Revelesen 1:9 - Basef Buꞌwami Godi

⁹ Aeꞌ Jon sahomepa ipeꞌiwai. Aeꞌ alomepa, apaꞌ hiapai Jisasi atepa maloma anen sisihipa mape. Akolata alomepa mofaꞌ akafimi ma mugawis nomona maol Godi nope Dembinai nugumafiapa. Eaꞌ ape alomepa ma apaꞌ hiapai magalutu banagepa naꞌamba atina mogofaꞌ nimanimi. Aeꞌ awalapa basef Godi faloma basef endilisifi ma maol Jisas nandaꞌani. Isimba atis deiꞌ esis sandaiwaꞌme saliꞌamone eaꞌ afiꞌi ape ailan agilina saꞌi Patmos.

Revelesen 1:9 Iomraidhean Croise

Matyu Nandaꞌafi 20:23

Eaꞌ Jisas naꞌipam naꞌi, “Endilisi, ipaꞌ bipa atiasi peaꞌ embela kap apamba aeꞌ egaꞌ embelapi. Apaꞌ pegape lagol kwahisigili o gagaili aeꞌagufi, isimba ina maol aeꞌani, owaꞌ. Ahame atona niꞌi esis isimba nandandepas eaꞌi daoꞌ esis atis sope lagof kwahisigili gagaili aeꞌagufi.”

Mak Nandaꞌafi 10:39

Eaꞌ magwamana maꞌipana maꞌi, “Afaꞌ ila laꞌififai.” Jisas naꞌipam naꞌi, “Endilisi, kap apamba deiꞌ aeꞌ egaꞌ embelapai, a saꞌof inimba atiasi egasaꞌofani siꞌi baptaisi, isimba ipaꞌ atiasi pegefaꞌasi.

Jon Nandaꞌafi 16:33

Aeꞌ aꞌi atiasi ipaꞌ pepe pelome nelelemb pepe saꞌombel. Eaꞌ deiꞌ aꞌipipa basef ifimba. Itap apaꞌe ipaꞌ atiasi pemeꞌ nelelemb nimanilimb. Apaꞌ nelelemb ipeꞌilimbi atiasi ambetaga banagelemb. Deiꞌ main, aeꞌ atalogofa waf itapafi a ikilaꞌaf eaꞌ.”

Aposel 1:15

Aꞌi owaꞌ, anef nemaf esis Kristen 120-pelais hiasi sandakolas sape eaꞌ Pita nosafel nalutu naꞌi,

Aposel 14:22

eaꞌ mowaꞌ banaga esis Kristen. Amom maꞌipas dindinip naꞌamba maꞌi, “Ipaꞌ pendape banagepa pindahapifa Dembinai God. Apaꞌ mondameꞌ nimanimi akafimi mamimami ma mugawis nomona maol Godi nope Dembinai nugumafiapa.”

Basef Amama Pol Nandaꞌam Mafeꞌma Esis Romi 8:17

Apaꞌ magape awasi Godii. Eaꞌ anaf mofaꞌ hiahaom Ahamapai moloma hiahaom anen nambeꞌama Krais nugumafiami, mofaꞌam moloma Krais. Iꞌi deiꞌ apaꞌ mofaꞌ akafimi mogalomanama, anaf mofaꞌ poe buꞌwani endilisi nondaꞌapa mogalaꞌ molomana.

Basef Amama Pol Nandaꞌam Mafeꞌma Esis Romi 8:25

Apaꞌ hiahawes apaꞌ ataꞌ owaꞌ mugatilisia apaꞌ mogawa endilisi anaf mogofaꞌasi, naꞌamba apaꞌ ukup banagep papoma isimba eaꞌ mape mahafas.

2 Korin 1:7

Afaꞌ ogawa endilisi waꞌi ipaꞌ pigalutu banagepa. Deiꞌ main, afaꞌ ogawa ipaꞌ apefaꞌ akafimi palomafa eaꞌ naꞌamba atin atiasi pefaꞌ opalef awanilifi pelomafa wapani.

Filipai 1:7

Aeꞌ ahapila ipaꞌ okom aeꞌami, egawa God notopalopepa deiꞌ anaf wapani naꞌamba atin. Isimba andeandeꞌ. Deiꞌ main, apaꞌ mandalaꞌatanima atina maol ananini. Nemaf afaꞌe deiꞌ agape kalabus aꞌa nimaguf fafimba aliꞌ agawalapa basef ifimba buꞌwafi epes hiasi atopalopasa sogogawa basef ifimba endilisifi atif, nimaguf ifimba hiafi God natopalopapa dowaf, nowaꞌ banagapa.

Filipai 4:14

Apaꞌ ipaꞌ pandaꞌ waf buꞌwafi palome pandaoꞌoma ma pegefaꞌ nimanimi aeꞌami.

