Luk Nandaꞌafi 8:8 - Basef Buꞌwami Godi

⁸ Eaꞌ anemb bewa begafeꞌ itap fasipai eaꞌ bataga balo bail bela gwaꞌaisi. Olemb ambamba atona bataga balo bail bela gwaꞌaisi hiasi 100-pelais atis.” Jisas naꞌias naꞌamba ma eaꞌ, naꞌipas mehip naꞌi, “Ipaꞌ aligah hagagalipai ma pegameꞌ basef ifimbai, pendameꞌef andeandeꞌ ukup pendapomef.”

Luk Nandaꞌafi 8:8 Iomraidhean Croise

Matyu Nandaꞌafi 11:15

Ipaꞌ epes ami aligah hagagalipai, pemeꞌ basef ifimba andeandeꞌ.

Matyu Nandaꞌafi 13:23

Apaꞌ anemb begewa itap fasipai siꞌi epes isimba sameꞌ basef buꞌwafi ma ukup asasipi pagapomef sahapilif sogawefa sandaꞌ waf fasifii. Anis sandaꞌ waf buꞌwafi siꞌi begela 100-pelaisi, apaꞌ anis siꞌi begela 60-pelaisi. Apaꞌ anis siꞌi begela 30-pelaim dowafi.”

Mak Nandaꞌafi 4:20

Apaꞌ anemb begawa itap fasipai siꞌi epes isimba sameꞌ basef buꞌwafi sofaꞌef sahapilif sandaꞌ waf fasifii. Anis siꞌi begela 30-pelaisi, apaꞌ anis siꞌi begela 60-pelaisi, apaꞌ anis siꞌi begela 100-pelais hiasi.

Mak Nandaꞌafi 4:23

Ipaꞌ aligah hagagalipai pagameꞌ basefi, ipaꞌ pendameꞌef andeandeꞌ.”

Mak Nandaꞌafi 4:8

Eaꞌ anemb bewa itap buꞌwapi, eaꞌ bataga luꞌumb, bail bela gwaꞌaisi. Anona nola 30-pelaimb, anona 60 apaꞌ anona nola 100-pelaimb.”

Mak Nandaꞌafi 7:16

[Ipaꞌ aligah hagagalipai, a pendameꞌ basef ifimba.]” Jisas nagaꞌipas naꞌamba,

Luk Nandaꞌafi 14:35

Sol alamba ina andeandeꞌ boꞌola apaꞌ mondaꞌal aofah, aꞌa mokwahol logaloma omba bulmakaum, owaꞌatin. Apaꞌ melefatam mokwahom atin. Epen ami aligah hagalina nagameꞌ basefi, anin aꞌ nindailif.”

Luk Nandaꞌafi 8:15

Apaꞌ olemb ambamba begewala itap fasipai, ambamba siꞌi anis sameꞌ basef sahapilif tatalaꞌif. Nelelemb asasilimbi fasilimba sagameꞌ basef Godi sogailif. Esis sape banages sandaꞌ waf fasifi banagef, isimba sape siꞌi olemb bataga balo bail begela gwaꞌaisi andeandeꞌi.”

Luk Nandaꞌafi 8:7

Anemb bewala laꞌafena mandelef wandafumi mataga malomam maofana wit, eaꞌ amom ina mail mola gwaꞌaimi, owaꞌ.

Efesus 2:10

Deiꞌ main, God atona nandaꞌapa mape. Lagol Krais Jisasi atogol nandaꞌapa mataga dambaipa ma waf fasifi apaꞌ milaf mogafeꞌ.

Kolosi 1:10

Wandaꞌas naꞌamba ma atiasi ipaꞌ laꞌifipama feꞌ poe ipeꞌini negataga boꞌwen endilisi dondoꞌma waf Dembinaii. Wandaꞌmepa betena Anen negati waf ipeꞌifi fendaꞌ okom ananimi boꞌoma ipaꞌ nondagalaepa. Ama pendaꞌ maol naninani hiani buꞌwani hiꞌigalana pegegawana andeandeꞌ pigikilaꞌ fowaꞌ paliꞌ pegegawana.

Revelesen 13:9

Epen aligah hagapaini, anin nendameꞌ basef ifimba naꞌamba.

Revelesen 2:11

Ipaꞌ mamahipama aligah hagapaipai, pendameꞌ andeandeꞌ basef ifimba Ambal buꞌunai Godi nagawalapefa esis amam nematawa Kristeni. Epen ami nilutu banagena nelefata wandafa negaliꞌamona waf awafii, atiasi gaꞌ inimba negafeꞌma biafini ina nehambomban nondaꞌan nefeꞌ wambel awambili, owaꞌatin endilisi.

Revelesen 2:7

“Ipaꞌ mamahipama aligah hagapaipai pendameꞌ andeandeꞌ basef ifimba Ambal buꞌunai Godi nagawalapefa esis amam nematawa Kristeni! “Epen ami nilutu banagena nelefata wandafa negaliꞌamona waf awafii, bola Aeꞌ iꞌi ahoꞌman neaꞌ gwaꞌaisi lawag agamba gagasoꞌas ambal namili epesi gogotawa aof Godi agiligima Paradaisi.”

Revelesen 3:13

Ipaꞌ mamahipama aligah hagapaipai pendameꞌ andeandeꞌ basef ifimba Ambal buꞌwali Godi nagawalapefa esis amam nematawa Kristeni.”

Revelesen 3:6

Ipaꞌ mamahipama aligah hagapaipai pendameꞌ andeandeꞌ basef ifimba Ambal buꞌunai Godi nagawalapefa esis amam nematawa Kristeni.