Mak Nandaꞌafi 15:16 - Basef Buꞌwami Godi

¹⁶ Amom soldia mofaꞌ Jisas mawisi ipat gavmani luꞌutai. Eaꞌ mofala anom soldia hiami mafiꞌi munduwaꞌanima ma anen

Mak Nandaꞌafi 15:16 Iomraidhean Croise

Matyu Nandaꞌafi 26:3

Nemaf afamba amom pris dembami maloma agufumi esis Judai munduwaꞌanima mape ipat Kaiafasi, anen pris dembinai nape nagaliꞌma pris hiamii.

Mak Nandaꞌafi 15:17

malamana saket akwahitai. Eaꞌ mofaꞌi anona mandof higatagunai manogana malaꞌwatefana siꞌi hat mowaloꞌmanana balaga ananigai.

Jon Nandaꞌafi 18:28

Ama kuhimbita atota amom matagwaha Jisas makwaha ipat Kaiafasi, mofaꞌana mafeꞌ ipat gavman dembinai. Eaꞌ amom Juda ina mafeꞌ mawis ipat atamba, owaꞌ. Amom maꞌi, “Naꞌamba aꞌ mofaꞌ alogw awagwi eaꞌ ina atiasi meaꞌ gwaꞌaisi luꞌwasi Pasova, owaꞌatin.”

Jon Nandaꞌafi 18:33

Eaꞌ gavman dembinai Pailat netanima nawis ipat luꞌutai gavmani nomon. Eaꞌ nofala Jisas nafiꞌi nahaliꞌana naꞌi, “Inaꞌ king dembinai esis Judai?”

Jon Nandaꞌafi 19:2

Mapagahona ma eaꞌ, malaꞌwatefa anof mandof higatagufi siꞌi anota hat mowaloꞌmanota balaga ananigai, malamana anef lowaf akwahifi. Eaꞌ timbi tambel mafeꞌma anen maꞌipana maꞌi, “Nemaf buꞌwafi, inaꞌ dembinai king Judai.” Amom mandaꞌ salomala anen mandaꞌana findiwana naꞌamba, mahana amaga ananigai.

Jon Nandaꞌafi 19:9

Eaꞌ nawis nomon ipat atamba nahaliꞌ Jisas naꞌi, “Inaꞌ nataga nafiꞌi ani?” Apaꞌ Jisas ina nagwamana anif basef, owaꞌ.

Aposel 10:1

Anona aman nagape Sisariai agilinama Konilias, anen agilinai kepten nugumafi soldia 100-pelaimi. Amom miniꞌap soldia amamba sagaꞌi agol soldia Italimi.