Luk Nandaꞌafi 3:14 - Basef Buꞌwami Godi

¹⁴ Eaꞌ anom soldia mafiꞌi mahaliꞌana maꞌi, “Afaꞌ atiasi ondaꞌ maina ogohapila basef Godi?” Anen nagwamam naꞌipam naꞌi, “Ipaꞌ ina aꞌ pembasoꞌma epes piumbalis pendaꞌas ombel mohas pendaꞌmas kot pendelelaepasa moni asasini dowaf, owaꞌi. Nelelemb ipeꞌilimbi bendape awanelemba otamba ipeꞌimbai dondoꞌma ikwaf amom dembami mandandepafi.”

Luk Nandaꞌafi 3:14 Iomraidhean Croise

Matyu Nandaꞌafi 8:5

Jisas nafeꞌ wambel Kaperneam eaꞌ anona soldia dembinai nape. Anen dembinai ma nugumafi amom soldia hiami 100-pelaim. Eaꞌ nafiꞌi nahaliꞌ Jisas dindinip naꞌi,

Luk Nandaꞌafi 19:8

Apaꞌ Sakius nosafel nalutu naꞌipa Dembinai naꞌi, “Dembinai, inaꞌ nemeꞌ. Deiꞌ aeꞌ aꞌi ewala hiahaom hiami aeꞌami laꞌafen dondoꞌ atin, eaꞌ eseꞌas duꞌwanim isimba kwahusi. Iꞌi aeꞌ embasoꞌma anin epena ekwalopa maefah ananimi, atiasi aeꞌ egwamana hiami bifibif.”

Luk Nandaꞌafi 3:10

Anen naꞌias eaꞌ, esis hiasi sahaliꞌana saꞌi, “Apaꞌ atiasi mondaꞌ maina mondaꞌ waf fasifi God nagaꞌiefi?”

Luk Nandaꞌafi 3:13

Anen naꞌipam naꞌi, “Ipaꞌ pefaꞌ otamba bendahama siꞌi gavman nagaꞌipipambai atemba. Ipaꞌ ina pefaꞌ anemba wapani, owaꞌi.”

Aposel 10:7

Ensel naꞌipa Konilias eaꞌ, aꞌ nafeꞌ. Eaꞌ Konilias nofalai amam biam ananimi mandaꞌmana maoli maloma anona soldia. Soldia anamba nandaꞌ lotu dondoli nape nandaꞌ maola Koniliasi.

Filipai 2:15

Pendaꞌas naꞌamba ma pegape awasi Godi usiꞌipa ma basefa waf awafi akepa. Deiꞌ pape paloma epes miniꞌap sagape itap apaꞌi, esis sakwaha waf usiꞌifi asandaꞌ waf awafi. Ipaꞌ pape palomas pihimbaꞌmasa basef ambal namilifi siꞌi ondowa ogotawa ilifi ogogalaꞌma epes. Pendaꞌas naꞌamba ma nemaf akutaifi Kraisi aeꞌ sowenegahema ipaꞌ ma egegawa ina andaꞌ maol dowadowaf akwaha pepel aeꞌani dowaf, owaꞌatin.

Filipai 4:11

Aeꞌ ina aꞌias naꞌamba aꞌi aeꞌ hiahawes ake, owaꞌatin. Deiꞌ main, aeꞌ egawa eaꞌ naꞌamba. Iꞌi hiahaom mamahoma motagame, hapaimi. Opaf aeꞌafi awanefa hiahaom amamba.

Taitus 2:3

Eaꞌ awo nematawa hagiwai wapani ondafeꞌ usiꞌiwa hililiꞌ. Awo owaꞌi ondaha basefa anis undaꞌiꞌipamasa, owaꞌ. Awo owaꞌi weaꞌ embel hiambeli ohaga ogaola. Awo ondape siꞌi tisa nagawalipasa waf buꞌwafi.

Revelesen 12:10

Eaꞌ ameꞌ anagol malogol gaꞌi mehip gatagai heven gaꞌi naꞌamba gaꞌi, “Deiꞌ God apeꞌinai aꞌ nowambela apaꞌ mutanimai eaꞌ, banagami ananimi mataga mandawalap alihigima eaꞌ ma nogape Dembinai king! Eaꞌ Krais, God nandandepana nasapaꞌana nagafiꞌii anen banagonai nofaꞌ agol luꞌwagili eaꞌ. Deiꞌ main, aman anamba nagambasoꞌma alipisi sahin owan apeꞌisii owamb alip naꞌipa God apeꞌinai naꞌi esis sandaꞌ waf awafi. Apaꞌ owaꞌ deiꞌ amom ensel Godi makwahana nisilaꞌi eaꞌ.