Luk Nandaꞌafi 7:13 - Basef Buꞌwami Godi

¹³ Dembinai nati akoꞌw, okom ananimi maꞌi uwahipiꞌw eaꞌ naꞌipaꞌw naꞌi, “Inaꞌ negalef owaꞌi.”

Luk Nandaꞌafi 7:13 Iomraidhean Croise

Mak Nandaꞌafi 8:2

“Aeꞌ ati esis amam nematawa isimba uwahipis. Esis a sape salome nimaguf wanif gwaꞌaisi akas nolom mahas aꞌowaꞌ. Iꞌi aeꞌ esapaꞌas sogafeꞌ dowaf uta baop asasima, sitilif atona sowa soꞌoh sofeꞌ iaiaf. Anis safiꞌi laogoma.”

Luk Nandaꞌafi 10:1

Ama main, Dembinai nandandepa anom alipumi ananimi 72-pelaim nasapaꞌam mafeꞌ mandahoꞌma biam atom maliꞌana mafeꞌ. Anen nasapaꞌam mafeꞌ taun walemb hiagoma anen naꞌi nogafeꞌagoma.

Luk Nandaꞌafi 11:1

Anef nemaf Jisas nandabeten nape anagon. Aꞌi owaꞌ nandabetena hiꞌalan, anona alipunai ananinai naꞌipana naꞌi, “Dembinai, inaꞌ nihimbaꞌmafa ondabeten siꞌi fowaꞌ Jon nigihimbaꞌma alipumi ananimi.”

Luk Nandaꞌafi 11:39

Owaꞌ Dembinai naꞌipana naꞌi, “Ipaꞌ Farisi, ipaꞌ pandombasa kapi plet andeꞌesa atis hililiꞌ. Apaꞌ nomon owaꞌ. Ipaꞌ opalef nomon siꞌipama waf walifi faloma anef waf awafi daiaf wapani.

Luk Nandaꞌafi 12:42

Eaꞌ Dembinai naꞌi, “Ipaꞌ hipai pendaꞌ waf buꞌwafi siꞌi anamba nugumafi amom mandaꞌ maoli okom buꞌwami mapaona nandaꞌ maol andeandeꞌ datimai. Aman anamba dembinai ananinai nandandepana ma nugumafi ananimi mandaꞌ maoli ma nogasoꞌama gwaꞌaisi amom nogota dondoꞌatai.

Luk Nandaꞌafi 13:15

Eaꞌ Dembinai nagwamana basef naꞌi, “Ipaꞌ amam pagaꞌi malogof biagufi! Peme! Nemaf magapoma nomaꞌwafi ipaꞌ hipai pafeꞌ ifagw bulmakauwi ma pagatagwaha bulmakau maloma donki ipeꞌimi paoꞌwam mafeꞌ magaꞌ embel.

Luk Nandaꞌafi 17:5

Amom aposel Jisasi maꞌipa Dembinai amamunai maꞌi, “Inaꞌ nendaꞌ afaꞌ ohapifina banagefa ukilaꞌ waliꞌ wagahapifina.”

Luk Nandaꞌafi 17:6

Eaꞌ Dembinai naꞌipam naꞌi, “Iꞌi hapif ipeꞌini nendahama siꞌi nalelef saꞌwisaꞌwisi mastetilif lawag, daoꞌ atiasi ipaꞌ piꞌipa lawag gagumba saꞌutip pagailagai pigaꞌi, ‘Inaꞌ dagia neloma kofaga nefeꞌ newala naoh embel nomon,’ eaꞌ agog aꞌ gigiꞌma basef ipeꞌifi.”

Luk Nandaꞌafi 18:6

Eaꞌ Dembinai naꞌipam naꞌi, “Ipaꞌ pemeꞌ basefa jas anamba aunai.

Luk Nandaꞌafi 19:8

Apaꞌ Sakius nosafel nalutu naꞌipa Dembinai naꞌi, “Dembinai, inaꞌ nemeꞌ. Deiꞌ aeꞌ aꞌi ewala hiahaom hiami aeꞌami laꞌafen dondoꞌ atin, eaꞌ eseꞌas duꞌwanim isimba kwahusi. Iꞌi aeꞌ embasoꞌma anin epena ekwalopa maefah ananimi, atiasi aeꞌ egwamana hiami bifibif.”

Luk Nandaꞌafi 22:61

Eaꞌ Dembinai nandambema aꞌ natiti Pita, owaꞌ okom Pitai mandandaꞌ ma basef ifimba dokoꞌ Dembinai naꞌipanafi nagaꞌi, “Owamb ambaꞌe awata ataꞌ owaꞌ totaea, inaꞌ atiasi aꞌ nembasoꞌmas niꞌias wanif niꞌi, ‘Inaꞌ owaꞌ negawea.’”

Luk Nandaꞌafi 24:3

Eaꞌ wawis nomon apaꞌ awo ina wati Jisas, owaꞌatin.

