God nagaꞌiatai tataga, anen nasapaꞌ Nogamana ananinai nafiꞌi itap apaꞌe. Anoꞌw nemataꞌw kolana nataga epen nape lafela muꞌuli esis Juda sagailani.

Efesus 5:2

Ipaꞌ pendafeꞌ waf afamba ukup pagapagailasafi siꞌi Krais okom magaila apaꞌ, ma nalamona ambal ananili nagatopalopapa. Anen nasoꞌana alop ananipi God nagaꞌ nondolalimana siꞌi ofa buꞌwani alogw fasigwi usihigwi gwagaꞌani.

Kolosi 2:13

Fowaꞌ ipaꞌ pagaꞌ eaꞌ. Deiꞌ main, ipaꞌ pandaꞌ waf naninani aunai eaꞌ ipaꞌ owaꞌ Judaipaia pegelalama muꞌuli God nagasoꞌ Mosesani. Apaꞌ deiꞌ God nandaꞌepa pataga namipa paloma Krais eaꞌ makwahomapa waf awafi apaꞌ mandaꞌafi hiafi hiꞌalaf.

1 Tesalonaika 5:9

Dembinai God ina nosahoꞌapa ma mogofaꞌ okom wandafunai ananinai nogahambombagapa, owaꞌatin. Anen nosahoꞌapa ma Jisas Krais Dembinai apeꞌinai nowambelapa mogotanimai.

1 Timoti 1:9

Apaꞌ mondogawa isimba wapani, muꞌuli inimba ina nafiꞌmai epes isimba sagape andeandeꞌi, owaꞌatin. Inimba nafiꞌmai epes sandaꞌ waf awafii, sogosambala muꞌuli inimbai owaꞌ sogape lafela amom agufumia. Eaꞌ anis sogowaꞌ alafugaha Godi sandaꞌ waf awafii. Anis sagaꞌi waf Godi hapaifii, ma sagaila waf itapafi atefi. A anis saha ahapas mamasas sagagaꞌi, saha anis daidaias wapani sagagaꞌi.

Taitus 2:12

Waf God nagatopalopapa dowafafi fawalapa apaꞌ ma mokwaha waf afamba mogowaꞌ alafugaha Godi, eaꞌ mokwaha nomonas amamba awami ma waf itapanai, apaꞌ ukup pepe pendandaꞌ pefeꞌ andeandeꞌ mumafi alop apeꞌipi mugaila waf Godi deiꞌ nogota ataꞌe.

Hibrui 8:3

Fowaꞌ God nandandepa amom pris dembami mofaꞌ hiahawes fasisi gwaꞌaisi mafis sasisasi ma mondolalimana. Eaꞌ Dembinai apeꞌinai wapani nofaꞌi anis hiahawes nondolalimanasi.

Hibrui 9:26

Iꞌi anen nondaꞌam naꞌambaiai, anen aꞌ nofaꞌ akafimi nimaguf hiafi timbi tambel fowaꞌ dambadamba God nandaꞌ itap apaꞌe nifiꞌi notaga deiꞌ. Apaꞌ owaꞌatin. Apaꞌ deiꞌ felefeleꞌma nogota ahiꞌigalata Krais nataga itap apaꞌe ma nagasoꞌana anen hiꞌagalana nondolalima Goda nogokwaha waf awafi apaꞌ epesi. Nandaꞌam nemaf atetef eaꞌ maꞌum.

1 Pita 1:20

God owaꞌ ataꞌ nondaꞌ itap apaꞌe petagaea, anen nogawa Krais nandandepana eaꞌ ma nogagaꞌ siꞌi sipsip anamba. Nimaguf ifimba hiafi deiꞌ fagiꞌ fagatagai, anen nataga nandawalap alihina ma nogatopalopepa.

2 Pita 3:7

Basef Godi eaꞌ ifimba atif deiꞌ filiꞌama hiahaom magape ilifi maloma epes saloma hiahaom magape itapi hiꞌalam deiꞌ ataꞌ mape atapim masasa nif fegandom nemaf afamba God nogawaloga epes isimba sogowaꞌ alafugaha anini ma nondaꞌas higiligalas.

Basef Ifimba Jut Nandaꞌafi 1:15

ma nowaloga epes hiasi hiꞌilasa nogagwamasa akafimi awami ma waf awafi asasifi. Ama nigihimbaꞌmas alihisa waf awafi hiafi esis sandaꞌafi, kofagema asasimi atom. Epes isimba sandaꞌ waf afamba awafi naꞌambai. Esis sowaꞌ alafugaha God aꞌowaꞌ, sandaꞌ duꞌwaniga, saꞌi basef simbisambalifi fafifafi awafi ma anen.”

Basef Ifimba Jut Nandaꞌafi 1:18

Fowaꞌ amom aposel maꞌipipa naꞌamba maꞌi, “Anif nimaguf akutaifi fegataga, anom amam mondaꞌiafa waf Godi aꞌ mufiꞌi mope. Amom aꞌ mowaꞌ alafugaha God, eaꞌ ukup amamipi pesafel aꞌowaꞌ naꞌanaꞌa ma waf awafi atef eaꞌ mila isimba.”

Basef Ifimba Jut Nandaꞌafi 1:4

Deiꞌ main, anom amam mandambahoꞌ mawisi laꞌafena apaꞌ Kristen. Fowaꞌ gani basef fagail Buk Baibeli faꞌi amam amamba eaꞌ ma mogatagama basef luꞌwafi Godi ma nowalogama kota higiligalam. Amom mowaꞌ alafugaha God aꞌ mahaꞌofa basef buꞌwafi anen nagatopalopapaef dowafi eaꞌ maꞌipas anif daifa mogowaꞌ banaga waf naninani ukup pegehafela waf awafi soꞌa waulafi.