Basef Amama Pol Nandaꞌam Mafeꞌma Esis Romi 16:19 - Basef Buꞌwami Godi

¹⁹ Ipaꞌ paila God, deiꞌ epes hiasi sogawepa eaꞌ. Isimba atis deiꞌ aeꞌ sonahema ipaꞌ. Aeꞌ aꞌi ipaꞌ pendegawa waf buꞌwafi endilisi, apaꞌ ipaꞌ ina ukup pendandaꞌma waf awafi, owaꞌ.

Basef Amama Pol Nandaꞌam Mafeꞌma Esis Romi 16:19 Iomraidhean Croise

Matyu Nandaꞌafi 10:16

Eaꞌ Jisas naꞌipam wapani naꞌi, “Ipaꞌ pemeꞌ, aeꞌ esapaꞌepa pefeꞌ siꞌi anom sipsip pefeꞌ laꞌafena nombagw wandafugwi alupugwi. Naꞌamba ipaꞌ ukup pendandaꞌ andeandeꞌ pefeꞌ pila gawa siꞌi uguf fagafeꞌ. Eaꞌ pigiꞌma waf buꞌwafi siꞌi anal amil maꞌunai, ipaꞌ ina ukup pepe awepa pendaꞌ waf awafi, owaꞌ.

Luk Nandaꞌafi 10:3

Ipaꞌ foꞌo. Pemeꞌ, aeꞌ asapaꞌ ipaꞌ pefeꞌ siꞌi mafis sipsip laꞌafena nombagw alupugwi.

Basef Amama Pol Nandaꞌam Mafeꞌma Esis Romi 1:8

Aeꞌ aꞌi ataꞌ iliꞌ igaꞌiesi isimba. Aeꞌ anifela God aeꞌanai ma agol Jisas Kraisi, anifelona ma ipaꞌ wapani. Deiꞌ main, esis itap ganimba hiagoma saꞌi basef ifimba ma ipaꞌ pagahapifana.

1 Korin 14:20

Ipaꞌ alipipai, ipaꞌ ina pepe ukup pelapefeꞌ siꞌi awasi, hapaimi. Waf awafi, daoꞌ ipaꞌ ukup beꞌep pepe andeandeꞌ ukup peseꞌepaf siꞌi awasi. Apaꞌ nomonas ipeꞌisi sondataga siꞌi epes dambesi.

Efesus 5:17

Eaꞌ ipaꞌ deiꞌ ina pepe siꞌi epes gawa akasi ukup peseꞌepa, owaꞌi. Pendegawa andeandeꞌma okom Dembinaii.

Filipai 1:9

Aeꞌ andabetena ipaꞌ aꞌi ipaꞌ ukup pila God pindaima atin peloma sahin owan hiasi ma waf afamba fegataga luꞌufa ipaꞌ feloma gawa hiani neloma nomonas buꞌwasi pegegawa basef Godi andeandeꞌ.

Filipai 2:15

Pendaꞌas naꞌamba ma pegape awasi Godi usiꞌipa ma basefa waf awafi akepa. Deiꞌ pape paloma epes miniꞌap sagape itap apaꞌi, esis sakwaha waf usiꞌifi asandaꞌ waf awafi. Ipaꞌ pape palomas pihimbaꞌmasa basef ambal namilifi siꞌi ondowa ogotawa ilifi ogogalaꞌma epes. Pendaꞌas naꞌamba ma nemaf akutaifi Kraisi aeꞌ sowenegahema ipaꞌ ma egegawa ina andaꞌ maol dowadowaf akwaha pepel aeꞌani dowaf, owaꞌatin.

Kolosi 3:16

Basef Kraisi fasif aꞌowaꞌ fendape endilisi opalef ipeꞌilifi nomon. Ipaꞌ pendaꞌas naꞌamba piwalipa esis sahin owan ipeꞌisi pisindiꞌamonasa gawa hiani naninani. Ipaꞌ pendanifela Goda opalef ipeꞌilifi pendagalamana. Eaꞌ pendaꞌ awalef fagail sami eaꞌ pendaꞌ awalef lotuwilifi a awalef fegewaꞌ banaga ambagof ipeꞌigufii.