Luk Nandaꞌafi 4:25 - Basef Buꞌwami Godi

²⁵ Aeꞌ aꞌipipa endilisi atis. Nogota atamba fowaꞌ Elaija nagapautai owaf atona nagandogwa, asaf ina ataꞌ falai afagof wanogof aomb wanemb wanemb, owaꞌatin. Eaꞌ nolom luꞌunai nataga ganimba hiagoma. Nogota atamba nematawa hiawai Israeliwai amom magaꞌ mialifawa wape.

Luk Nandaꞌafi 4:25 Iomraidhean Croise

Matyu Nandaꞌafi 20:15

Aeꞌ andaꞌ maol siꞌi okom aeꞌami magaꞌiana moni aeꞌani. Naꞌamba andeandeꞌ, waf usiꞌifi. Aeꞌ andaꞌ waf buꞌwafi ma igimafi amom magiꞌ magafiꞌi wambomotai. Naꞌamba deiꞌ inaꞌ kowalena ma otamba amamimbai?’

Luk Nandaꞌafi 10:21

Nogota atamba atota Ambal buꞌunai Godi nawalapa dagala nembel Jisasi eaꞌ naꞌi, “O ahame, inaꞌ Dembinai ma ilifi itapi. Aeꞌ asaꞌma agol ineꞌigili anifelina. Deiꞌ main? Inaꞌ nambahoꞌ hiahaom amamba ma esis epes gawaisi sogofaꞌ gawa luꞌwanii, eaꞌ nambemam nihimbaꞌmasam epes isimba gawa akasi falafisi. Ahoꞌ ahame, okom ineꞌimi magaꞌi, eaꞌ amamba atom.

Basef Amama Pol Nandaꞌam Mafeꞌma Esis Romi 9:15

Anen naꞌipa Moses naꞌi, “Endilisi, anaf aeꞌ iꞌi uwahipigama epen mamahina igaꞌi uwahipigamani eaꞌ etopalopa epen mamahina aeꞌ okom maꞌi igatopalopani.”

Basef Amama Pol Nandaꞌam Mafeꞌma Esis Romi 9:20

Apaꞌ epen, inaꞌ mamahinama ma niꞌi niginifala God? Owaꞌatin. Aꞌi malep sandaꞌ nombol sagalaꞌapi laꞌifipa piginifala aman anamba nandaꞌap nagalaꞌapi pigaꞌi, “Deiꞌ maina inaꞌ nandaꞌe naꞌambae?” Owaꞌatin.

Efesus 1:11

God nandaꞌ hiahaom amamba hiꞌalam nagiꞌma fowaꞌ dambadamba anen okom mandandaꞌmam. Eaꞌ nosahoꞌapa mape sisihipama Krais. Deiꞌ main, anen nandaila okom ananimi siꞌi fowaꞌ dambadamba okom mandandaꞌmas.

Efesus 1:9

Okom ananimi atom naꞌi notopalopapa eaꞌ nihimbaꞌmapa basef ananifi faliꞌ fandambahoꞌ fagape okom ananimi atumi. Basef ifimba fagape naꞌamba. Anen naliꞌ okom mandandaꞌma Krais nogape dembinai ma hiahaom hiami magape ilif itapi hiꞌigalam epes wapani. Nogota atamba anen atona okom magaꞌiatai togataga, God nosoꞌana hiahaom amamba mofeꞌ lagol Kraisi atogol ma anen atona nogape dembinai ma hiahaom amamba hiꞌigalam.

Jems 5:17

Aman anamba Elija fowaꞌinai, anen aman siꞌi apaꞌ epes sagape itapi. Anen okom mapoma God eaꞌ nandabeten nahaliꞌana ma nogasopama asaf, eaꞌ ina falai itap asasipi nogota laota afagof siꞌigufi wanogof duꞌwanigili.

Revelesen 11:6

Amom biam banagema mogasopama otaga ma asaf owaꞌatina nimaguf hiafi ma mondaꞌ maol mogawalapa basef Godi. Amom banagami ma mogambema embel hiambeli begataga akwahimbel siꞌi esimbel eaꞌ banagami ma mogahambombaga esis amam nematawa itapasi ma hiahaom awami mamimami. Nimaguf mamahifa amom miꞌi mondaꞌas naꞌamba, amom laꞌifima mondaꞌas.