Luk Nandaꞌafi 3:13 - Basef Buꞌwami Godi

¹³ Anen naꞌipam naꞌi, “Ipaꞌ pefaꞌ otamba bendahama siꞌi gavman nagaꞌipipambai atemba. Ipaꞌ ina pefaꞌ anemba wapani, owaꞌi.”

Luk Nandaꞌafi 3:13 Iomraidhean Croise

Matyu Nandaꞌafi 7:12

Waf maif ipaꞌ paꞌi esis sondaꞌmepaf ipeꞌi, ipaꞌ pendaꞌmasaf naꞌamba atin. Basef ifimba kofagefa ma muꞌuli Godi nagaꞌipa Mosesani naloma basef God fowaꞌ nagaꞌipa amom profet mandaꞌafi.

Luk Nandaꞌafi 19:8

Apaꞌ Sakius nosafel nalutu naꞌipa Dembinai naꞌi, “Dembinai, inaꞌ nemeꞌ. Deiꞌ aeꞌ aꞌi ewala hiahaom hiami aeꞌami laꞌafen dondoꞌ atin, eaꞌ eseꞌas duꞌwanim isimba kwahusi. Iꞌi aeꞌ embasoꞌma anin epena ekwalopa maefah ananimi, atiasi aeꞌ egwamana hiami bifibif.”

Luk Nandaꞌafi 3:12

Eaꞌ anom amam awami mogofaꞌ takisi mafiꞌmai Jon maꞌi nupisiꞌam embel eaꞌ mahaliꞌana maꞌi, “Dembinai, atiasi afaꞌ ondaꞌ maina ogahapila basef fasifi Godi?”

Luk Nandaꞌafi 3:14

Eaꞌ anom soldia mafiꞌi mahaliꞌana maꞌi, “Afaꞌ atiasi ondaꞌ maina ogohapila basef Godi?” Anen nagwamam naꞌipam naꞌi, “Ipaꞌ ina aꞌ pembasoꞌma epes piumbalis pendaꞌas ombel mohas pendaꞌmas kot pendelelaepasa moni asasini dowaf, owaꞌi. Nelelemb ipeꞌilimbi bendape awanelemba otamba ipeꞌimbai dondoꞌma ikwaf amom dembami mandandepafi.”

1 Korin 6:10

a isimba sandaꞌ wali, a epes kowagalasa hiahawes anis daiasi saꞌi sogofaꞌas atini, a epes isimba saꞌ embela ukup magahasi, a epes isimba sagaꞌi basef awafi findiwaifi ma anis epesi, eaꞌ isimba sandaꞌ wal sagahambombaga epesi, epes isimba naꞌambaisi ina anaf sefeꞌ suwis anamba God nagalaꞌambemagoma, owaꞌatin.

Efesus 4:28

Epes mamahisa sandaꞌ wal atini, esis ina ataꞌ sondaꞌ wal wapani, owaꞌi. Esis deiꞌ sondandaꞌ maola lagof asasigufi ma atiasi sotagama hiahawesa sogasoꞌasas epes isimba hiahawes akasi.

Hibrui 12:1

Deiꞌ apaꞌ siꞌi main? Esis epes fowaꞌisi sagahapifa Godi salutu salipapa siꞌi ilagw luꞌwami masoꞌalepa magalaꞌambemapa sihimbaꞌmapa waf sagahapifanafi. Isimba atis apaꞌ deiꞌ mondakwaha hiahaom amamba mandaꞌ apaꞌ nimanipai, moloma waf hiafi awafi fagawasiꞌapai. Eaꞌ mondowaꞌ banaga nelelemb apeꞌilimbi ma mosagih banagambel mondololaiꞌma sagih buꞌwani inimba God nandandepana mugasagihani.