Basef Amama Pol Nandaꞌam Mafeꞌma Esis Romi 1:13 - Basef Buꞌwami Godi

¹³ Aeꞌ aꞌi ipaꞌ alipipai ataꞌ pegawa nimaguf hiafi aeꞌ aꞌi efeꞌmago ipaꞌ eaꞌ afiꞌi ataga deiꞌ. Owaꞌ anis hiahawes sasopama ufiaꞌwa aeꞌ. Fowaꞌ atopalopa anis sogololama Godi sataga Kristen salutu banages. Eaꞌ deiꞌ aꞌi ataꞌ etopalopepa siꞌi agatopalopa esis.

Basef Amama Pol Nandaꞌam Mafeꞌma Esis Romi 1:13 Iomraidhean Croise

Jon Nandaꞌafi 12:24

Aeꞌ aꞌipipa basef endilisifi, iꞌi olemb witimb owaꞌ bewa itap nomona, olemb ambamba bepe atifimb. Apaꞌ iꞌi bewa begewala itap nomon, daoꞌ ambamba ambetaga belo bil hiambi.

Jon Nandaꞌafi 15:16

Ipaꞌ ina paliꞌ pandandepa aeꞌ ipeꞌiwai, owaꞌ. Aeꞌ aliꞌ andandepepa eaꞌ aeꞌipai. Eaꞌ andaꞌepa pandaꞌ maol buꞌwani. Ama pefeꞌ pendaꞌ maol buꞌwani siꞌi lawah hogola gwaꞌaisi ma maol buꞌwani ipeꞌini negape andeandeꞌ. Ama iꞌi ipaꞌ pendabeten pihaliꞌ Ahame ma anis hiahawesa agol aeꞌigili, anen nogasiꞌipasi.

Jon Nandaꞌafi 4:36

Epen ami negalaꞌ gwaꞌaisii, anin nefaꞌ otamba ma maol inimba nandaꞌani. Eaꞌ nakolasa gwaꞌaisi isimba ambal namili lagapaisi sogape lifilafi. Eaꞌ epes isimba sagawasi saloma anis daias sagalaꞌasi sokolata sondagala atin.

Aposel 1:15

Aꞌi owaꞌ, anef nemaf esis Kristen 120-pelais hiasi sandakolas sape eaꞌ Pita nosafel nalutu naꞌi,

Aposel 14:27

Amom mataga Antiok mofala esis muwaꞌanias sandaꞌ kolasi eaꞌ maꞌipasa basefa maol Dembinai nape nalomam natopalopam mandaꞌani. Eaꞌ maꞌi, “God nandaꞌ ufiaꞌw kwagala esis amam nematawa hiasi anis daias owaꞌ Judaisia ma sogahapifa Krais.”

Aposel 15:12

Pita naꞌias naꞌamba owaꞌ, esis sandakolas atogini ina ataꞌ saꞌi anif basef, aꞌ owaꞌatin. Eaꞌ sambeꞌ aligaha Barnabasi Pol. Amom biam mawalapa basef hiafi ma God nowaꞌ banagam mandaꞌ hiahaom banagami siꞌi anen nandaꞌami ma nogohnaep esis amam nematawa owaꞌ Judaisia.

Aposel 19:21

Aꞌi owaꞌ giꞌ, okom Poli mosafel banagem naꞌi nefeꞌ itap luꞌupa Masedonia esis Grik sagapoma, ma main aꞌ nefeꞌ Jerusalem. Anen naꞌias naꞌi, “Aeꞌ efeꞌ anamba ma main, aꞌ efeꞌ iti Rom wapani.”

Aposel 21:19

Pol nandaꞌmam nemaf buꞌwafi eaꞌ naꞌipama hiahaom hiami ma God natopalopana nandaꞌam laꞌafena esis amam nematawa anep miniꞌap sogololama Godi.

Aposel 28:14

Wambel ambalemba afaꞌ wati anis Kristen. Eaꞌ saꞌipafa wape walomas wik siꞌigai. Ama main, aꞌ wafeꞌ Rom.

Basef Amama Pol Nandaꞌam Mafeꞌma Esis Romi 1:12

Amamba naꞌamba. Aeꞌ aꞌi hapif aeꞌani netopalopa ipaꞌ eaꞌ ipeꞌini netopalopa aeꞌ newaꞌ banagae. Isimba sowaꞌ banaga opalef apeꞌilifi naꞌamba atin.

