Matyu Nandaꞌafi 1:23 - Basef Buꞌwami Godi

²³ ‘Owagama anoꞌw nemataꞌw saꞌukwi owaꞌ otaꞌ kogasoꞌ amania aꞌ opafuꞌw. Eaꞌ kola anin awani aman agol ananigili Emanuel. Agol agalemba kofagogola gaꞌias naꞌamba gaꞌi, God nape naloma apaꞌ.

Matyu Nandaꞌafi 1:23 Iomraidhean Croise

Matyu Nandaꞌafi 1:24

Eaꞌ Josep naꞌoh nandambema aꞌ nandaꞌas siꞌi ensel nagaꞌipana. Eaꞌ naila basef ifimba naoꞌwakw apaꞌ esis ina sandasoꞌama atogon atin, owaꞌ. Ataꞌ sape daindai safeꞌ ma akoꞌw aꞌ kogola awani aman. Eaꞌ nahapomana agol Jisas.

Matyu Nandaꞌafi 28:20

Eaꞌ piwalipasa sogagiꞌma basef buꞌwafi hiafi aeꞌafi agawalipipaef dindinipi. Endilisi atis, aeꞌ ape alomepa ma nimaguf hiafi danda, a pefeꞌ pefeꞌ ma nemaf akutaifi nogota hiꞌigalata.” Basef eaꞌ maꞌuf.

Luk Nandaꞌafi 20:44

Devit fowaꞌ nofala Krais naꞌi anen Dembinai. Isimba atis Krais ina aman atona falafunai, owaꞌ. Anen Dembinai.”

Jon Nandaꞌafi 1:14

Basef fataga epen eaꞌ nape laꞌafena afaꞌ, eaꞌ wati glori mogogalaꞌi banagami ananimi. Glori amamba mogogalaꞌi banagami nogamanai atom, ahamana nasapaꞌana nagafiꞌii. Anen natopalopapa dowaf nowaꞌ banagapa ma nigihimbaꞌmapa waf endilisifi fape siꞌifa anen.

Aposel 18:9

Owaꞌ anef nemaf owamb Pol nati anom maefah siꞌi koh dondoꞌah, Dembinai naꞌipana naꞌi, “Ina ombal mohena nesopama malogol, owaꞌi. Newalapa basef niꞌif.

Basef Amama Pol Nandaꞌam Mafeꞌma Esis Romi 8:31

Apaꞌ mameꞌ basefa hiahaom amamba buꞌwami God nandaꞌmapami deiꞌ muwatanif miꞌimama? Iꞌi God nogatopalopapa, deiꞌ anaf ina anis laꞌifisa sogohambombagapa, owaꞌatin endilisi.

Basef Amama Pol Nandaꞌam Mafeꞌma Esis Romi 9:5

Bafapapa akupapa dembami apeꞌimi mamumba magaliꞌi amamba apeꞌimi atom. Eaꞌ esimbel apeꞌimbeli atembel Krais nataga epen, anen God nandandepana nasapaꞌana nagafiꞌii, nape naliꞌma epes saloma hiahaom hiami numafiam. Anen God endilisinai eaꞌ mondasaꞌma agol ananigili dondol lifilafi. Endilisi.

2 Korin 5:19

Basef afaꞌifi naꞌamba. Krais atona God nandaꞌ maol nandaꞌ epes hiasi Basef afaꞌifi naꞌamba. Krais atona God nandaꞌ maol nandaꞌ epes hiasi sakwaha waf naumbihifi sataga opalef atelef salomana. Anen ina ataꞌ okom mandandaꞌma waf awafi esis sandaꞌafi, owaꞌ. Eaꞌ nasoꞌafa maol inimba ma ogawalapa basef ananifi ma nondaꞌ esis bousi sotaga opalef atelef sogalomana.

1 Timoti 3:16

Endilisi atis, basef ifimba kofagefa luꞌwafi aꞌowaꞌ. Owaꞌ anin epen laꞌifina negegawefa, owaꞌ. Fandambahoꞌ fape fafeꞌ fafeꞌ deiꞌ God nihimbaꞌmafaef alihif. Basef ifimba naꞌamba. Anen nataga epen endilisi nofaꞌ alop epesi, nataga nandawalap. Ambal buꞌunai Godi nihimbaꞌmapana anen aman buꞌunai nagape hililiꞌi. Amom ensel Godi matolona. Basef ananifi fafeꞌma esis wambotagw amam nematawa hiasi sogololama Godi. Esis epes itapasi sahapifana. Eaꞌ God nofaꞌana nalota heven nape mogolalaꞌi ananimi.

2 Timoti 4:17

Apaꞌ owaꞌ, Dembinai numafii ape eaꞌ naseꞌe banagami. Isimba atis deiꞌ awalapa basef fasifi aꞌif laꞌifiwi endilisi eaꞌ epes isimba hiasi owaꞌ Judaisi sogogawa basef Godia, deiꞌ sameꞌef hiꞌalas. Eaꞌ God nelefate ma malogol mafin anamba luꞌunai laion.

2 Timoti 4:22

Aeꞌ aꞌi Dembinai nope nolomago ambal fasili ineꞌili eaꞌ notopalopepa dowaf nowaꞌ banagaipago. Eaꞌ maꞌuf.