Luk Nandaꞌafi 24:34

Eaꞌ saꞌipa amom biam saꞌi, “Endilisi atis Dembinai aꞌ notanima nosafel! Saimon natolona eaꞌ.”

Luk Nandaꞌafi 7:12

Anen nafeꞌ felefeleꞌma uta sagawis wambel ambalembama, owaꞌ nati anis sofaꞌ anin awani nagagaꞌi safiꞌi saꞌi sowan. Awani inimba nagagaꞌi maꞌman alifiꞌwi. Akoꞌw kola anin atin, waulunamaꞌw aꞌ nagaꞌ. Eaꞌ esis amam nematawa hiasi sagape wambel ambalembai safiꞌi salumai akoꞌw.

Luk Nandaꞌafi 7:14

Ama main, anen nafeꞌ felefeleꞌ nasa lagola bokis sagalanasi. Eaꞌ amom mogofaꞌai bokis isimbai tol malutu. Eaꞌ Jisas naꞌi, “Awani, inaꞌ nemeꞌ! Aeꞌ aꞌipina, inaꞌ safel.”

Luk Nandaꞌafi 7:19

nasapaꞌam mafeꞌ mahaliꞌ Dembinai Jisas maꞌi, “Inaꞌ aman maꞌwina aꞌ nafiꞌi, eaꞌ aꞌa ataꞌ mope mohafa anona daiana?”

Jon Nandaꞌafi 11:3

Eaꞌ awo wasapaꞌ basef fafeꞌma Jisas waꞌi, “Dembinai, aman anamba inaꞌ okom magamagailanai aꞌ awasina naꞌoh.”

Jon Nandaꞌafi 20:13

Eaꞌ mahaliꞌakw maꞌi, “Inaꞌ nalopa main?” Eaꞌ akoꞌw kwagwamam basef kwaꞌi, “Anis asofaꞌ Dembinai aeꞌanai safeꞌ eaꞌ ina egawa anamba safeꞌ sagambeꞌanama, owaꞌatin.”

Jon Nandaꞌafi 20:15

Eaꞌ Jisas nahaliꞌakw naꞌi, “Nemataꞌw, deiꞌ maina inaꞌ nagalef? Inaꞌ newandoꞌma ami?” Akoꞌw okom maꞌi owaꞌ anona nandaꞌ maol aofi. Eaꞌ kwaꞌipana kwaꞌi, “Dembinai, iꞌi inaꞌ negefaꞌanama, niꞌipi anamba nefaꞌana nafeꞌ nagambeꞌanama?”

Jon Nandaꞌafi 4:1

Nemaf afamba amom Farisi dembami Judai mameꞌ anif basef naꞌamba faꞌi, “Jisas napisiꞌ alipisi hiasi nikilaꞌ isimba Jon nagapisiꞌasi.”

Jon Nandaꞌafi 6:23

Eaꞌ anogw botagw wapani Taibiriasigwi gwafiꞌi felefeleꞌma naꞌamba anen nape nanifela God nagasoꞌas gwaꞌaisima.

1 Korin 7:30

Eaꞌ epes isimba sawa sagalifi sondape siꞌi isimba owaꞌ sowa sogalifia. Epes sandagalai sondape siꞌi isimba owaꞌ sondagalaia. Eaꞌ isimba sagatala hiahawesi sondape siꞌi sugumafi hiahawes isimba dowafi, owaꞌ asasisia.

1 Tesalonaika 4:13

Ipaꞌ sahin owan, afaꞌ waꞌi ipaꞌ pegawa andeandeꞌma amam nematawa isimba sagagaꞌi. Naꞌamba nelelemb ipeꞌilimbi ukup pipilas pelopas siꞌi isimba sogololama hapifi sandaꞌam. Esis owaꞌ sogawa ma sope sogasasa nemaf afamba anaf sotambel sogosafel wapani wandelefafia.

Hibrui 2:17

Isimba atis anen nataga naꞌamba atin endilisi siꞌi owasana ananisi ma nagataga pris dembinai nape nagaliꞌma pris hiamii. Anen aman nagaꞌi uwahipigama apeꞌi nandaꞌ maol Godi andeandeꞌ endilisi ma nogatofa okom wandafunai Godi nagapoma amam nematawa hiasi sandaꞌ waf awafii.

Hibrui 4:15

Pris anamba Dembinai anen laꞌifinama nogati apaꞌ uwahipipa, nogota mamahotama apaꞌ owaꞌ banagepama mogahagasa waf awafia, eaꞌ alop owaꞌ laꞌifipa ma mondaꞌ maola. Hiahaom hiami hiꞌalam mataga magagwamba apeꞌi, amamba maliꞌ mataga magwamba anen wapani eaꞌ. Apaꞌ anen ina nandaꞌ anef waf awafi, owaꞌatin endilisi.