Basef Amama Pol Nandaꞌam Mafeꞌma Esis Romi 11:25

Alipipai, aeꞌ andaiwaꞌma ipaꞌ ukup pegehepama basef ifimba fowaꞌ fandambahiꞌi deiꞌ fandawalap alihif. Naꞌamba ipaꞌ ukup pendandaꞌ ma ipaꞌ atipa piꞌi, “Apaꞌ mogogawai.” Basef ifimba fowaꞌ fandambahiꞌi naꞌamba. Esis Israel opalef asasilifi fasoꞌas, apaꞌ ina fasoꞌas atapilif fape, owaꞌ. Fefeꞌ fefeꞌ fendahama nogota atamba esis owaꞌ Judaisia hiasi sifiꞌi sogafeꞌma God dondoꞌ ma ikwaf okom ananimi magaꞌiefi.

Basef Amama Pol Nandaꞌam Mafeꞌma Esis Romi 7:1

Ipaꞌ alipipai, ipaꞌ pegawa muꞌuli ma waf dasoꞌamaifi eaꞌ. Eaꞌ pegawa andeandeꞌma basef ifimba deiꞌ igaꞌipipafi. Nogota atamba epen ataꞌ nagape namin, anin ataꞌ nape lafela muꞌuli inimba.

1 Korin 1:10

Apaꞌ ipaꞌ sahin owan, aꞌipipa banagoga ma agol Dembinai apeꞌinai Jisas Kraisi naꞌamba. Ipaꞌ pendape miniꞌap atetep endilisi pindaila nomonas atifisa okom atotom.

1 Korin 10:1

Alipipai, aeꞌ andaiwaꞌma ipaꞌ ukup mogamogahepama hiahaom amamba. Esis bafasapa hiasi Israel sape lafela ilagw agwamba gwaliꞌas sagafiꞌi eaꞌ hiasi safeꞌ boꞌwagah asasigahi sowala sambo naoh embel akwahimi

1 Korin 12:1

Ipaꞌ alipipai, aeꞌ aꞌi endaꞌmepago basef ifimba ma presen hiahaom fasimi Ambal buꞌunai Godi nagaseꞌepam ipaꞌ atona atini. Deiꞌ main, andaiwaꞌma anipa ipaꞌ ukup pegelelaipa ma amamba.

1 Korin 14:20

Ipaꞌ alipipai, ipaꞌ ina pepe ukup pelapefeꞌ siꞌi awasi, hapaimi. Waf awafi, daoꞌ ipaꞌ ukup beꞌep pepe andeandeꞌ ukup peseꞌepaf siꞌi awasi. Apaꞌ nomonas ipeꞌisi sondataga siꞌi epes dambesi.

1 Korin 14:26

Ipaꞌ alipipai, deiꞌ basef ifimba akutaifi aeꞌafi fagape naꞌamba. Nemaf afamba pendakolas, presen inimba hiani Ambal Godi nagasoꞌapani napoma ipaꞌ hipai naꞌamba. Anin epen nendaꞌ anaf awaf, anin daian niꞌi anif basef Godi niwalipipa, a anin God nasoꞌana anif basefa negawalapef, eaꞌ anin daian negawa ma nigaꞌi anoga diga daiaga, a anin daian negawa ma negambema basef ifimba. Ipaꞌ pendandaꞌ hiahaom amamba hiami ma pegewaꞌ banaga hapif esis amam nematawa sios.

1 Korin 9:2

Iꞌi anis epes ukup pandandaꞌ paꞌi aeꞌ owaꞌ aposela, diago, hapaisi. Ipaꞌ daoꞌ. Ipaꞌ pahapifa Dembinai pape sisihipama anen. Isimba atis deiꞌ ipaꞌ atipa siꞌi anol ametal lihimbaꞌma ipaꞌ hipai pegawe ape aposel andaꞌ maol Dembinaii.

2 Korin 1:8

Ipaꞌ alipipai, afaꞌ waꞌi ipaꞌ ataꞌ pegawa nimanimi akafimi anis epes sagasoꞌafam gani itap apamba luꞌupa Esiai. Akafimi amamba luꞌwami aꞌowaꞌ eaꞌ mahagofa afaꞌ, mikilaꞌ banagami afaꞌimi. Eaꞌ afaꞌ ukup pandandaꞌ paꞌi endilisi atiasi aꞌ ogaꞌ.

