Luk Nandaꞌafi 24:5 - Basef Buꞌwami Godi

⁵ Eaꞌ awo ombal mahawa aꞌowaꞌ windiwa balagah wati itap. Owaꞌ amom maꞌipawa maꞌi, “Ipaꞌ pafiꞌi pelaoma aman anamba ambal lagapaunai ma naꞌa epes sagagaꞌi ma main? Anen ina ataꞌ nape naꞌa, owaꞌ. Aꞌ nosafel eaꞌ!

Luk Nandaꞌafi 24:5 Iomraidhean Croise

Luk Nandaꞌafi 1:29

Maria kwameꞌ basef ifimba nomonas akwaꞌusi aꞌ nimanis endilisi. Okom akwaꞌumi mandandaꞌ maꞌi, “Kofagefa faꞌi main?”

Luk Nandaꞌafi 24:4

Eaꞌ awo nomonas salasafeꞌ hiahiasa isimba. Owaꞌ kwafalis atis wati anom amam biam malutu felefeleꞌ luwaguf amamifi mogalaꞌ aꞌowaꞌ.

Luk Nandaꞌafi 24:6

Ipaꞌ ukup pendapoma basef ifimba fowaꞌ naliꞌ nagaꞌipipafi. Nemaf afamba ataꞌ nape nagalomepa ganimba itap apamba Galili naꞌipipa naꞌi,

Aposel 2:24

Apaꞌ owaꞌ, owaꞌatin. God notanima nasaꞌmana wapani aꞌ nakwaha akafimi ma gaꞌ ananimi. Deiꞌ main, gaꞌ inimba ina banagen aꞌowaꞌ ma nihapilana nogape, owaꞌatin.

Hibrui 7:8

Amom Livai mandaꞌ maol mondolalima Godi mofaꞌ hiahawes duꞌwanis ilifunamais, amom anaf mogagaꞌi atom. Apaꞌ Melkisedek nofaꞌ hiahawes sagawalogasi duꞌwanis ilifunamaisi, anen nagape namunai dondol lifilafii, siꞌi buk Baibel nagaꞌi.

Revelesen 1:18

Fowaꞌ agaꞌ eaꞌ, apaꞌ deiꞌ inaꞌ natolowe ape namowe atapiwi lifilafi. Eaꞌ ape aliꞌ Dembiwai ma igimafi gaꞌ ma egawaloga epes ami sagagaꞌi sogafeꞌ wambel awambili hel aꞌa sogafeꞌ wambel buꞌwambili heven.

Revelesen 2:8

“Inaꞌ daꞌa anif basef fefeꞌma ensel nugumafi esis amam nematawa Kristen sagape Smernai. Aeꞌ ape Dembiwai atapiwi agaliꞌi lifilafii, ape agagiꞌ endilisii. Fowaꞌ agagaꞌ eaꞌi, apaꞌ deiꞌ esafel wapani ape namowe ambal lapowe. Deiꞌ andaꞌmepago basef ifimba ipaꞌ aꞌi,