2 Tesalonaika 3:5

Afaꞌ waꞌi Dembinai nisindiꞌamona opalef ipeꞌilifi ma pegegawa endilisi God okom maimailipa aꞌowaꞌ. Afaꞌ waꞌi nemaf afamba nimanimi mogatagamepa, pindalutu banagepa ma pepel Kraisi atom pendaꞌ waf fasifi atef.

2 Timoti 1:8

Inaꞌ owaꞌi ambal aola nigaꞌipasa basef Dembinai apaꞌinaia. Eaꞌ owaꞌi ambal aola aeꞌ wapania, owaꞌatin. Aeꞌ andaꞌ kalabusi, epen dembinaii. Inaꞌ nefaꞌ banagami Godi ma banagena nefaꞌ nimanimi nelome ogawalapa basef buꞌwafi ananifi.

Hibrui 10:36

Ipaꞌ pindalutu banagepa ma pigaila okom Godi ma pegefaꞌ hiahaom fasimi fowaꞌ God aꞌ naꞌiam eaꞌ endilisi ma nogasiꞌipami.

1 Pita 5:1

Ipaꞌ agufipai pigimafi esis Kristeni, aeꞌ aꞌi esaꞌma ukup ipeꞌipi ewaꞌ banagaipa. Aeꞌ wapani aeꞌ agiliwai igimafi esis Kristeni. Fowaꞌ aeꞌ alutu agati Krais nogofaꞌ akafimi aꞌ egegawami. Eaꞌ anaf wapani ilutu elomepa ma mugati mogogalaꞌi luꞌwami mogatagai. Deiꞌ aꞌipipa dindinip naꞌamba aꞌi

Revelesen 1:1

Fowaꞌ gani basef amamba mape mandambahoꞌ apaꞌ deiꞌ Jisas Krais nandaꞌam mandawalap alihim. God nasoꞌanam Jisasa nowalapam nigihimbaꞌma anom mandaꞌmana maol Godi ma mogawalapa hiahaom mape mandambahiꞌi mogataga kwafalis. Anen nasoꞌafa gawa afaꞌ wandaꞌ maola anini ma hiahawes isimba. Eaꞌ deiꞌ nasapaꞌi ensel ananinai nafiꞌmai aeꞌ Jon. Aeꞌ deiꞌ andaꞌmana maol Godi, eaꞌ anen naseꞌe basef aeꞌ wapani.

Revelesen 1:2

Aeꞌ atolom eaꞌ hiahaom amamba awalapam aꞌiam alihim basef Godi faloma basef ifimba endilisifi Jisas Krais nandaꞌef fandawalap alihifi.

Revelesen 1:4

Aeꞌ Jon andaꞌ basef ifimba ma ipaꞌ Kristen pagape walemb 7-pelailimbi itap luꞌupa Esiai. God fowaꞌ gani nape, deiꞌ nape, anaf owagama nope atapina dondol. Aeꞌ aꞌi anen noloma Jisas Krais moloma Ambal buꞌunai Godi banagonai siꞌi ambagof buꞌwagufi 7-pelaiguf mope felefeleꞌma sia buꞌwani Godi motopalopepa dowaf mowaꞌ banagaipa moseꞌepa opalef awanilifi. Jisas Krais anen naila basef ananifi andeandeꞌ nandaꞌ hiahawes ananisi datima. Eaꞌ nawalapa basef hiafi Godi andeandeꞌ. God naliꞌ nasaꞌmana nosafel wandof. Eaꞌ nape naliꞌma anaf esis sogagaꞌi God nosaꞌmas sogosafel wapani. Jisas Krais anen atona dembinai nugumafi amom king dembami magape itapi. Anen atona okom luꞌunai nainaila apaꞌ hiapai, ma esimbel ananimbeli atembel natagwahepa ma waf awafi apeꞌifi mataga wahifipa. Anen atona nandaꞌapa deiꞌ mape dembipai malomana mumafi epes hiasi siꞌi amom dembami king. Eaꞌ nandaꞌapa mape pris siꞌi mondolalima Godi mandaꞌ maola God Ahamana ananinai. Aeꞌ aꞌi mogogalaꞌi moloma banagami hiami ananimi atom mogape dondol lifilafi. Endilisi.

Revelesen 11:7

Amom mandaꞌ maol mawalapa basef Godi ma eaꞌ, anin mafin luꞌwani aunai nokwaha nowaga anamba nagal nogowala atini aꞌ nondagiai ilif. Eaꞌ okom numbutina nopaꞌ nolomam. Eaꞌ noham nofaꞌasom aꞌ afum.

