Luk Nandaꞌafi 3:12 - Basef Buꞌwami Godi

¹² Eaꞌ anom amam awami mogofaꞌ takisi mafiꞌmai Jon maꞌi nupisiꞌam embel eaꞌ mahaliꞌana maꞌi, “Dembinai, atiasi afaꞌ ondaꞌ maina ogahapila basef fasifi Godi?”

Luk Nandaꞌafi 3:12 Iomraidhean Croise

Matyu Nandaꞌafi 5:46

Iꞌi ipaꞌ ukup pigaila epes isimba ukup pagapagaila ipeꞌi atis, atiasi pefaꞌ hiahawes fasisi maisa waf afamba? Owaꞌatin. Amom amamba mandaꞌ waf awafii mogofaꞌ takisi mandaꞌ waf afambai atef. Eaꞌ anom daiam mandaꞌ waf awafii, amom wapani mandaꞌ waf afambai atef. Amom matopalopa esis isimba nomonas sagapoma esis atisii.

Luk Nandaꞌafi 18:13

“Apaꞌ aman anamba nogofaꞌ takisi nalutuwi laogon nandaiwaꞌma niniga negati heven, owaꞌ. Naha mafata ananitai atapita naꞌi, ‘O God, aeꞌ aman andaꞌ waf awafii, inaꞌ niti aeꞌ owahipiwi netopalope.’ Eaꞌ notanima nafeꞌ ipat ananitai. Aeꞌ aꞌipipa endilisi, aman anamba nogofaꞌ takisi naꞌias naꞌamba, anen boꞌona ma naep Godi. Apaꞌ aman anamba naliꞌ nandabetani, owaꞌ. Deiꞌ main, epen ami negasaꞌma agol ananigili atigili, atiasi God nondaꞌ agol ananigili gowala. Apaꞌ epen ami nendaꞌ agol gigisilaꞌi, bola God nosaꞌma agol ananigili luꞌwagol.”

Luk Nandaꞌafi 3:10

Anen naꞌias eaꞌ, esis hiasi sahaliꞌana saꞌi, “Apaꞌ atiasi mondaꞌ maina mondaꞌ waf fasifi God nagaꞌiefi?”

Luk Nandaꞌafi 3:13

Anen naꞌipam naꞌi, “Ipaꞌ pefaꞌ otamba bendahama siꞌi gavman nagaꞌipipambai atemba. Ipaꞌ ina pefaꞌ anemba wapani, owaꞌi.”

Luk Nandaꞌafi 7:29

Eaꞌ amom mogofaꞌ takis mogambasoꞌmasi maloma epes hiasi sagameꞌ basef Jisasi esis saꞌi, “Ahoꞌ, waf Godi andeandeꞌ.” Deiꞌ main, Jon atona nagapisiꞌasi.

Aposel 2:37

Esis sameꞌ basef ifimba owaꞌ, faha nelelemb asasilimbi aꞌowaꞌ. Eaꞌ saꞌipa Pita naloma amom aposel daiam saꞌi, “Ipaꞌ sahopapa, deiꞌ apaꞌ eaꞌ mondaꞌ maina mogape andeandeꞌ?”