2 Korin 2:14

Apaꞌ deiꞌ aeꞌ anifela God. Dondol anen natopalope ape sisihiwi agaloma Krais eaꞌ aliꞌamona wandafa waf awafi. Ama maol aeꞌani God nawalapa basef eaꞌ anis epes sogawa Krais. Gawa inimba anin siꞌi alogw fasigwi usihigwi gwa gwagafeꞌagon hiꞌagalagini.

Galesia 3:15

Ipaꞌ Kristen sahin owan, aꞌi iꞌipipa anif basef waminif atina waf apeꞌifi. Iꞌi anom amam mandaꞌ lapa anif banagafi, ina atiasi anin epen laꞌifina nehapeꞌef aꞌa negewatanif, owaꞌatin endilisi. Fepe banagef atapif.

Galesia 6:18

Ipaꞌ alipipai, aeꞌ aꞌi dembinai apeꞌinai Jisas Krais notopalopepa dowafa pegape andeandeꞌ. Deiꞌ okom ananimi mope mondalomago ambagof ipeꞌigufi. Endilisi.

Filipai 1:22

Iꞌi ataꞌ egape namowe atapiwi itap apaꞌema, bola endaꞌ maol buꞌwani Godi. Apaꞌ aeꞌ ataꞌ ila ufiaꞌw mamahoꞌwa? Aeꞌ ina egawaꞌw.

Filipai 4:17

Apaꞌ deiꞌ aeꞌ ina ahaliꞌipa ma hiahawes gwaꞌaisi mais, owaꞌ. Aeꞌ okom maꞌi atiasi God nogwa waf buꞌwafi ipaꞌ pagatopalope afi noseꞌepa hiahaom fasimi.

Kolosi 1:10

Wandaꞌas naꞌamba ma atiasi ipaꞌ laꞌifipama feꞌ poe ipeꞌini negataga boꞌwen endilisi dondoꞌma waf Dembinaii. Wandaꞌmepa betena Anen negati waf ipeꞌifi fendaꞌ okom ananimi boꞌoma ipaꞌ nondagalaepa. Ama pendaꞌ maol naninani hiani buꞌwani hiꞌigalana pegegawana andeandeꞌ pigikilaꞌ fowaꞌ paliꞌ pegegawana.

Kolosi 1:6

Ama ganimba itap hiagoma basef buꞌwami amamba mawalapai waf buꞌwafi ma epes hiasi mataga luꞌum atapim mikilaꞌ fowaꞌ. Basef amamba mandaꞌas naꞌamba atin siꞌi dambadamba maliꞌ matagama ipaꞌ pagameꞌam. Nemaf afamba ipaꞌ paliꞌ pegawa endilisi okom Godi nagatopalopepa dowafi, basef amamba mawalapai waf buꞌwafi afamba fataga luꞌufa ipaꞌ.

1 Tesalonaika 2:18

Eaꞌ deiꞌ waꞌi ofeꞌmago ipaꞌ. Aeꞌ Pol andaꞌas nimaguf hiafi aꞌi efoꞌo, owaꞌ Satan nahefamafa ufiaꞌw.

1 Tesalonaika 4:13

Ipaꞌ sahin owan, afaꞌ waꞌi ipaꞌ pegawa andeandeꞌma amam nematawa isimba sagagaꞌi. Naꞌamba nelelemb ipeꞌilimbi ukup pipilas pelopas siꞌi isimba sogololama hapifi sandaꞌam. Esis owaꞌ sogawa ma sope sogasasa nemaf afamba anaf sotambel sogosafel wapani wandelefafia.

2 Tesalonaika 2:7

Ipaꞌ pegawa deiꞌ banagami amamba mogosambala muꞌuli Godi ataꞌ mandaꞌ maol mandambahoꞌ mape. Amamba ataꞌ mapoma mondahama nogota atamba aman anamba nigiliꞌama ufiaꞌw ananiꞌwi atiasi nondaomb nogafeꞌ.

2 Timoti 4:17

Apaꞌ owaꞌ, Dembinai numafii ape eaꞌ naseꞌe banagami. Isimba atis deiꞌ awalapa basef fasifi aꞌif laꞌifiwi endilisi eaꞌ epes isimba hiasi owaꞌ Judaisi sogogawa basef Godia, deiꞌ sameꞌef hiꞌalas. Eaꞌ God nelefate ma malogol mafin anamba luꞌunai laion.