Revelesen 12:11

Esis alipisi sahin owan apeꞌisi sofaꞌ banagami ma esimbel sipsip noganaii eaꞌ sawalipasa basef ananifi endilisifi. Esis sandaꞌ waf afambai. Isimba atis deiꞌ silaiꞌipa wandaf saliꞌamona boumi ma amamba. Esis ina ukup paꞌipaꞌi aꞌowaꞌ ma sogape andeandeꞌ itap apaꞌe, owaꞌatin. Esis ina ombel mahasa bousi sohas sogagaꞌ, owaꞌatin.

Revelesen 12:17

Eaꞌ anen okom numbutina aꞌowaꞌ ma akoꞌw eaꞌ nafeꞌ naꞌi nondaꞌ wandaf noloma anis batawisaꞌw akwaꞌusi, esis amam nematawa isimba sagaila muꞌuli hiani Godii sawalapa basef Jisasi sagailafi.

Revelesen 13:10

Iꞌi esis siꞌi sondaꞌ anin epen nefeꞌ nendaꞌ kalabus, eaꞌ anin nefoꞌo nendandaꞌago kalabus. Apaꞌ iꞌi esis siꞌi soha anin epen negagaꞌma bainat, daoꞌ anin nendagaꞌmago bainat. Endilisi waf afambai nimanif atef atiasi fetaga. Eaꞌ ipaꞌ amam nematawa Godi pendape banagepa pindahapila hapif ipeꞌini banagen datima.

Revelesen 14:12

Nemaf afamba akafimi amamba mogataga, daoꞌ anis amam nematawa Godi sondalutu banages. Isimba esis amam nematawa sagaila muꞌuli Godii ma sagahapifa Jisas sisihina datimai.

Revelesen 19:10

Eaꞌ aeꞌ indiwa nembawa etawa felefeleꞌma boꞌwagah enseli ma endaꞌ lotumana, owaꞌ naꞌipi naꞌi, “Inaꞌ nendaꞌas naꞌamba owaꞌi. Aeꞌ alipuwai ineꞌiwai aloma inaꞌ naloma sahopena ineꞌimi, afaꞌ wandaoꞌoma wandaꞌ maol Godi atini waloma esis hiasi hiꞌalas sagahapifa basef endilisifi Jisas nagawalipasafi. Inaꞌ nendandaꞌ lotuma God atona. Apaꞌ mogawa basef ifimba endilisifi Jisas nagawalapefa ipeꞌi, ifimba fasaꞌmai amom profeta mogawalipasa basef Godi.”

Revelesen 20:4

Ama main owaꞌ, ati anom sia luꞌwami kingi maꞌoh eaꞌ anis epes satoma sia amamba. God nasoꞌasa banagami ma sogowaloga waf esis amam nematawai ma kot. Eaꞌ ati ambagof epes isimba hiasi sagawalapa basef endilisifi Jisasi. Esis owaꞌ sondaꞌ lotuma mafin nagail alupi naloma ambal ananinai sagandombanaia, eaꞌ owaꞌ sogofaꞌ anin ametal awani mafin anambai amagah lagof asasisia. Epes isimba sagahapila basef Jisasi teteleꞌifi. Waf afamba atefa sandaꞌ maol buꞌwani, deiꞌ esis bousi satopaꞌ bambafugahas afis. Sosafel wapani sofaꞌ ambal namili eaꞌ sope dembesi king soloma Krais sope sondahama afagof 1,000-pelaiguf.

Revelesen 3:10

Ipaꞌ paila basef aeꞌafi andeandeꞌ palutu banagepa ma nimanimi amamba magatagamipai. Eaꞌ Aeꞌ deiꞌ imafi ipaꞌ ma atiasi nemaf afamba gwamba motagama mogogwamba amam nematawa hiasi itap hiagomai ma mogawalogasa waf buꞌwafi awafii. Amamba ina atiasi motagama ipaꞌ, owaꞌatin.

Revelesen 6:9

Eaꞌ sipsip noganai nahapeꞌ tep anamba wapani nagafeꞌma wanif bifi nogowaꞌ buki, eaꞌ ati ambagofa anis epes sagagaꞌi sape lafela anota belita sondolalima Goda. Fowaꞌ epes isimba sagahapifa basef Godi sisihifi asawalapef saꞌif saꞌipasefa Jisas Krais nagatopalopas. Eaꞌ isimba sandaiwaꞌma Godi sahas sagaꞌ.

Revelesen 7:14

Eaꞌ agwa basef aꞌi, “Dembinai aeꞌinai, inaꞌ atina negawas.” Anen naꞌipi naꞌi, “Epes isimba fowaꞌ sape itap sogofaꞌ nimanimi akafimi luꞌwami ma lagof esis bousi. Eaꞌ esis sasaꞌopa klos asasimi ma esimbel sipsip anamba noganai, deiꞌ mataga afitim.