Mak Nandaꞌafi 14:8 - Basef Buꞌwami Godi

⁸ Maol inimba akoꞌw kwogawan kwandaꞌani, akoꞌw kwandaꞌan. Felefeleꞌma atiasi esis sehe egagaꞌ ma sogawe matmata. Okom akoꞌumi mapoma felefeleꞌma egagaꞌ. Naꞌamba deiꞌ kofaꞌi sandaꞌ inimba kwafiꞌi kwakoloꞌwan newala balaga aeꞌagai kokoꞌwalan newala alop aeꞌapi.

Mak Nandaꞌafi 14:8 Iomraidhean Croise

Matyu Nandaꞌafi 26:12

Nemataꞌw akwamba kwakoloꞌwa sanda inimba ma alop aeꞌapi, kwandaꞌ isimba kwindilaꞌwaifa felefeleꞌma esis sogawe matmat.

Mak Nandaꞌafi 15:42

Aꞌi owaꞌ wambomota felefeleꞌma owamb, Josep Arimateainai nafiꞌi. Anen dembinai ma kot esis Judai, agol luꞌwagilinai. Nape nohafa nemaf buꞌwafi fegataga ma hiasi sogawis nomona maol Godi nope Dembinai nugumafias. Deiꞌ sandaꞌ hiahaom gwaꞌaisi mais dumbulidombola naman nemaf afamba sabat fegataga. Eaꞌ Josep nafeꞌ nawis nalutu naep Pailati. Anen ina ombal mahana, owaꞌ. Nahaliꞌana ma nofaꞌi alop Jisasi nogawana.

Luk Nandaꞌafi 23:53

Eaꞌ nafeꞌ natagwaha alop Jisasi nisilaꞌi, nandaꞌ anef lowaf afitifi nopaloꞌana ma nombafana, nasapaꞌana nawis matmat atamba nalana nomon. Matmat atamba sagwasota tawis anona otam luꞌunai. Fowaꞌ esis ina deiꞌ sawa anin epenagon, ataꞌ owaꞌ atin.

Jon Nandaꞌafi 12:7

“Ipaꞌ owaꞌi piꞌipaꞌw basef ifimbaia, owaꞌi. Andeandeꞌma akoꞌw kwagakoloꞌwa sanda inimba ma atiasi nemaf afamba sehe igagaꞌafi ma sogawe. Isimba kwahusa gwaꞌaisi maini sape salomepa nimaguf hiafi. Apaꞌ aeꞌ ina epe egalomepa nogota lautai, owaꞌ.”

2 Korin 8:12

Iꞌi ipaꞌ ukup pehafel endilisi ma pegatopalopas pasoꞌas dondoꞌ siꞌi hiahawes sagaꞌoma ipeꞌi, naꞌambai God natilis naꞌi waf buꞌwafi ma okom ananimi. Apaꞌ hiahawes ipaꞌ akepamasi, God ina okom mandandaꞌmas, owaꞌ.