Basef Amama Pol Nandaꞌam Mafeꞌma Esis Romi 2:11 - Basef Buꞌwami Godi

¹¹ Deiꞌ main, anen nowaloga epes hiasi ma ikwaf usiꞌifi atef.

Basef Amama Pol Nandaꞌam Mafeꞌma Esis Romi 2:11 Iomraidhean Croise

Matyu Nandaꞌafi 22:16

Eaꞌ masapaꞌ alipumi magaila amomi maloma amam amamba anep miniꞌap Heroti amom mafeꞌma Jisas maꞌi, “Dembinai Tisa, afaꞌ ogawena, inaꞌ aman nagaꞌi endilisii. Ina ombel magahinai, owaꞌ. Owaꞌ nigaꞌipasa anif basef isimba anis agof luꞌwagufisia a anif basef daifa isimba agof akasi falafisia, owaꞌatin. Inaꞌ nagaꞌipas basef atifif endilisifi atif Godi amam nematawa hiasi dondoꞌ atin hiꞌagalasi.

Luk Nandaꞌafi 20:21

Eaꞌ mahaliꞌ Jisas maꞌi, “Tisa dembinai, apaꞌ mogawena basef ineꞌifi buꞌwafi atif nagaꞌipasef esis amam nematawai. Inaꞌ naꞌi basef atififa epes isimba hiasi agufisi saloma isimba agof akasi naꞌamba atin hiꞌalas. Inaꞌ naꞌipas basef faloma waf buꞌwasi Godi endilisi ma epes hiasi.

Aposel 10:34

Eaꞌ Pita naꞌias naꞌi, “Endilisi atis, deiꞌ aeꞌ egawa okom Godi anen ina okom maꞌi wambota miniꞌap esis Judai atis, owaꞌatin.

Basef Amama Pol Nandaꞌam Mafeꞌma Esis Romi 9:14

Eaꞌ apaꞌ deiꞌ ataꞌ miꞌi main? Miꞌi, “God nandaꞌ waf owaꞌ andeandeꞌa?” Owaꞌatin endilisi!

Galesia 2:6

Amom agufumi esis Kristen sagaꞌi agufumi asasimi, aeꞌ andaiwaꞌma egasaꞌma agofa anis epes, owaꞌ. Aꞌi agof mamahagofa falafugufi atogof. God ina nati alop andoꞌ nowalogas, owaꞌatin. Anen nati ukupi nomonas nomon nawalogas. Amom ina maꞌipi anif basef daif wapani ma igawalipasef, owaꞌatin.

Efesus 6:9

Ipaꞌ agufipai pigimafi isimba agof akasi sandaꞌmepa maol dowafi, ipaꞌ pendaꞌas naꞌamba atina esis siꞌi pandaꞌasa Dembinai atona. Ipaꞌ pendkwahowa waf afamba sagaumbalisafi. Deiꞌ main, ipaꞌ pegawa Dembinai nagape heveni anen Dembinai ipeꞌinai, asasinai wapani. Anen ina nagawaloga agofa epesi ma naep ananipi, owaꞌatin. Anen nawaloga hiasi agufisi agof akasi hiꞌalasa ikwaf usiꞌifi atef.

Kolosi 3:25

Epen mamahina nandaꞌ waf awafii anin anaf nefaꞌ akafimi awami mondahama waf anin nandaꞌafi. Deiꞌ main, God nawawaloga epes hiasi agufisi agof akasi hiꞌalasa ikwaf usiꞌifi atetef.

1 Pita 1:17

Ipaꞌ pefala God pagaꞌi anen “Ahamapa”. Ahamapa anamba anen ina okom mapoma agof apeꞌigufi luꞌwagof saꞌogof eaꞌ nawaloga apaꞌ, owaꞌatin. Anen nawawaloga apaꞌ naꞌamba atina ikwaf usiꞌifi atetefa waf mamahefa apaꞌ mandaꞌafi. Isimba atis ipaꞌ ombal mondahepama God pendaꞌ lotumana pendafeꞌ usiꞌipa nimaguf mamahefa ipaꞌ pailas pagape dowaf itap apaꞌi.