Luk Nandaꞌafi 4:5 - Basef Buꞌwami Godi

⁵ Eaꞌ Satan nofaꞌana nondowasaꞌ ilif nihimbaꞌmana hiahaom hiami fasimi magape itap hiagoma amom king dembami magalaꞌambemagoma. Nihimbaꞌmanagon kwafalis atis.

Luk Nandaꞌafi 4:5 Iomraidhean Croise

Matyu Nandaꞌafi 24:14

Eaꞌ atiasi esis siꞌipasa basef ifimba buꞌwafi Godima epes hiasi sogawis nomona maol ananini nope Dembinai nugumafias. Esis siꞌipas ganimba itap hiagoma hiꞌilagon ama amam nematawa hiasi ganimba walemb hielimbi ataꞌ siliꞌ someꞌef. Ama main owaꞌ, nemaf akutaifi aꞌ fetaga.

Matyu Nandaꞌafi 4:8

Eaꞌ Satan naoꞌwana mafeꞌ wapani malota anona halafuta launai aꞌ nihimbaꞌmana hiahaom hiami buꞌwami magape itap hiagomai maloma amam nematawa hiasi.

1 Korin 7:31

Epes isimba sandaꞌ maola hiahaom itapamii, sondape siꞌi isimba owaꞌ ukup pigapigaila hiahaom itap apaꞌimia. Deiꞌ main, apaꞌ mogawa, itap apaꞌe atiasi petaga pendahoꞌof higililap.

2 Korin 4:17

Ahoꞌ, nimanimi amamba magatagamafai amamba saꞌosaꞌom aꞌowaꞌ eaꞌ atiasi mope nogota bandata. Nimanimi amamba anaf mowalapai mogogalaꞌi poe buꞌwani endilisi gani heven dondol lifilafi. Poe inimba buꞌwani anaf nikilaꞌ endilisi nimanimi amamba saꞌumi deiꞌimi.

Efesus 2:2

Nogota atamba ipaꞌ ataꞌ paila waf awafi atef itapafi eaꞌ paila basefa aman aunai banagonai nugumafi banagami awami mape laꞌafen mugumafi itapi otagai. Banagami amamba mataga aman anamba aunai deiꞌ nugumafi epes isimba sogosambala Godi.

Efesus 6:12

Deiꞌ main? Apaꞌ ina mandaꞌ wandaf maloma epes, owaꞌatin. Apaꞌ mandaꞌ wandaf mapaꞌ maloma ambagof gambefah awami mape magaliꞌi eaꞌ maloma amom agufumi awami aꞌ amom ensel banagami awami maloma banagami hiami awami hiꞌalam mugumafi epes sandaꞌ waf awafii itap apaꞌii. Apaꞌ mapaꞌ maloma ambagof awami hiami magape laꞌafena otagai itapi.